Pm Modi Condoles Manmohan Singhs Demise
Manmohan Singh : మాజీ ప్రధాని మన్మోహన్ సింగ్ మృతి పట్ల సంతాపం తెలిపారు ప్రధాని మోదీ. భారతదేశం తన అత్యంత విశిష్ట నాయకులలో ఒకరైన డాక్టర్ మన్మోహన్ సింగ్ జీ ని కోల్పోయినందుకు సంతాపం వ్యక్తం చేస్తుందన్నారు. నిరాడంబరమైన మూలాల నుండి ఎదిగి, గౌరవనీయమైన ఆర్థికవేత్తగా మన్మోహన్ ఎదిగారని ప్రధాని మోదీ కితాబిచ్చారు.
”ఆర్థిక మంత్రిగా సహా వివిధ ప్రభుత్వ పదవులలో పనిచేశారు. దేశ ఆర్థిక విధానంపై బలమైన ముద్ర వేశారు. పార్లమెంట్‌లో ఆయన చేసిన ప్రసంగాలు అద్భుతమైనవి. భారత ప్రధానిగా ప్రజల జీవితాలను మెరుగుపరిచేందుకు ఆయన విస్తృతంగా కృషి చేశారు” అని ప్రధాని నరేంద్ర మోడీ ప్రశంసించారు.
మన్మోహన్ సింగ్ మృతి పట్ల విచారం వ్యక్తం చేశారు కాంగ్రెస్ చీఫ్ మల్లికార్జున ఖర్గే. ”మాజీ ప్రధాని మరణంతో, భారతదేశం దూరదృష్టి గల రాజనీతిజ్ఞుడిని, అభిశంసించలేని సమగ్రత కలిగిన నాయకుడిని ఆర్థికవేత్తను కోల్పోయింది. ఆర్థిక సరళీకరణ హక్కుల ఆధారిత సంక్షేమ నమూనా అనే ఆయన విధానం కోట్లాది మంది భారతీయుల జీవితాలను మార్చివేసింది. భారతదేశంలో మధ్య తరగతిని సృష్టించి, కోట్లాది మందిని పేదరికం నుండి బయటవేశారు.
అచంచలమైన అంకితభావంతో ఉన్నత స్థాయికి ఎదిగి, భారతదేశ ఆకాంక్షలను సాకారం చేసిన జీవితకాల సీనియర్ సహోద్యోగిని, సున్నిత మేధావి, వినయపూర్వకమైన వ్యక్తిని కోల్పోయినందుకు నేను సంతాపం వ్యక్తం చేస్తున్నాను. కార్మిక మంత్రిగా, రైల్వే మంత్రిగా, సాంఘిక సంక్షేమ శాఖ మంత్రిగా ఆయన కేబినెట్‌లో భాగమైనందుకు గర్విస్తున్నా. మాటల కంటే క్రియాత్మకమైన వ్యక్తి. దేశ నిర్మాణానికి ఆయన చేసిన అపారమైన కృషి భారతీయ చరిత్ర చరిత్రలో చిరస్థాయిగా నిలిచిపోతుంది”.
మాజీ ప్రధాని డా. మన్మోహన్ సింగ్ మృతి పట్ల విచారం వ్యక్తం చేశారు కేంద్ర హోంమంత్రి అమిత్ షా. రిజర్వ్ బ్యాంక్ గవర్నర్ గా, ఆర్ధిక మంత్రిగా, ప్రధాన మంత్రిగా మన్మోహన్ దేశానికి సేవ చేశారని కొనియాడారు.
మాజీ ప్రధాని మన్మోహన్ సింగ్ మృతి పట్ల విచారం వ్యక్తం చేశారు మాజీ ఉపరాష్ట్రపతి వెంకయ్యనాయుడు. ఆర్థికవేత్తగా, రిజర్వ్ బ్యాంక్ గవర్నర్ గా, ఆర్థిక మంత్రిగా దేశంలో ఎన్నో ఆర్థిక సంస్కరణలకు దిశానిర్దేశం చేసిన వ్యక్తిగా మన్మోహన్ చిరస్మరణీయులు అని కితాబిచ్చారు. ”వ్యక్తిగతంగా నాకు ఎంతో ఆత్మీయులు. మన్మోహన్ నిబద్ధత, క్రమశిక్షణ, నిరాడంబరత ఆదర్శనీయమైనవి. మన్మోహన్ సింగ్ ఆత్మకు శాంతి కలగాలని ప్రార్థిస్తూ, వారి కుటుంబ సభ్యులకు ప్రగాఢ సానుభూతి తెలియజేస్తున్నాను”.
Also Read : ఆర్థిక సంస్కరణల రూపశిల్పి మన్మోహన్ సింగ్ రాజకీయ ప్రస్థానం..
