‘‘వి’’ నుండి రాక్షసుడు వచ్చేశాడు!
‘‘వి’’ మూవీలో రాక్షసుడిగా నేచురల్ స్టార్ నాని ఫస్ట్ లుక్ రిలీజ్..
- Published By: sekhar ,Published On : January 28, 2020 / 05:22 AM IST
‘‘వి’’ మూవీలో రాక్షసుడిగా నేచురల్ స్టార్ నాని ఫస్ట్ లుక్ రిలీజ్..
నేచురల్ స్టార్ నాని, సుధీర్ బాబు, నివేదా థామస్, అదితిరావు హైదరి ప్రధాన పాత్రల్లో నటిస్తున్న థ్రిల్లర్ మూవీ.. ‘‘వి’’.. శ్రీ వెంకటేశ్వర క్రియేషన్స్ పతాకంపై దిల్ రాజు ఈ చిత్రాన్ని నిర్మిస్తుండగా.. విభిన్న చిత్రాల దర్శకుడిగా పేరు తెచ్చుకున్న మోహనకృష్ణ ఇంద్రగంటి దర్శకత్వం వహిస్తున్నారు.
కృష్డుడి గీతలో ఎపుడో చెప్పారు.. “రాక్షసుడు” ఎదిగిన నాడు ఒకడొస్తాడని.. వాడే ఇప్పుడొస్తున్నాడు.. “రక్షకుడు” వస్తున్నాడు.. అంటూ ప్రకటించిన టీమ్.. సోమవారం ఉదయం ఈ సినిమాలోని ‘రక్షకుడు’ సుధీర్ బాబు ఫస్ట్ లుక్ రిలీజ్ చేశారు. మంగళవారం ఉదయం ‘వి’ మూవీలో ‘రాక్షసుడు’ ఎలా ఉంటాడో రివీల్ చేశారు.
Read Also : ఫిబ్రవరి 7న ఆరు సినిమాలు
‘‘ఇతనికంటే రాక్షసత్వంగా ప్రవర్తించే వాళ్లు ఇంకెవరూ ఉండరు’’ అంటూ.. నాని లుక్ విడుదల చేశారు. రక్తం కారుతున్న చేతితో కత్తెర పట్టుకున్న మెలితిరిగిన మీసాలతో క్రూరంగా చూస్తున్న లుక్ ఆకట్టుకుంటోంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఉగాది కానుకగా మార్చి 25న ‘వి’ రిలీజ్ కానుంది. మ్యూజిక్ : అమిత్ త్రివేది, సినిమాటోగ్రఫీ : పిజి విందా, ఎడిటింగ్ : మార్తాండ్ కె వెంకటేష్, ఫైట్స్ : రవి వర్మ.
