RGV Next Movie : ఆర్జీవీ నెక్స్ట్ మూవీ అనౌన్స్.. ఈసారి నేనంటే ఏంటో చూపిస్తాను అంటూ ట్వీట్..
తాజాగా ఆర్జీవీ తన నెక్స్ట్ సినిమా టైటిల్ ని అనౌన్స్ చేస్తూ, ఆ సినిమా కథ మెయిన్ పాయింట్ కూడా చెప్తూ ట్వీట్ చేసాడు.
- Published By: 10TV Digital Team ,Published On : January 22, 2025 / 05:52 PM IST
Photo Credits : RGV Youtube Channel
RGV Next Movie : గతంలో సూపర్ హిట్ సినిమాలు తీసిన సెన్సేషనల్ డైరెక్టర్ ఆర్జీవీ గత కొన్నాళ్ల నుంచి ఏవేవో సినిమాలు తన ఇష్టం అంటూ తీస్తున్నాడు. అయితే ఆర్జీవీ తీసిన బెస్ట్ సినిమాల్లో ఒకటైన సత్య సినిమాని ఇటీవల రీ రిలీజ్ చేసారు. దీనికి ముంబైలో స్పెషల్ షో వేయడంతో ఆర్జీవీతో పటు ఆ సినిమాలో పనిచేసిన నటీనటులు, సాంకేతిక నిపుణులు అందరూ వచ్చారు.
సత్య సినిమా చూసిన తర్వాత ఆర్జీవీ తన సోషల్ మీడియాలో.. సత్య సినిమా మళ్ళీ చూసి నేను ఏడ్చాను. అప్పట్లో ఉన్న నిజాయితీ, నిబద్దత ఇప్పుడు నాలో లేవు. ఇలాంటి మంచి సినిమాలు తీసిన నేను ఆ తరువాత అహంకారంతో ఏవేవో సినిమాలు తీసాను. సత్య సినిమా ఇప్పుడు నాలో మార్పు తెచ్చింది. ఇకపై నా జీవితాంతం మంచి సినిమాలు తీయడానికే ప్రయత్నిస్తాను. సత్య సినిమా రేంజ్ లో కాకపోయినా నిజాయితిగా ఓ మంచి సినిమా తీస్తాను అంటూ ఎమోషనల్ గా ట్వీట్ చేసాడు.
Also Read : Paradha Teaser : అనుపమ పరమేశ్వరన్ ‘పరదా’ టీజర్ వచ్చేసింది..
ఆర్జీవీ ఏడ్చాను అని చెప్పడం, ఆర్జీవీ ఎమోషనల్ గా ట్వీట్ చేయడంతో ఈ ట్వీట్ వైరల్ గా మారి మళ్ళీ ఆర్జీవీ కంబ్యాక్ ఇస్తాడా? ఇస్తే ఎలాంటి సినిమా తీస్తాడు? ఆర్జీవీ నెక్స్ట్ సినిమా ఏంటి అంటూ చర్చ మొదలైంది. తాజాగా ఆర్జీవీ తన నెక్స్ట్ సినిమా టైటిల్ ని అనౌన్స్ చేస్తూ, ఆ సినిమా కథ మెయిన్ పాయింట్ కూడా చెప్తూ ట్వీట్ చేసాడు.
ఆర్జీవీ తన ట్వీట్ లో.. ఒక మనిషి మాత్రమే అత్యంత భయంకరమైన జంతువు కాగలడు. సత్య సినిమాపై నా కన్ఫెషన్ నోట్‌కు కొనసాగింపుగా నేను ఎప్పటికైనా పెద్ద సినిమాని తీయాలని నిర్ణయించుకున్నాను. ఆ సినిమా పేరు ‘సిండికేట్’. ఇది భారతదేశ అస్తిత్వానికే ముప్పు కలిగించే ఓ భయంకరమైన సంస్థ. దీని కాన్సెప్ట్ ఏంటంటే.. స్ట్రీట్ గ్యాంగ్‌లు, రాజకీయ పార్టీలు, స్మగ్లింగ్లు, కార్పొరేట్ ముఠాలు, D కంపెనీ.. ఇలాంటివి చాలా దేశంలోని ఆర్ధిక సంస్కరణలు నాశనం చేసాయి. ఆ తర్వాత భయంకరమైన ISIS, ఘోరమైన అల్ఖైదాతో ఉగ్రవాదత్వం పెరిగింది. కానీ గత 10 నుండి 15 సంవత్సరాల మధ్యలో భారతదేశంలో చెప్పుకోదగ్గ నేర సంస్థ ఏదీ లేదు. ప్రస్తుతం వివిధ దేశాల మధ్య ఉన్న గొడవలతో ఓ కొత్త రకమైన నేర సంస్థ పుట్టే సమయం ఆసన్నమైంది. అయితే ఇది గతంలోని సంస్థలకు భిన్నంగా పోలీసింగ్ ఏజెన్సీలు, రాజకీయాలు, రిచ్ బిజినెస్ మెన్స్, మిలిటరీతో సహా పలువురు కలిసి ఒక సిండికేట్‌గా మారింది. సిండికేట్ అనేది ఎప్పుడు ఏం చేస్తుందో ఎవరికీ తెలీదు. ‘ఒక మనిషి మాత్రమే అత్యంత భయంకరమైన జంతువు కాగలడు’ అనే ప్రకటనతోనే సిండికేట్ సినిమా ప్రారంభవవుతుంది. దీని ఏకైక లక్ష్యం భారతదేశాన్ని ఒక కొత్త భారతదేశంతో రీప్లేస్ చేయడమే. సిండికేట్ ఒక భయానక సినిమాగా ఉంటుంది. ఈ సినిమా క్రైమ్, టెర్రర్ స్వభావాన్ని చెప్తుంది. మన విజయాలు మనకు ఉన్నప్పుడు క్రైమ్, టెర్రర్ ఎప్పటికీ చనిపోవు అనే చీకటి సత్యాన్ని రుజువు చేస్తుంది. ఈ సిండికేట్ అనే ఈ ఒక్క సినిమాతో గత కొన్ని సంవత్సరాలుగా నేను చేసిన సినిమా పాపాలన్నింటినీ కడిగేసుకుంటానని ప్రతిజ్ఞ చేశాను. ఈ సినిమాలో నటించే వాళ్ళు, మిగిలిన డీటెయిల్స్ త్వరలోనే ప్రకటిస్తాను అంటూ తెలిపారు.
“ONLY MAN CAN BE THE MOST TERRIFYING ANIMAL “
In CONTINUATION to my CONFESSION note on SATYA film , I DECIDED to make the BIGGEST film ever
The film is called SYNDICATE
It’s about a terrifying organisation which threatens the very EXISTENCE of INDIA
The CONCEPT
STREET…
— Ram Gopal Varma (@RGVzoomin) January 22, 2025
దీంతో ఆర్జీవీ ఫ్యాన్స్ ఆర్జీవీ మళ్ళీ గ్రాండ్ కంబ్యాక్ ఇస్తాడు, సిండికేట్ సినిమాతో సరికొత్త ఆర్జీవీని చూపిస్తాడు అని కామెంట్స్ చేస్తున్నారు. కానీ పలువురు ఈ సిండికేట్ సినిమా కూడా గత సినిమాల్లాగే ఉంటుంది, కొత్తగా ఏమి ఉండదు అని కామెంట్స్ చేస్తున్నారు. మరి ఆర్జీవీ సిండికేట్ సినిమాతో గ్రాండ్ కంబ్యాక్ ఇస్తాడా లేదా చూడాలి.
Also See : Samantha : తన టీమ్‌తో కలిసి పికెల్ బాల్ ఆడిన సమంత.. ఫొటోలు చూశారా?
