Dharmendra Pradhan Resign: ఇది విద్యార్థుల విజయం.. ధర్మేంద్ర ప్రధాన్ రాజీనామాపై సీజేపీ కామెంట్స్
కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి రాజీనామా 'విద్యార్థుల విజయం'గా అభివర్ణించింది సీజేపీ(Dharmendra Pradhan Resign).
- Published By: V Santhosh Kumar , Published On : July 25, 2026 / 03:18 PM IST
Dharmendra pradhan resign neet leak protest cjp students victory
- ధర్మేంద్ర ప్రధాన్ రాజీనామా
- విద్యార్థుల ఘన విజయం
- కొవ్వొత్తుల భారీ ర్యాలీ
Dharmendra Pradhan Resign: అభిజీత్ దీప్కే నేతృత్వంలోని ‘కాక్రోచ్ జనతా పార్టీ’ (సీజేపీ) చేపట్టిన ఆందోళనల నేపథ్యంలో ఒక ముఖ్యమైన పరిణామం నమోదైంది. నీట్ పేపర్ లీక్ వివాదం తీవ్రరూపం దాల్చడంతో కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి రాజీనామా చేశారు. ఈ నిర్ణయం పట్ల సీజేపీ(Dharmendra Pradhan Resign) స్పందిస్తూ, దీనిని ‘విద్యార్థుల విజయం’గా అభివర్ణించింది. మంత్రి రాజీనామా వార్త వెలువడగానే దిల్లీలోని జంతర్ మంతర్ వద్ద ఆందోళన చేస్తున్న విద్యార్థులు సంబరాల్లో మునిగిపోయారు.
ఈ విజయంపై సీజేపీ వ్యవస్థాపకుడు అభిజీత్ దీప్కే మాట్లాడుతూ, శాంతియుతంగా సాగించే ఏ ఉద్యమమైనా కచ్చితంగా సఫలమవుతుందని వ్యాఖ్యానించారు. గాంధీజీ బోధించిన శాంతియుత మార్గంలోనే తాము నడిచామని, దేశ యువత చేసిన పోరాటం వృథా పోలేదని స్పష్టం చేశారు. విద్యార్థులు తమ ఐక్యతను, సత్తాను నిరూపించుకున్నారని హర్షం వ్యక్తం చేశారు. ప్రజాస్వామ్యంలో నిరసనలకు ఉండే శక్తికి ఈ పరిణామమే ప్రత్యక్ష నిదర్శనమని ఆయన తెలిపారు.
అయితే తమ పోరాటం ఇంకా పూర్తికాలేదని, మిగిలిన డిమాండ్లు నెరవేరే వరకు విశ్రమించేది లేదని పార్టీ నేతలు స్పష్టం చేశారు. నిరసన తెలుపుతున్న విద్యార్థులపై దాడి చేసిన పోలీసులపై కఠిన చర్యలు తీసుకోవాలని, నమోదు చేసిన అన్ని కేసులను తక్షణమే ఎత్తివేయాలని వారు డిమాండ్ చేశారు. విద్యావ్యవస్థలో సమగ్ర ప్రక్షాళన జరిగే వరకు ఉద్యమాన్ని కొనసాగిస్తామని పేర్కొంటూ, మద్దతుగా సాయంత్రం 6:30 గంటలకు కొవ్వొత్తుల ర్యాలీలో పాల్గొనాలని యువతకు పిలుపునిచ్చారు.
