DIPCOVAN : రూ.75కే కరోనా టెస్ట్..కోవిడ్ యాంటీబాడీ డిటెన్షన్ కిట్ అభివృద్ధి చేసిన DRDO

కరోనా పోరులో జాతీయ రక్షణ పరిశోధనా సంస్థ(DRDO) దూసుకుపోతోంది. వైరస్‌ను అంతమొందించేందుకు తీవ్రంగా శ్రమిస్తూ ఫలితాలను సైతం సాధిస్తోంది.

Dipcovan

DIPCOVAN కరోనా పోరులో జాతీయ రక్షణ పరిశోధనా సంస్థ(DRDO) దూసుకుపోతోంది. వైరస్‌ను అంతమొందించేందుకు తీవ్రంగా శ్రమిస్తూ ఫలితాలను సైతం సాధిస్తోంది. కరోనా వైరస్ బారిన పడిన పేషెంట్ల కోసం మొన్నటికి మొన్న 2డీజీ మెడిసిన్‌ను తయారు చేసిన DRDO.. తాజాగా అతి తక్కువ ఖర్చుతో కచ్చితమైన కరోనా పరీక్ష నిర్వహించేందుకు ఓ కిట్‌ను రూపొందించింది.

DRDO ప్రయోగశాల డిఫెన్స్ ఇన్స్టిట్యూట్ ఆఫ్ ఫిజియాలజీ అండ్ అలైడ్ సైన్సెస్(DIPAS) ఆధ్వర్యంలో ఈ యాంటీబాడీ డిటెక్షన్-బేస్డ్ కిట్ “డిప్‌కోవాన్(DIPCOVAN)”ను అభివృద్ధి చేసింది.
ఢిల్లీకి చెందిన వాన్‌గార్డ్ డయాగ్నోస్టిక్స్ ప్రైవేట్ లిమిటెడ్ సహకారంతో డీఆర్‌డీఓ శాస్త్రవేత్తలు దేశీయంగా అభివృద్ధి చేసిన ఈ కిట్ “డిప్‌కోవాన్”.. కరోనా వైరస్ తీవ్రత, దాని న్యూక్లియోక్యాప్‌సైడ్ ప్రొటీన్లను డిటెక్ట్ చేస్తుంది. వైరస్ తీవ్రత స్థాయిని 97 నుంచి 99 శాతం వరకు ఈ కిట్ పసిగట్టగలదని DRDO తెలిపింది. కాగా, ఇప్పటిరకు కచ్చితమైన ఫలితాలనిచ్చే ఆర్టీపీసీఆర్ టెస్ట్ కోసం దాదాపు రూ.700పైగా చెల్లించుకోవాల్సి వస్తోంది. అయితే ఇప్పుడు డీఆర్డీవో టెస్ట్ కిట్ “డిప్‌కోవాన్” అందుబాటులో కొస్తే మరింత తక్కవ ఖర్చుతో కరోనా నిర్ధారణ పరీక్షలు చేసేందుకు వీలుంటుంది.

డీఆర్డీఓ తెలిపిన వివరాల ప్రకారం.. డిప్‌కోవాన్ ఇతర వ్యాధులతో ఎటువంటి క్రాస్ రియాక్టివిటీ లేకుండా శరీరంలో ప్రతిరోధకాలు ఉన్నాయో లేదో పరీక్షించి తెలుసుకోగలదు. దీని కోసం కేవలం 75 నిమిషాలు మాత్రమే తీసుకుంటుంది. ఈ కిట్ 18 నెలలు పనిచేస్తుంది. ఈ కిట్‌ను ఇండియన్ కౌన్సిల్ ఆఫ్ మెడికల్ రీసెర్చ్(ICMR) కూడా గత నెలలోనే ఆమోదించింది. 2021 మేలో డ్రగ్స్ కంట్రోలర్ జనరల్ ఆఫ్ ఇండియా(DGCI), సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్(CDSCO), ఆరోగ్య&కుటుంబ సంక్షేమ మంత్రిత్వ శాఖల నుంచి విక్రయ పంపిణీలకు సంబంధించి కూడా ఆమోదం లభించింది. డీప్‌కోవాన్ జూన్ మొదటి వారం నుంచి వాన్ గార్డ్ డయాగ్నోస్టిక్స్ ద్వారా మార్కెట్లోకి రానుంది. తొలిగా 100 కిట్లు అందుబాటులో ఉండనున్నాయి. ఆ తరువాత నెలకు 500 కిట్ల చొప్పున అభివృద్ధి చేయనున్నట్లు DRDO తెలిపింది. అయితే తొలుత అందుబాటులోకొచ్చే కిట్‌ల ద్వారా 10వేల మందికి కోవిడ్ పరీక్షలు చేసేందుకు వీలుంటుందని, ఒక్కో పరీక్షకు కేవలం రూ.75 మాత్రమే ఖర్చవుతుందని DRDO తెలిపింది. కాగా, ఇప్పటిరకు కచ్చితమైన ఫలితాలనిచ్చే ఆర్టీపీసీఆర్ టెస్ట్ కోసం దాదాపు రూ.700పైగా చెల్లించుకోవాల్సి వస్తోంది. అయితే ఇప్పుడు డీఆర్డీవో టెస్ట్ కిట్ అందుబాటులోకొస్తే మరింత తక్కవ ఖర్చుతో కరోనా నిర్ధారణ పరీక్షలు చేసేందుకు వీలుంటుంది. కీలక సమయంలో దేశానికి అండగా నిలుస్తున్న డీఆర్‌డీఓని రక్షణ మంత్రి రాజ్‌నాథ్ సింగ్ ప్రశంసించారు.

డీప్‌కోవాన్ అంటే ఏమిటి?
డీప్‌కోవాన్ కోవిడ్ -19 యాంటీబాడీ డిటెక్షన్ కిట్. ఒక వ్యక్తి గతంలో కోవిడ్ -19 వైరస్‌కు గురిఅయ్యడా?, అతని శరీరంలో ప్రతిరోధకాలు ఉన్నాయో లేదో గుర్తించడానికి ఇది సహాయపడుతుంది.

దేనికి ఉపయోగించబడుతుంది?
ప్రతిరోధకాలను గుర్తించడం దీని ప్రాథమిక ఉద్దేశ్యం. ఇది సెరో-సర్వేల వంటి కోవిడ్-19 ఎపిడెమియాలజీ అధ్యయనాలలో ఉపయోగించబడుతుంది. మీకు కోవిడ్ యాంటీబాడీస్ ఉన్నాయో లేదో తెలుసుకోవడానికి కూడా దీన్ని ఉపయోగించవచ్చు.

ఎంత ఖర్చు?
డీఆర్‌డీవో తెలిపిన వివరాల ప్రకారం.. దాని పరిశ్రమ భాగస్వామి వాన్ గార్డ్ డయాగ్నోస్టిక్స్ కిట్‌ను ఒక్కొక్కటి 75 రూపాయలకు విక్రయిస్తుంది.