అవిభక్త కవలల స్కూటర్ రైడింగ్ అదుర్స్..! వీడియో వైరల్
- Published By: veegamteam ,Published On : February 19, 2020 / 06:36 AM IST
వారు అవిభక్త కవలలు అంటే మనకు ఠక్కున గుర్తుకొచ్చేవారు వీణా..వాణిలు. అటువంటి మరో అవిభక్త కవలలు చేసే పనులు చూస్తే ఆశ్చర్యపోవాల్సిందే. ఇద్దరి శరీరాలు కలిసే పుట్టటంతో వారు ఏపనిచేసిన కలిసే చేయాలి. కలిసే పుట్టిన ఆ కవలలు ఏదో సాధారణమైన జీవితానికి పరిమితంకాలేదు. ఏకంగా స్కూటర్ నడిపేస్తున్నారు.
ఆ అవిభక్త కవలలు చేసే స్కూటర్ రైడ్ అదుర్స్! అంటున్నారు నెటిజన్లు. స్ఫూర్తినిచ్చే ఈ సందర్భం ఛత్తీస్‌గడ్ లోని రాయ్‌పూర్ కు 100 కిలోమీటర్ల దూరంలో ఉండే పెట్రోల్ బంక్ లో జరిగిన సందర్భాన్ని తీసిన వీడియోని ఓ వ్యక్తి సోషల్ మీడియాలో పోస్ట్ చేయటంతో అది వైరల్ గా మారింది.
శరీరాలు కలిసి పుట్టిన ఈ అవిభక్త కవలలు తమ వైకల్యాన్ని లెక్క చేయకుండా సాధారణ జీవితాన్ని గడుపుతున్నారు. వైకల్యం తమ ఆశలకు..ఆకాంక్షలకు అడ్డుకాదనీ..అలా పుట్టినంత మాత్రాన తమ ఇష్టాలు చంపేసుకోవాల్సిన పనిలేదని నిరూపిస్తున్నారు ఈ అవిభక్త కవలలు.
అలా స్కూటర్ నడుపుతూ.. పెట్రోల్ బంక్ వద్దకు వెళ్లిన ఈ అవిభక్త కవలలను చూసి అంతా ఆశ్చర్యపోయారు. ఇద్దరిలో ఒకరు ఎస్కలేటర్ పట్టుకుని దారి చూస్తుంటే, మరొకరు ఫ్రంట్ బ్రేక్, హ్యాండిల్ పట్టుకుని స్కూటర్ నడపడం చూస్తే మీరూ ఆశ్చర్యపోతారు.
