Gold and Silver Rates Today : గుడ్న్యూస్.. బంగారం, వెండి ధరల్లో భారీ మార్పులు.. మీ నగరంలో నేటి ధరలు ఇవే..
Gold and Silver Rates Today : బంగారం, వెండి ధరల్లో కొద్దిరోజులుగా కీలక మార్పులు చోటు చేసుకుంటున్నాయి. అయితే, ఆదివారం ఉదయం నమోదైన వివరాల ప్రకారం.. బంగారం, వెండి ధరలు స్థిరంగా కొనసాగుతున్నాయి.
- Published By: 10TV Digital Team ,Published On : January 4, 2026 / 08:14 AM IST
బంగారం, వెండి కొనుగోలు చేసేందుకు సిద్ధమవుతున్న వారికి గుడ్న్యూస్.
భౌగోళిక రాజకీయ అనిశ్చితుల నేపథ్యంలో పెట్టుబడిదారులు సురక్షిత ఆస్తుల వైపు మొగ్గు చూపుతుండడంతో బంగారానికి డిమాండ్ కొనసాగుతోంది. డాలర్ తో పోల్చుకుంటే రూపాయి క్షీణిస్తుండటం కూడా బంగారం, వెండి ధరల్లో పెరుగుదలకు కారణంగా కనిపిస్తోంది.
గోల్డ్, సిల్వర్ ధరల్లో ప్రతిరోజూ హెచ్చుతగ్గులు చోటు చేసుకుంటున్నాయి. శనివారం వీటి ధరల్లో భారీ తగ్గుదల చోటు చేసుకోగా.. ఆదివారం వీటి ధరలు స్థిరంగా కొనసాగుతున్నాయి.
ఆదివారం ఉదయం నమోదైన వివరాల ప్రకారం.. బంగారం, వెండి ధరలు స్థిరంగా కొనసాగుతున్నాయి. అంతర్జాతీయ మార్కెట్లో మాత్రం బంగారం రేటు స్వల్పంగా పెరిగింది. ఔన్సు గోల్డ్ పై 7డాలర్లు పెరగ్గా.. ప్రస్తుతం అక్కడ ఔన్సు గోల్డ్ 4332 డాలర్ల వద్ద కొనసాగుతోంది.
తెలుగు రాష్ట్రాల్లో ఇవాళ్టి ధరలు .. తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర స్థిరంగా కొనసాగుతుంది. దీంతో హైదరాబాద్, విజయవాడ, విశాఖపట్నంలో.. 10గ్రాముల 22 క్యారట్ల పసిడి ధర రూ.1,24,500 కాగా.. 24 క్యారట్ల ధర రూ.1,35,820కు చేరింది.
దేశంలోని పలు ప్రధాన నగరాల్లో.. దేశ రాజధాని ఢిల్లీలో 22క్యారట్ల 10గ్రాముల బంగారం ధర రూ.1,24,650 కాగా.. 24క్యారట్ల ధర రూ. 1,35,970కు చేరింది. ముంబై, బెంగళూరు, చెన్నై నగరాల్లో 10గ్రాముల 22క్యారట్ల పసిడి ధర రూ.1,24,500 కాగా.. 24క్యారట్ల ధర రూ.1,34,820కు చేరింది.
వెండి ధర ఇలా : హైదరాబాద్, విజయవాడ, విశాఖపట్టణంలో ఇవాళ వెండి ధర స్థిరంగా కొనసాగుతుంది. దీంతో ఆయా నగరాల్లో కిలో వెండి ధర రూ.2,56,000 వద్దకు చేరింది. ఇక ఢిల్లీ, ముంబయి, బెంగళూరు నగరాల్లో కిలో వెండి రేటు రూ.2,38,000 వద్దకు చేరింది. చెన్నైలో కిలో వెండి ధర రూ. 2,56,000 వద్ద కొనసాగుతుంది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.
