రౌడీ.. వయసులో చిన్న.. ఆలోచనలో మిన్న.. భారీ విరాళంతో పాటు.. ఎంతో ముందు చూపు..

యూత్ సెన్సేషనల్ హీరో విజయ్ దేవరకొండ ఆదివారం రెండు బిగ్ అనౌన్స్‌మెంట్స్ చేశారు..

యూత్ సెన్సేషనల్ హీరో విజయ్ దేవరకొండ ఆదివారం రెండు బిగ్ అనౌన్స్‌మెంట్స్ చేశారు..

యూత్ సెన్సేషనల్ హీరో విజయ్ దేవరకొండ ఆదివారం తన టీమ్‌‌తో కలిసి రెండు ప్రకటనలు చేశాడు. అందులో మొదటిది ఇమ్మీడియట్ రిక్వైర్మెంట్ మరొకటి ఫ్యూచర్ రిక్వైర్మెంట్. అలాగే విజయ్ కరోనా బాధితుల సహయార్ధం రూ.1.30 కోట్ల విరాళం ప్రకటించాడు. ఇటువంటి విపత్కర సమయాన్ని మనందరం కలిసి జయించాలని, అలానే ప్రజలను ఆదుకోవడానికి తన టీమ్ తరపున తాను ముందుకొచ్చిఈ విరాళాన్ని ప్రకటిస్తున్నట్లు తెలిపాడు. ఈ వివరాలను వీడియో రూపంలో ప్రేక్షకులతో పంచుకున్నాడు విజయ్.
దేవేరకొండ ఫౌండేషన్ నుండి యూత్ కి ఎంప్లాయిమెంట్..
“ఈ లాక్ డౌన్ పూర్తి అయ్యాక ప్రతి సామాన్య మనిషికి ఎంప్లాయిమెంట్ సమస్య మొదలు కాబోతోంది, దాన్ని మనం ఎలా ఎదుర్కోవాలి అనేది మన ముందు ఉన్న ప్రశ్న. గత సంవత్సరం నుండి నా టీమ్ నేను కలిసి ఎంప్లాయిమెంట్‌కు సంబంధించి కొన్ని వ్యూహాలు రచించడం జరిగింది.
ఒక లక్ష మందికి నేను ఉపాది కల్పించాలనేది నా లక్ష్యం. అందులో మొదటగా 50 మంది స్టూడెంట్స్‌ను హైదరాబాద్ పిలిపించి వారికి ఆసక్తి ఉన్న రంగాలలో శిక్షణ ఇచ్చాము. ఈ లాక్‌డౌన్ ద్వారా కొంతమందికి శిక్షణ ఆగిపోయింది. ఇద్దరు విద్యార్థులకు మంచి కంపెనీలో ఆఫర్ వచ్చింది. మిగిలిన వారందరికీ ఎంప్లాయిమెంట్ దోరకబోతోంది. ఈ “యూత్ ఎంప్లాయిమెంట్ ప్రోగ్రామ్” కోసం “ది దేవరకొండ ఫౌండేషన్” తరుపున కోటి రూపాయలు ఖర్చు చేస్తున్నాం.
ది మిడిల్ క్లాస్ ఫండ్..
ఈ పరిస్థితుల్లో పేద వాళ్ళని ఆదుకునేందుకు తెలంగాణ ప్రభుత్వం చాలా సపోర్ట్‌గా ఉంది. కేసీఆర్ గారు ప్రజల పట్ల తీసుకున్న జాగ్రత్రలు హర్షించదగ్గవి. కానీ మధ్య తరగతి ప్రజలు కూడా చాలా ఇబ్బందులు ఎదుర్కొంటున్నారు.వారి కోసం “మిడిల్ క్లాస్ ఫండ్” అని 25 లక్షల రూపాయలతో స్టార్ట్ చేస్తున్నాము. సామాన్య మధ్య తరగతి వారికి హెల్ప్ అయ్యే విధంగా ఈ డబ్బును ఖర్చు పెట్టబోతున్నాము. ఎవరికైనా అత్యవసర సహాయం కావాలంటే www.the deverakonda foundation. org వెబ్ సైట్‌లో మీ వివరాలు తెలియజేస్తే మా “ది మిడిల్ క్లాస్ ఫండ్” నుండి మీకు సహాయం అందుతుంది. ప్రభుత్వం నుండి లబ్ది పొందలేని వారు, రేషన్ కార్డ్ లేని వారు ఈ హెల్ప్ తీసుకోవచ్చు. తెలంగాణ, ఆంధ్రలోని ఇమ్మీడియట్ హెల్ప్ కావాలనుకున్నవారు దీన్ని పొందవచ్చు. లాక్‌డౌన్ కారణంగా మా టీమ్ మీ ఇంటిదగ్గరికి వచ్చి హెల్ప్ చెయ్యలేదు కావున, మీరు మీ ఇంటిదగ్గరే ఉన్న షాప్‌లో సరుకులు కొనవచ్చు, ఆ బిల్‌ను మేము “ది మిడిల్ క్లాస్ ఫండ్” నుండి చెల్లిస్తాం” అని తెలిపారు. విజయ్ ఈ వివరాలు తెలిపిన కాసేపటికే యంగ్ హీరో కార్తికేయ “ది మిడిల్ క్లాస్ ఫండ్”కు రూ.1లక్ష విరాళమందించారు. విజయ్ చేస్తున్న మంచి పనికి దర్శకులు కొరటాల శివ, పూరి జగన్నాథ్, ఛార్మి తదితరులు సోషల్ మీడియా ద్వారా అభినందనలు తెలియచేశారు.