Mumbai : రేవ్ పార్టీలో షారుఖ్ ఖాన్ కొడుకు

ఎన్సీబీ అధికారుల అదుపులో ప్రముఖ బాలీవుడ్ స్టార్ షారూఖ్ ఖాన్ కుమారుడు ఆర్యన్ ఖాన్ ఉండడం కలకలం రేపుతోంది.

Sharukh

Mumbai Cruise Drugs Case : ముంబైలో మరోసారి రేవ్ పార్టీని భగ్నం చేశారు ఎన్సీబీ అధికారులు. దర్యాప్తు ముమ్మరం చేసింది. షిప్ లో ఈ పార్టీ నిర్వహించారు. ఇందులో బాలీవుడ్ సూపర్ స్టార్ట్స్ కుమారులను కూడా ఎన్సీబీ అదుపులోకి తీసుకుంది. ఎన్సీబీ అధికారుల అదుపులో ప్రముఖ బాలీవుడ్ స్టార్ షారూఖ్ ఖాన్ కుమారుడు ఆర్యన్ ఖాన్ ఉండడం కలకలం రేపుతోంది. అతడిని ఎన్ సీబీ (NCB) అధికారులు విచారిస్తున్నారు. ఆర్యన్ ఖాన్ డ్రగ్స్ తీసుకున్నాడా ? లేదా ? అనే కోణంలో విచారణ చేస్తున్నారు.

Read More : Bollywood : ముంబైలో సెలబ్రెటీ రేవ్ పార్టీ భగ్నం, ఎన్సీబీ అదుపులో బాలీవుడ్ నటుడు ?

ముంబై శివారులో రేవ్ పార్టీపై నార్కో కంట్రోల్ బ్యూరో అధికారులు దాడులు జరపడం కలకల రేపింది. తీరంలోని క్రూజ్ షిప్ లో ఈ పార్టీ జరగడం విశేషం. రేవ్ పార్టీలో డ్రగ్స్ వినియోగిస్తున్నారంటూ…సమాచారం రావడంతో శనివారం 2021, అక్టోబర్ 02వ తేదీ శనివారం అర్ధరాత్రి తనిఖీలు చేశారు. అధిక మొత్తంలో కొకైన్, ఎండీని స్వాధీనం చేసుకున్నారు. పలువురు యువతీ, యువకులను అదుపులోకి తీసుకున్నారు అధికారులు. బాలీవుడ్ స్టార్స్ కు చెందిన పలువురు కొడుకులు అదుపులో ఉన్నట్లు తెలుస్తోంది. ఆదివారం ఉదయం..వీరిని ముంబైకి తీసుకురానున్నట్లు సమాచారం. రేవ్ పార్టీలో డ్రగ్స్ వాడారన్న విషయంతో…డ్రగ్స్ వాడడం చర్చనీయాంశమైంది.