ఫిల్మ్ నగర్ ఇలా ఉంది అంటే దానికి ముఖ్య కారణం రామానాయుడు..

D. Ramanaidu: అభిమాన నటుడిని స్ఫూర్తిగా తీసుకుని హీరోలవాలనుకుని చిత్ర పరిశ్రమలో అడుగుపెట్టే వారు ఉంటారు కానీ నేను ఆయనలా మంచి సినిమాలు తీసి గొప్ప రామానాయుడంత గొప్ప నిర్మాతనవ్వాలి అంటూ సినిమా ఫీల్డ్‌లోకి ఎంటర్ అయిన నిర్మాలతకెందరికో రోల్డ్ మోడల్‌గా నిలిచారు మూవీ మొఘల్ డా.డి. రామా నాయుడు. నేడు (ఫిబ్రవర 18) రామా నాయుడు వర్ధంతి సందర్భంగా ఆయన కుమారుడు నిర్మాత సురేష్ బాబుతో పాటు పలువురు సినీ ప్రముఖులు ఘన నివాళులు అర్పించారు.

తెలుగు చలన చిత్ర పరిశ్రమలోకి నిర్మాతగా అడుగుబెట్టి దేశవ్యాప్తంగా ప్రాచుర్యంలో ఉన్న అన్ని భాషలలో సినిమాలు నిర్మించి తెలుగు సినిమా స్థాయిని పెంచిన నిర్మాత మన రామా నాయుడు. అయితే ఫ్రిబ్రవరి 18 న రామానాయుడు వర్ధంతి సందర్భంగా ఫిల్మ్ నగర్‌లో రామానాయుడు విగ్రహానికి ఆయన కుమారుడు ప్రముఖ నిర్మాత సురేష్ బాబు, ఫిల్మ్ నగర్ హౌసింగ్ సొసైటీ సెక్రటరీ కాజా సత్య నారాయణ, సంతోషం పత్రిక అధినేత నిర్మాత సురేష్ కొండేటి ఘనమైన నివాళులు ఘటించారు.

ఈ సంధర్భంగా కాజా సత్య నారాయణ మాట్లాడుతూ.. ‘‘ఈ రోజు ఫిల్మ్ నగర్ ఇలా ఉంది అంటే దానికి ముఖ్య కారణం రామానాయుడు గారే, అయన చేసిన సేవలు వలన ఈరోజు మన ఫిల్మ్ నగర్ ఇంతమందికి జీవన అధారంగా నిలిచింది అని కొనియాడారు. కాబట్టే ఆయన విగ్రహాన్ని ఇక్కడ ఏర్పాటు చేసి ప్రతిరోజు స్మరించుకుంటున్నాం. రామానాయడు జన్మదినాన్ని అలాగే వర్ధంతిని కూడా ఒక పండగలా జరుపుకోవడం జరుగుతుందని’’ తెలిపారు.