Goa G20 Tourism Event: జీ-20 టూరిజం సమావేశాలకు సిద్ధమైన గోవా

గ్రీన్ టూరిజం, డిజిటలైజేషన్, నైపుణ్యాలు, పర్యాటక రంగంలో ఎంఎస్ఎంఈలు, టూరిజం డెస్టినేషన్ అనే ఐదు అంశాలపై ప్రధాన చర్చ జరగనుంది. 2030 నాటికి సుస్థిరాభివృద్ధి లక్ష్యాల సాధనలో పర్యాటక రంగం ప్రాధాన్యతల గురించి కూడా చర్చ చేయనున్నారు

Goa G20 Tourism Event: సోమవారం (19 జూన్) నుంచి నాలుగు రోజుల పాటు జరగనున్న జీ-20 టూరిజం సమావేశాలకు గోవా సిద్ధమైంది. మొదటి రెండు రోజులు జీ-20 టూరిజం వర్కింగ్ గ్రూప్ సమావేశాలు జరగనుండగా, తర్వాతి రెండ్రోజులు జీ-20 టూరిజం మినిస్టర్స్ కాన్ఫరెన్స్ జరగనుంది. కాగా, ఈ సమావేశాల సందర్భంగా జీ-20 ప్రతినిధులు ఇప్పటికే గోవా చేరుకున్నారు.

Moeen Ali : చేతులకు స్ప్రే చేసుకుంటూ క‌నిపించిన ఆట‌గాడు.. భారీ షాక్ ఇచ్చిన ఐసీసీ

సుస్థిర, బాధ్యతాయుత క్రూయిజ్ టూరిజంను ప్రోత్సహించే ఈవెంట్లతో జీ-20 సమావేశాలు జరనున్నాయి. ప్రపంచం పర్యాటక రంగంలో ఎదుర్కొంటున్న సవాళ్లు, వాటికి పరిష్కారాలు అనే అంశంపై సమావేశంలో ప్రధానంగా చర్చ జరగనుందని తెలుస్తోంది. ఇది వరకు జరిగిన జీ-20 టూరిజం వర్కింగ్ గ్రూప్ సమావేశాల ఫలితాలపై చర్చించి పరస్పర సహకారంపై ఉమ్మడి ప్రకటనను వర్కింగ్ గ్రూప్
ఆమోదించనుంది.

Waranagal: వీడిన రిటైర్డ్ ఎంపీడీఓ రామకృష్ణయ్య కిడ్నాప్ & మర్డర్ మిస్టరీ

గ్రీన్ టూరిజం, డిజిటలైజేషన్, నైపుణ్యాలు, పర్యాటక రంగంలో ఎంఎస్ఎంఈలు, టూరిజం డెస్టినేషన్ అనే ఐదు అంశాలపై ప్రధాన చర్చ జరగనుంది. 2030 నాటికి సుస్థిరాభివృద్ధి లక్ష్యాల సాధనలో పర్యాటక రంగం ప్రాధాన్యతల గురించి కూడా చర్చ చేయనున్నారు. జూన్ 20న ప్రారంభ సమావేశంలో గోవా ముఖ్యమంత్రి ప్రమోద్ సావంత్, కేంద్ర పర్యాటక-సాంస్కృతిక శాఖ మంత్రి జి కిషన్ రెడ్డి, కేంద్ర పర్యాటక-షిప్పింగ్ శాఖ సహాయ మంత్రి శ్రీపాద్ యశో నాయక్, కేంద్ర పర్యాటక-రక్షణ శాఖ సహాయ మంత్రి అజయ్ భట్ ప్రసంగించనున్నారు.

Wrestlers Protest: ఒకరినొకరు తిట్టుకున్న రెజ్లర్లు సాక్షి మాలిక్‌ – బబితా ఫొగట్

సమావేశాల్లో భాగంగా ల్యాంప్ డాన్స్, కథక్, గోవా మాండో మ్యూజిక్ అండ్ డాన్స్, దేఖ్నీ డాన్స్, ముసల్ ఖేల్, గోమంత్ రంగ్ వంటి గోవా సాంస్కృతిక వారసత్వం చాటే సాంస్కృతిక కార్యక్రమాలు నిర్వహిస్తారు. జీ-20 ప్రతినిధులను ఆహ్వానించేందుకు గోవా అంతర్జాతీయ విమానాశ్రయంలో ప్రత్యేక ఏర్పాట్లు చేశారు. గోవా సంగీతం, నృత్యాలు, ఫ్లెమెన్కో ప్రదర్శనలతో ఘనస్వాగతం పలకనున్నారు. ఇప్పటికే రాష్ట్రాన్ని జీ-20 పోస్టర్లు, ఫ్లెక్సీలతో ముస్తాబు చేశారు. ఇక ఇదే సమావేశాల్లో ఈ నెల 21న అంతర్జాతీయ యోగా దినోత్సవ వేడుకలు సైతం నిర్వహించనున్నారు.