Uttarakhand Earthquake: ఢిల్లీ-ఎన్‌సీఆర్ పరిధిలో మరోసారి భూకంపం.. రిక్టర్ స్కేలుపై 4.2 తీవ్రత.. అప్రమత్తమైన విపత్తు నిర్వహణ శాఖ!
ఉత్తరాఖండ్ రాష్ట్రంలో వరుస భూప్రకంపనలు(Uttarakhand Earthquake) ప్రజలను తీవ్ర భయాందోళనలకు గురిచేస్తున్నాయి.
- Published By: V Santhosh Kumar , Published On : October 10, 2026 / 09:08 PM IST
Earth tremors felt once again in Chamoli, Uttarakhand.
Uttarakhand Earthquake: ఉత్తరాఖండ్ రాష్ట్రంలో వరుస భూప్రకంపనలు ప్రజలను తీవ్ర భయాందోళనలకు గురిచేస్తున్నాయి. శనివారం ఒకే రోజు రెండుసార్లు భూమి కంపించడంతో కొండ ప్రాంతాల్లో తీవ్ర కలకలం రేగింది. రాత్రి 8:08 గంటల సమయంలో ఉత్తరకాశీ జిల్లాలో రిక్టర్ స్కేలుపై 4.2 తీవ్రతతో మొదటి భూకంపం నమోదవగా, అంతకుముందే బాగేశ్వర్ జిల్లాలో 2.8 తీవ్రతతో మరొక ప్రకంపన సంభవించింది. కేవలం కొన్ని రోజుల క్రితమే, అనగా అక్టోబర్ 6న చమోలీ జిల్లా కేంద్రంగా 4.9 తీవ్రతతో బలమైన భూకంపం సంభవించిన సంగతి తెలిసిందే. ఆ ఘటన మరవకముందే మళ్లీ వరుసగా భూమి కంపిస్తుండటంతో స్థానిక ప్రజలు తీవ్ర ఆందోళన చెందుతున్నారు.
చమోలీలో భూకంప కేంద్రం.. ఢిల్లీ-ఎన్‌సీఆర్ వరకూ ప్రకంపనల ప్రభావం:
రాష్ట్ర విపత్తు నిర్వహణ అథారిటీ నివేదిక ప్రకారం భూకంప(Uttarakhand Earthquake) కేంద్రం చమోలీ జిల్లా పరిధిలోని భూమి లోపల 13 కిలోమీటర్ల లోతులో ఏర్పడింది. దీని ప్రభావంతో డెహ్రాడూన్ సహా రాష్ట్రంలోని పలు ప్రాంతాల్లో ప్రకంపనలు స్పష్టంగా కనిపించడంతో జనాలు ఇళ్ల నుంచి బయటకు పరుగులు తీశారు. అంతేకాకుండా, దేశ రాజధాని ఢిల్లీ, దాని పరిసర ప్రాంతాల వరకు ఈ ధాటి తాకడంతో అక్కడి ప్రజలు కూడా భయంతో వీధుల్లోకి వచ్చారు. అయితే ఈ ఘటనలో ఇప్పటివరకు ఎలాంటి ప్రాణ, ఆస్తి నష్టం సంభవించలేదని అధికారులు ధృవీకరించారు.
