Jithender Reddy : ఎలక్షన్స్ టైంలో పొలిటికల్ డ్రామాగా రాబోతున్న జితేందర్ రెడ్డి.. రియల్ లైఫ్ స్టోరీతో..

ఎలక్షన్స్ టైంలో పొలిటికల్ డ్రామాగా ఆడియన్స్ ముందుకు రాబోతున్న జితేందర్ రెడ్డి. రియల్ లైఫ్ స్టోరీతో..

Jithender Reddy : ప్రస్తుతం రెండు తెలుగు రాష్ట్రాల్లో ఎన్నికల హీట్ కనిపిస్తుంది. ఈ సమయంలో టాలీవుడ్ ఆడియన్స్ ముందుకు ‘జితేందర్ రెడ్డి’ అనే పొలిటికల్ డ్రామా మూవీ రాబోతుంది. బాహుబలి సినిమాతో మంచి గుర్తింపు సంపాదించుకున్న రాకేష్ వర్రే ఈ సినిమాలో హీరోగా నటిస్తున్నారు. విరించి వర్మ ఈ చిత్రాన్ని డైరెక్ట్ చేస్తున్నారు. గతంలో ఈ దర్శకుడు ఉయ్యాలా జంపాలా, మజ్ను లాంటి ప్రేమకథా చిత్రాలను డైరెక్ట్ చేసారు.

Also read : Game Changer : రామ్ చరణ్ ఫ్యాన్స్‌కి గుడ్ న్యూస్ చెప్పిన దిల్ రాజు.. అలాగే రిలీజ్ డేట్ గురించి..

ఇప్పుడు పొలిటికల్ డ్రామాతో ఓ యాక్షన్ మూవీని తీసుకు రాబోతున్నారు. 1980లో జగిత్యాలలో జరిగిన యదార్ధ సంఘటనల ఆధారంగా ఈ మూవీని తెరకెక్కించారు. ఈ కథ కోసం మేకర్స్ ఎంతో రీసెర్చ్ చేశారట. ఇక ఈ రియల్ స్టోరీని మే 3న ఆడియన్స్ ముందుకు తీసుకు వచ్చేందుకు మేకర్స్ డేట్ ఫిక్స్ చేసారు. రియా సుమన్ ఈ సినిమాలో హీరోయిన్ గా నటించగా.. ఛత్రపతి శేఖర్, సుబ్బరాజు, రవి ప్రకాష్ ముఖ్య పాత్రలు చేసారు. గోపీసుందర్‌ ఈ సినిమాకి సంగీతం అందించారు. ముదుగంటి క్రియేషన్స్‌ బ్యానర్‌పై ముదుగంటి రవీందర్‌ రెడ్డి ఈ సినిమాని నిర్మిస్తున్నారు.