తమిళ్ టెంపర్ టీజర్-విశాల్ విశ్వరూపం
విశాల్, అయోగ్య టీజర్ రిలీజ్.
- Published By: sekhar ,Published On : February 7, 2019 / 06:32 AM IST
విశాల్, అయోగ్య టీజర్ రిలీజ్.
యంగ్ టైగర్ ఎన్టీఆర్, డాషింగ్ డైరెక్టర్ పూరీ జగన్నాథ్ కాంబినేషన్‌లో వచ్చిన టెంపర్ సినిమా సూపర్ హిట్ అయ్యింది. హిందీలో సింబాగా రీమేక్ అయ్యి, అక్కడ కూడా కలెక్షన్‌ల సునామీ సృష్టించింది. తమిళ్‌లో అయోగ్య పేరుతో రూపొందుతోంది. తమిళ్‌తో పాటు, తెలుగులోనూ అభిమానులను సంపాందించుకున్న యంగ్ హీరో విశాల్, తమిళ్ టెంపర్ రీమేక్‌లో నటిస్తున్నాడు. రాశీ ఖన్నా హీరోయిన్‌గా నటిస్తుంది. లైట్ హౌస్ మూవీ మేకర్స్ ఎల్ఎల్‌పి బ్యానర్‌పై, ఠాగూర్ మధు నిర్మిస్తున్నాడు. వెంకట్ మోహన్ డైరెక్ట్ చేస్తున్నాడు.
రీసెంట్‌గా అయోగ్య టీజర్ రిలీజ్ అయ్యింది. రిలీజ్ చేసిన 12 గంటలకే 1 మిలియన్ వ్యూస్ దక్కించుకుంది అయోగ్య టీజర్..
దాదాపు తెలుగు వెర్షన్‌నే ఫాలో అయిపోతూ, అక్కడక్కడా తమిళ నేటివిటీకి తగ్గట్టు చిన్న చిన్న మార్పులు మాత్రమే చేసారు. ఇక్కడ ఎన్టీఆర్ దయగా కనిపిస్తే, అక్కడ విశాల్ కర్ణగా కనిపించనున్నాడు. విశాల్ మాస్ యాక్షన్, ఫైట్స్, అతని మేకోవర్ ఆకట్టుకునేలా ఉన్నాయి. ప్రకాష్ రాజ్ క్యారెక్టర్ సీనియర్ నటుడు ఆర్.పార్థిబన్ చేస్తుండగా, పోసాని క్యారెక్టర్‌లో, ప్రముఖ దర్శకుడు కె.ఎస్.రవికుమార్ నటిస్తున్నాడు. అయోగ్య ఏప్రిల్‌లో రిలీజ్ కానుంది. సోనియా అగర్వాల్, పూజా దేవరియా, యోగిబాబు, ఆనంద్ రాజ్, ఎమ్.ఎస్. భాస్కర్ తదితరులు నటిస్తున్న ఈ సినిమాకి సంగీతం : సామ్ సిఎస్, కెమెరా : విఐ కార్తీక్, ఎడిటింగ్ : రూబెన్, ఫైట్స్ : రామ్-లక్ష్మణ్, ఆర్ట్ : ఎస్.ఎస్.మారుతి.
వాచ్ అయోగ్య టీజర్.
