Raaka: ‘రాకా’ మూవీలో రమ్యకృష్ణ పవర్‌ఫుల్ రోల్.. శివగామి ఎంట్రీతో అంచనాలు నెక్స్ట్ లెవల్ కి

అల్లు అర్జున్ రాకా(Raaka) సినిమాలో పవర్ ఫుల్ పాత్ర కోసం రమ్య కృష్ణను తీసుకున్న మేకర్స్.

ramya krishna playing a crucial role in allu arjun raaka movie

• ‘రాకా’ సినిమాలో నటిస్తున్న రమ్యకృష్ణ
• కీ రోల్ కోసం శివగామినిని తీసుకున్న మేకర్స్
• త్వరలోనే అధికారిక ప్రకటన రానుంది

Raaka: ఐకాన్ స్టార్ అల్లు అర్జున్, సెన్సేషనల్ డైరెక్టర్ అట్లీ కాంబినేషన్‌లో వస్తున్న భారీ బడ్జెట్ చిత్రం ‘రాకా’ (Raaka). సుమారు రూ.800 కోట్ల రూపాయల వ్యయంతో సన్ పిక్చర్స్ ఈ ప్రతిష్టాత్మక ప్రాజెక్టును నిర్మిస్తోంది. ఇటీవల అల్లు అర్జున్ పుట్టినరోజు సందర్భంగా విడుదలైన ఫస్ట్ లుక్ పోస్టర్ ఇండస్ట్రీలో ప్రకంపనలు సృష్టిస్తోంది. ఈ పోస్టర్‌లో బన్నీ గుండుతో, భయంకరమైన గోళ్లతో ఒక ‘బీస్ట్’ లాంటి అవతారంలో కనిపించి అందరినీ ఆశ్చర్యపరిచారు. సైన్స్ ఫిక్షన్, పురాణాల కలయికతో సాగే ఈ విజువల్ వండర్‌లో అల్లు అర్జున్ ద్విపాత్రాభినయం చేస్తున్నట్లు తెలుస్తోంది.

Fauzi: జెట్ స్పీడ్ లో ‘ఫౌజీ’ షూటింగ్.. డిసెంబర్ లోనే థియేటర్స్ లోకి

ఈ క్రేజీ ప్రాజెక్టులో సీనియర్ నటి రమ్యకృష్ణ ఒక అత్యంత కీలకమైన పాత్రను పోషిస్తున్నట్లు తాజా సమాచారం. ఆమె పాత్ర కథను మలుపు తిప్పే విధంగా, అత్యంత పవర్‌ఫుల్‌గా ఉంటుందని చిత్ర వర్గాలు చెబుతున్నాయి. గతంలో ‘బాహుబలి’లో శివగామిగా తన విశ్వరూపం చూపించిన రమ్యకృష్ణ, ఈ సినిమాలో కూడా అదే స్థాయి ప్రభావాన్ని చూపిస్తారని మేకర్స్ భావిస్తున్నారు.

దీపికా పదుకొనే కథానాయికగా నటిస్తున్న ఈ చిత్రంలో రష్మిక మందన్న, మృణాల్ ఠాకూర్ వంటి స్టార్స్ కీలక పాత్రల్లో కనిపించనున్నారు. హాలీవుడ్ టెక్నీషియన్ల పర్యవేక్షణలో అత్యున్నత స్థాయి వీఎఫ్ఎక్స్ వర్క్ జరుగుతున్న ఈ చిత్రాన్ని 2027లో విడుదల చేసేందుకు మేకర్స్ ప్లాన్ చేస్తున్నారు. అట్లీ మార్క్ మాస్ ఎలిమెంట్స్‌తో పాటు గ్లోబల్ స్టాండర్డ్స్‌లో రూపొందుతున్న ఈ సినిమా, భారతీయ సినీ చరిత్రలోనే ఒక సరికొత్త మైలురాయిగా నిలుస్తుందని విశ్లేషకులు అంచనా వేస్తున్నారు.