Kedarnath Yatra 2025 : కేదార్‌నాథ్ యాత్ర కోసం IRCTC హెలికాప్టర్ సర్వీసులు.. ఏయే రూట్లలో వెళ్లొచ్చు.. బుకింగ్ ఎలా? ధర ఎంతంటే?

Kedarnath Yatra 2025 : కేదార్‌నాథ్ యాత్రకు వెళ్లేందుకు ప్లాన్ చేస్తున్నారా? అయితే మీకో గుడ్ న్యూస్.. ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) కేదార్‌నాథ్ యాత్ర 2025 కోసం స్పెషల్ హెలికాప్టర్ సర్వీసులను ప్రకటించింది.

వచ్చే మే 2 నుంచి ప్రారంభమై మే 31 వరకు ప్రతిరోజూ హెలికాప్టర్ సర్వీసులను అందించనుంది. ఈ సర్వీసులను కేదార్‌నాథ్ యాత్రికులకు వేగంగా కేదార్‌నాథ్ ఆలయానికి చేర్చేందుకు ఐఆర్‌సీటీసీ అందుబాటులోకి తీసుకొచ్చింది.

Read Also : Airtel SIM Cards : ఎయిర్‌టెల్ బ్లింకిట్ బిగ్ డీల్.. కూరగాయలు, స్మార్ట్‌ఫోన్లే కాదు.. 10 నిమిషాల్లో ఇంటికే సిమ్ కార్డులు డెలివరీ!

సురక్షితమైన సౌకర్యవంతమైన ప్రయాణాన్ని అందించడమే లక్ష్యంగా ఐఆర్‌సీటీసీ హెలికాప్టర్ సర్వీసులను అందిస్తోంది. మూడు ప్రదేశాల నుంచి హెలికాప్టర్ షటిల్ సర్వీసులు అందుబాటులో ఉంటాయి.

ఫాటా : రూ. 6,063 (రౌండ్ ట్రిప్)
సిర్సి : రూ. 6,061 (రౌండ్ ట్రిప్)
గుప్త్ కాశి : రూ. 8,533 (రౌండ్ ట్రిప్)

ఈ వాయుమార్గాల్లో హిమాలయాల మీదుగా మీరు ప్రయాణం చేయొచ్చు. ప్రయాణ సమయం తగ్గడమే కాదు.. రైల్వే మార్గంలో వెళ్లే విధంగా పెద్దగా ఇబ్బంది పడాల్సిన అవసరం ఉండదు.

యాత్రకు రిజిస్ట్రేషన్ తప్పనిసరి, బుకింగ్ ప్రక్రియ ఇలా :

• హెలికాప్టర్ టిక్కెట్లు బుక్ చేసుకునే ముందు యాత్రికులు అధికారిక ఉత్తరాఖండ్ టూరిజం వెబ్‌సైట్ ద్వారా కేదార్‌నాథ్ యాత్రకు తప్పనిసరి రిజిస్ట్రేషన్‌ను పూర్తి చేయాలి.
• కొత్త వినియోగదారులు ఒక అకౌంట్ మాత్రమే క్రియేట్ చేసుకోవాలి.
• ప్రయాణ వ్యవధి, ప్రయాణికుల సంఖ్య, ప్రయాణ తేదీలు వంటి ప్రయాణ వివరాలను అందించాలి.
• ఆపై యాత్ర రిజిస్ట్రేషన్ లెటర్‌ను డౌన్‌లోడ్ చేసుకోవాలి.
• హెలియాత్ర పోర్టల్‌లో హెలికాప్టర్ టిక్కెట్లను బుక్ చేసుకునేందుకు ఈ రిజిస్ట్రేషన్ లెటర్ చాలా అవసరం.
• ముందుగా హెలియాత్ర పోర్టల్‌లో వారి మొబైల్ నంబర్, ఇమెయిల్ అడ్రస్ ఉపయోగించి రిజిస్ట్రర్ చేసుకోవాలి.
• OTP వెరిఫై చేసిన తర్వాత లాగిన్ అవ్వాలి.
• యాత్ర రిజిస్ట్రేషన్ నంబర్‌ను ఎంటర్ చేసి, ప్రయాణ తేదీలు, ప్రాధాన్య సమయ స్లాట్‌లు, ప్రయాణీకుల సంఖ్యను ఎంచుకుని పేమెంట్ పూర్తి చేయవచ్చు.
• ప్రతి యూజర్ రెండు టిక్కెట్ల వరకు బుక్ చేసుకోవచ్చు.
• ప్రతి టికెట్‌లో గరిష్టంగా 6 ప్రయాణికులకు వసతి కల్పించవచ్చు.

క్యాన్సిల్, రీఫండ్ ప్రాసెస్ ఇలా :
ఒకవేళ మీ ప్లానింగ్ మారితే.. ప్రయాణికులు తమ బుకింగ్‌ను క్యాన్సిల్ చేసుకోవచ్చు. క్యాన్సిలేషన్ ఛార్జీలు వర్తిస్తాయి. ఆ తర్వాత 5 నుంచి 7 వర్కింగ్ డేస్‌లో మీ డబ్బు రీఫండ్ అవుతుంది. అయితే, షెడ్యూల్ అయి బయలుదేరే 24 గంటలలోపు టికెట్ క్యాన్సిల్ చేసుకుంటే ఎలాంటి రీఫండ్ ఉండదని గమనించాలి.

Read Also : Best Cooling AC : కొత్త ఏసీ కావాలా? రూ. 35వేల లోపు ధరలో టాప్ కూలింగ్ ఏసీలు ఇవే.. మీ ఇల్లంతా కూల్.. కూల్..!

ఈ సర్వీసులకు హై డిమాండ్ ఉన్నందున, యాత్రికులు తమకు ఇష్టమైన ప్రయాణ తేదీలు, సమయాలను ముందుగానే బుక్ చేసుకోవాల్సి ఉంటుంది. అద్భుతమైన దృశ్యాలను వీక్షించవచ్చు. తక్కువ సమయంలోనే అత్యంత సౌకర్యవంతమైన కేదార్‌నాథ్ యాత్రను పూర్తి చేయొచ్చు.