Punjab CM : ఊహించని ప్రకటన చేస్తాను.. ఇలా ఎవరూ చేసి ఉండరు – పంజాబ్ సీఎం
ఇంతవరకు ఎవరూ కూడా ఇలాంటి నిర్ణయం తీసుకోని ఉండరని, గురువారం ప్రకటన చేయడం జరుగుతుందని తెలిపారు. ట్వీట్ చేసిన కొద్దిసేపట్లోనే వైరల్ గా మారిపోయింది. ఎలాంటి ప్రకటన చేస్తారనే ఉత్కంఠ...
- Published By: 10TV Digital Team ,Published On : March 17, 2022 / 12:16 PM IST
Bhagawant Singh
Punjab CM Bhagwant Mann : ముఖ్యమంత్రిగా ప్రమాణ స్వీకారం చేయకముందే తన పాలన ఎలా ఉంటుందో చెప్పకనే చెబుతున్నారు భగవంత్ మాన్. ఇక సీఎంగా బాధ్యతలు చేపట్టిన కొద్ది గంటల్లో ఓ సంచలన ప్రకటన చేశారు. పంజాబ్ రాష్ట్ర ప్రజలను దృష్టిలో పెట్టుకుని సంచలన నిర్ణయం తీసుకోవడం జరుగుతుందని తెలిపారు. 2022, మార్చి 17వ తేదీ గురువారం ఆయన ట్వీట్ చేశారు. ఇంతవరకు ఎవరూ కూడా ఇలాంటి నిర్ణయం తీసుకోని ఉండరని, గురువారం ప్రకటన చేయడం జరుగుతుందని తెలిపారు. ట్వీట్ చేసిన కొద్దిసేపట్లోనే వైరల్ గా మారిపోయింది. పంజాబ్ చరిత్రలో ఇలాంటి నిర్ణయం తీసుకోని ఉండరని వెల్లడించారు. ఎలాంటి ప్రకటన చేస్తారనే ఉత్కంఠ నెలకొంది. నెటిజన్లు స్పందిస్తున్నారు. పంజాబ్ సీఎంగా భగవంత్ మాన్ బుధవారం ప్రమాణ స్వీకారం చేసిన సంగతి తెలిసిందే. ప్రమాణ స్వీకారోత్సవ వేడుకను ఇంక్విలాబ్ జిందాబాద్ నినాదంతో ముగించారు. ప్రమాణ స్వీకారం అనంతరం సీఎం కార్యాలయానికి వెళ్లి..అక్కడున్న కుర్చీలో కూర్చొన్నారు. పైగా ఈ ప్రమాణ స్వీకారానికి భగత్ సింగ్ జన్మస్థలమైన నవాన్షార్ జిల్లా, ఖట్కర్ కలాన్ గ్రామాన్ని ఎంచుకున్నారు. కార్యాలయ సిబ్బంది పరిచయం చేసుకుని అభినందనలు తెలిపారు.
Read More : Bhagwant Mann: ఇంక్విలాబ్ జిందాబాద్ అంటూ ప్రమాణ స్వీకారం పూర్తి చేసిన భగవంత్ మన్
ఐదు రాష్ట్రాల ఎన్నికల్లో భాగంగా… పంజాబ్ రాష్ట్రంలో కూడా ఎన్నికలు జరిగాయి. ఈ ఎన్నికల్లో ఆఫ్ విజయదుందుభి మ్రోగించింది. 117 అసెంబ్లీ స్థానాలున్న ఈ రాష్ట్రంలో ఆప్ ఏకంగా 92 సీట్లలో విజయం సాధించింది. చీపురు దెబ్బకు కాంగ్రెస్, బీజేపీతో సహా ఇతర పార్టీలు కొట్టుకపోయాయి. హాస్యనటుడు నుంచి ముఖ్యమంత్రి వరకు కొనసాగిన ఆయన ప్రస్థానంలో ఎన్నో పరాజయాలు.. మరెన్నో విజయాలు ఉన్నాయి. అయితే ఓటములకు కుంగిపోని ఆయన.. గెలుపుతోనే విమర్శకులకు సమాధానం చెప్పారు. గవంత్ మాన్ 1972 అక్టోబర్ 17న పంజాబ్‌లోని సంగ్రూర్ జిల్లా సతోజ్ గ్రామంలో జన్మించారు. అతని తండ్రి పేరు మోహిందర్ సింగ్, ఆయన ఉపాధ్యాయుడు. పంజాబ్‌లోని సంగ్రూర్ జిల్లాలోని SUS ప్రభుత్వ కళాశాలలో బీకామ్‌ చదివిన మాన్ ఇంద్రప్రీత్ కౌర్‌ను వివాహం చేసుకున్నారు.
Read More : Bhagwant Mann : పంజాబ్ సీఎంగా భగవంత్ మాన్ ప్రమాణ స్వీకారం
1992లో భగవంత్ మాన్ క్రియేటివ్ మ్యూజిక్ కంపెనీలో చేరి షోలు చేయడం ప్రారంభించారు. 2013 వరకు డిస్కోగ్రఫీ ఫిల్డ్‌లో చురుకుగా ఉన్నారు. మాన్ యూత్ కామెడీ ఫెస్టివల్, ఇంటర్ కాలేజీ పోటీలలో పాల్గొన్నారు. పాటియాలాలోని పంజాబీ యూనివర్సిటీలోని షహీద్ ఉధమ్ సింగ్ ప్రభుత్వ కళాశాలలో రెండు బంగారు పతకాలు సాధించారు. 1994లో ‘కచారి’ సినిమాతో సినీ రంగ ప్రవేశం చేశారు. 2018 వరకు 12కి పైగా సినిమాలు చేశారు. భగవంత్ మాన్ రాజకీయాలు, క్రీడలతో పాటు దేశంలోని అనేక సమస్యలపై కామెడీ షోలు చేశారు. 2012లో కొత్తగా ఏర్పడిన పంజాబ్ పీపుల్స్ పార్టీ నుంచి తన రాజకీయ ఇన్నింగ్స్‌ను ప్రారంభించారు మాన్. లెహ్రా అసెంబ్లీ స్థానం నుంచి పోటీ చేసి ఓటమిని చవిచూడాల్సి వచ్చింది. ఆ తర్వాత పంజాబ్ పీపుల్స్ పార్టీతో తెగతెంపులు చేసుకున్న మాన్…. 2014లో అరవింద్ కేజ్రీవాల్ నేతృత్వంలోని ఆమ్ ఆద్మీ పార్టీలో చేరారు. 2014 లోక్‌సభ ఎన్నికల్లో సంగ్రూర్ నుంచి ఆమ్ ఆద్మీ పార్టీ ఆయనకు టిక్కెట్ ఇచ్చింది. భగవంత్ మాన్… సుఖ్‌దేవ్ సింగ్ ధిండాను ఓడించారు. ఇక 2019 లోక్‌సభ ఎన్నికల్లో భగవంత్ మాన్ సంగ్రూర్ నుంచి గెలుపొందారు. ఈసారి ప్రజాభిప్రాయ సేకరణ ద్వారా భగవంత్ మాన్‌ను ఆప్ సీఎం అభ్యర్ధిగా నిర్ణయించింది ఆమ్ ఆద్మీ పార్టీ. ఏడాదిన్నర కాలంగా పార్టీ కార్యకలాపాల్లో ఎంతో చురుగ్గా పాల్గొన్న ఆయన కృషి ఫలించినట్లైంది..! పంజాబ్‌లో ఆప్‌కే పట్టం కట్టారు ప్రజలు. దీంతో పంజాబ్ ముఖ్యమంత్రిగా తొలిసారి ప్రమాణస్వీకారం చేసేందుకు సిద్ధమయ్యారు మాన్.
पंजाब की जनता के हित में आज एक बहुत बड़ा फ़ैसला लिया जाएगा। पंजाब के इतिहास में आज तक किसी ने ऐसा फैसला नहीं लिया होगा।
कुछ ही देर में एलान करूँगा…।
— Bhagwant Mann (@BhagwantMann) March 17, 2022
