Meelo Okadu: ఫైట్ మాస్టర్స్ రామ్ లక్ష్మణ్‌లు వదిలిన ‘మీలో ఒకడు’ ట్రైలర్
శ్రీమ‌తి చిన్ని కుప్పిలి సమర్పణలో శ్రీ సూర్యనారాయణ క్రియేషన్స్‌పై లయన్ కుప్పిలి శ్రీనివాస్ హీరోగా నటిస్తూ, నిర్మిస్తున్న చిత్రం ‘‘మీలో ఒకడు’’....
- Published By: 10TV Digital Team ,Published On : July 9, 2022 / 03:20 PM IST
Ram Laxman Releases Meelo Okadu Trailer
Meelo Okadu: శ్రీమ‌తి చిన్ని కుప్పిలి సమర్పణలో శ్రీ సూర్యనారాయణ క్రియేషన్స్‌పై లయన్ కుప్పిలి శ్రీనివాస్ హీరోగా నటిస్తూ, నిర్మిస్తున్న చిత్రం ‘‘మీలో ఒకడు’’. సీనియ‌ర్ న‌టుడు సుమ‌న్ కీల‌క పాత్ర‌లో నటిస్తున్న ఈ సినిమాలో సీనియ‌ర్ న‌టులు కృష్ణ భ‌గ‌వాన్, స‌మీర్, అశోక్ కుమార్, బ‌స్టాప్ కోటేశ్వ‌ర‌రావు, గ‌బ్బ‌ర్ సింగ్ బ్యాచ్ ఈ చిత్రంలో ప్ర‌ధాన పాత్ర‌లు పోషిస్తున్నారు. ఇప్ప‌టికే రిలీజైన ఈ సినిమా టీజ‌ర్, సాంగ్స్‌కు మంచి రెస్పాన్స్ రావడంతో ఈ సినిమా విజయంపై చిత్ర యూనిట్ ధీమా వ్యక్తం చేస్తోంది. ఇక హీరో కుప్పిలి శ్రీనివాస్ స‌ర‌స‌న హ్రితిక సింగ్, సాధన పవన్ హీరోయిన్లుగా నటిస్తున్న ఈ మూవీ తాజాగా సెన్సార్ పూర్తి చేసుకుని U/A స‌ర్టిఫికేట్‌‌ను సోంతం చేసుకుంది.
సెన్సార్ స‌భ్యుల చేత ప్ర‌సంశలు అందుకున్న ఈ మూవీని జులై 22న స్ర్కీన్ మ్యాక్స్ పిక్చ‌ర్స్ థియేటర్లలో గ్రాండ్‌గా రిలీజ్ చేసేందుకు చిత్ర యూనిట్ రెడీ అవుతోంది. కాగా ఈ మూవీ థియేట్రికల్ ట్రైలర్‌ను ఫైట్ మాస్టర్స్ రామ్ లక్ష్మణ్, స్టంట్‌మాన్ బద్రి హైద్రాబాద్‌లో లాంచ్ చేశారు. ఈ సందర్భంగా హీరో కుప్పిలి శ్రీనివాస్ మాట్లాడుతూ.. మంచి క‌థ, క‌థ‌నాల‌తో ఎక్క‌డా కాంప్ర‌మైజ్ కాకుండా ‘మీలో ఒకడు’ చిత్రాన్ని నిర్మించామ‌ని అన్నారు. హీరో సుమ‌న్, హీరో కుప్పిలి శ్రీనివాస్ మ‌ధ్య వ‌చ్చే స‌న్నివేశాలు.. హీరోహీరోయిన్ల్ మ‌ధ్య రోమాంటిక్ ట్రాక్.. గ‌బ్బ‌ర్ సింగ్ బ్యాచ్ కామెడీ ఈ సినిమాకు హైలెట్‌గా నిలుస్తాయ‌ని తెలిపారు.
సుద్దాల అశోక్ తేజ, కాసర్ల శ్యామ్, అనంత్‌ శ్రీరామ్ రాసిన అద్భుతమైన పాట‌ల‌ను సునీత, మాళవిక, మోహన బోగరాజు, సింహా, ధ‌నుంజయ్, శ్రీకృష్ణ, దీపు పాడార‌ని.. ఈ పాట‌లకు ఇప్ప‌టికే మంచి రెస్సాన్స్ వ‌చ్చింద‌ని.. అంతేగాక సీనియ‌ర్ టెక్నిషియ‌న్స్‌తో ఈ సినిమాను టాప్ క్వాలిటీతో రూపోందించామ‌ని చిత్ర యూనిట్ తెలిపింది. తెలుగు రాష్ట్రాల‌లో జులై 22న థియేటర్లలో గ్రాండ్ రిలీజ్ చేస్తున్న ఈ సినిమా అన్ని వ‌ర్గాల ప్రేక్ష‌కుల‌కు నచ్చుతుంద‌ని చిత్ర యూనిట్ ధీమా వ్యక్తం చేస్తోంది. మరి ఈ సినిమా ప్రేక్షకులను ఎంతమేర ఆకట్టుకుంటుందో తెలియాలంటే ఈ సినిమా థియేటర్లలో రిలీజ్ అయ్యే వరకు వెయిట్ చేయాల్సిందే.
