RC16 Update : రామ్‌చ‌ర‌ణ్ RC16 అప్‌డేట్‌.. మైసూర్‌లో నేటి నుంచే షూటింగ్ ప్రారంభం!
శంక‌ర్ ద‌ర్శ‌క‌త్వంలో గ్లోబ‌ల్ స్టార్ రామ్‌చ‌ర‌ణ్ న‌టించిన మూవీ గేమ్ ఛేంజ‌ర్‌.
- Published By: 10TV Digital Team ,Published On : November 22, 2024 / 09:20 AM IST
Ramcharan RC16 shooting starts from today in Mysore
శంక‌ర్ ద‌ర్శ‌క‌త్వంలో గ్లోబ‌ల్ స్టార్ రామ్‌చ‌ర‌ణ్ న‌టించిన మూవీ గేమ్ ఛేంజ‌ర్‌. ఈ చిత్రం సంక్రాంతి కానుక‌గా జ‌న‌వ‌రి 10న ప్రేక్ష‌కుల ముందుకు రాబోతుంది. ఈ లోగానే చ‌ర‌ణ్ త‌న కొత్త సినిమాని మొద‌లు పెట్ట‌నున్నాడు. RC16 వ‌ర్కింగ్ టైటిల్‌తో ఈ సినిమా రూపుదిద్దుకోనుంది. ఉప్పెన ఫేమ్ బుచ్చిబాబు ద‌ర్శ‌క‌త్వంలో ఈ సినిమా తెర‌కెక్క‌నుంది. ఈ చిత్రంలో చ‌ర‌ణ్ స‌ర‌స‌న బాలీవుడ్ ముద్దుగుమ్మ జాన్వీ క‌పూర్ హీరోయిన్‌గా న‌టిస్తోంది.
విలేజ్ స్పోర్ట్స్ యాక్షన్ డ్రామాగా ఈ చిత్రం తెర‌కెక్క‌నుంది. ఈ చిత్ర మొద‌టి షెడ్యూల్ క‌ర్ణాక‌ట‌లోని మైసూర్‌లో జ‌ర‌గ‌నుంది. నేడు (న‌వంబ‌ర్ 22) నుంచి ఈ చిత్ర షూటింగ్ ప్రారంభం కానుంది. ఇప్ప‌టికే చిత్ర బృందం మొత్తం మైసూర్‌కు చేరుకుంది.
AHA : అల్లు అర్జున్ – బాలకృష్ణ అన్‌స్టాప‌బుల్ ఎపిసోడ్ పార్ట్ 2 వ‌చ్చేసింది..
మైసూర్‌లోని చాముండేశ్వ‌రి మాతను చిత్ర ద‌ర్శ‌కుడు బుచ్చిబాబు ద‌ర్శించుకున్నారు. అమ్మ‌వారి పాదాల చెంత స్క్రిప్ట్‌ను ఉంచి ప్ర‌త్యేక పూజ‌లు చేయించారు. అమ్మ‌వారి ఆశీసుల‌తో ఈ చిత్ర షూటింగ్‌ను ప్రారంభించ‌నున్న‌ట్లు సోష‌ల్ మీడియా వేదిక‌గా వెల్ల‌డించారు.
మైసూర్‌లో దాదాపు 15 రోజుల పాటు ఈ చిత్ర షూటింగ్ జ‌ర‌గ‌నున్న‌ట్లు తెలుస్తోంది. అక్క‌డ కీల‌క స‌న్నివేశాల‌ను చిత్రీక‌రించ‌నున్నారు. ఆ త‌రువాత హైద‌రాబాద్‌లోని రామోజీ ఫిల్మ్ సిటీలో రెండో షెడ్యూల్ జ‌ర‌గ‌నున్న‌ట్లు తెలుస్తోంది. ఏఆర్ రెహ‌మాన్ సంగీతాన్ని అందిస్తుండగా క‌న్న‌డ సూప‌ర్ స్టార్ శివ రాజ్‌కుమార్ కీల‌క పాత్ర‌ను పోషిస్తున్నారు. సుకుమార్ రైటింగ్స్‌, వృద్ధి సినిమాస్ తో కలిసి మైత్రీ మూవీస్ ఈ చిత్రాన్ని నిర్మిస్తోంది.
Posani Krishna Murali : వైసీపీకి గుడ్ బై.. పవన్ తో సినిమా చేస్తా : పోసాని కృష్ణ మురళి
It’s a BIG DAY….
The most awaited moment 🤗🤗🤗
Started with the blessings of Chamundeshwari Matha, Mysore 🙏🏼🙏🏼🙏🏼Blessings needed 🤍🤗🙏🏼#RC16 pic.twitter.com/fPnEgZRxeT
— BuchiBabuSana (@BuchiBabuSana) November 22, 2024
