Gangs Of Godavari : ‘గ్యాంగ్స్ అఫ్ గోదావరి’ పోస్టుపోన్.. కొత్త రిలీజ్ డేట్ ఏంటంటే..?

విశ్వక్ సేన్ 'గ్యాంగ్స్ అఫ్ గోదావరి' అనుకున్నట్లే పోస్టుపోన్ అయ్యింది. నిర్మాతలు వాయిదా వార్తతో పాటు కొత్త రిలీజ్ డేట్ ని కూడా అనౌన్స్ చేశారు.

Gangs Of Godavari : ‘గ్యాంగ్స్ అఫ్ గోదావరి’ పోస్టుపోన్.. కొత్త రిలీజ్ డేట్ ఏంటంటే..?

Vishwak Sen Gangs Of Godavari movie postponed

Gangs Of Godavari : టాలీవుడ్ మాస్ కా దాస్ విశ్వక్‌సేన్ నటిస్తున్న ‘గ్యాంగ్స్ అఫ్ గోదావరి’ డిసెంబర్ 8న రిలీజ్ చేస్తామంటూ మేకర్స్ ప్రకటించారు. కానీ ఈ చిత్రం పోస్టుపోన్ అవ్వబోతుందంటూ గత కొన్ని రోజులుగా వార్తలు వినిపిస్తున్న సంగతి తెలిసిందే. విశ్వక్ సేన్ ఈ వాయిదా గురించి ఇన్‌డైరెక్ట్‌ గా మాట్లాడుతూ చేసిన ఓ పోస్టు నెట్టింట బాగా వైరల్ అయ్యింది. అయితే ఆ పోస్టులో విశ్వక్.. ఈ చిత్రాన్ని డిసెంబర్ 8న కచ్చితంగా తీసుకోని వస్తానంటూ చెప్పుకొచ్చారు. కానీ ఇప్పుడు ఈ మూవీ వాయిదాని నిర్మాతలు అధికారికంగా ప్రకటించారు.

ఈ మూవీని 2024 మార్చి 8న విడుదల చేయాలని మేకర్స్ నిర్ణయించారు. విశ్వక్ సేన్ అభిమానులను ఈ వార్త నిరాశపరిచింది. అయితే ఈ మూవీలో విశ్వక్ పాత్ర ఎలా ఉండబోతుందో చెప్పి మేకర్స్ ఫ్యాన్స్ కొంచెం ఖుషీ చేశారు. ఈ సినిమాలో విశ్వక్ సేన్ చాలా గ్రే క్యారెక్టర్‌లో కనిపించబోతున్నారట. ఈ పాత్ర విశ్వక్ కెరీర్ గుర్తుండిపోయేలా ఉంటుందని చెబుతున్నారు. చీకటి ప్రపంచంలో ఒక సాధారణ స్థాయి నుంచి ధనవంతుడిగా ఎదిగిన ఓ వ్యక్తి కథను రాజకీయ కోణంలో ఊరమాస్ గా చూపించబోతున్నారట.

Also read : Mahesh Babu : మహేష్ బాబు మూవీ టైటిల్ చెప్పిన సందీప్ వంగా.. ఆ సినిమాలో హీరో క్యారెక్టర్..

కృష్ణ చైతన్య ఈ సినిమాని డైరెక్ట్ చేస్తున్నారు. నేహా శెట్టి ఈ చిత్రంలో హీరోయిన్ గా నటిస్తుంటే మరో నటి అంజలి ఒక ముఖ్యమైన పాత్రలో కనిపించబోతున్నారు. సితార ఎంటర్టైన్మెంట్స్, శ్రీకర స్టూడియోస్, ఫార్చ్యూన్ ఫోర్ సినిమాస్ సంయుక్తంగా ఈ సినిమాని నిర్మిస్తున్నారు. యువన్ శంకర్ రాజా ఈ సినిమాకి సంగీతం సమకూరుస్తున్నారు. ఇప్పటికే ఈ మూవీ నుంచి రిలీజ్ అయిన ‘సుట్టంలా సూసి’ సాంగ్ యూట్యూబ్ లో రికార్డు వ్యూస్ అందుకుంది. కాగా ప్రస్తుతం ఈ మూవీ షూటింగ్ ఇంకా జరుగుతూనే ఉంది. ఇటీవల ఈ మూవీ సెట్స్ లో విశ్వక్ కి చిన్న ప్రమాదం జరిగింది. అయితే ఎటువంటి అవ్వలేదని సమాచారం.