క్రికెట్ ఫ్యాన్స్‌కు పండగే పండగ.. హైదరాబాద్‌, విశాఖలోనూ అంతర్జాతీయ మ్యాచులు!

ఈ ప్రతిపాదిత షెడ్యూల్‌పై BCCI అపెక్స్ కౌన్సిల్ సమావేశంలో తుది నిర్ణయం తీసుకోనున్నారు.

టీమిండియా అభిమానులు శుభవార్త. భారత గడ్డపై నాన్-స్టాప్ క్రికెట్ జాతర జరగనుంది. మన దేశంలో వరసగా పలు దేశాలతో సిరీస్‌లు ఉన్నాయి. వెస్టిండీస్, దక్షిణాఫ్రికా, న్యూజిలాండ్ వంటి అగ్ర జట్లతో టీమిండియా తలపడనుంది. BCCI ప్రతిపాదించిన ఈ హోమ్ సీజన్ షెడ్యూల్ ప్రకారం, దేశంలోని అనేక నగరాల్లో అంతర్జాతీయ మ్యాచ్‌లు జరగనున్నాయి. ఆ వివరాలన్నీ ఇప్పుడు చూద్దాం..

భారత్ హోమ్ సీజన్ 2025-26

ఈ షెడ్యూల్‌కు త్వరలో BCCI అపెక్స్ కౌన్సిల్ ఆమోదముద్ర వేయనుంది.

వెస్టిండీస్‌తో టెస్ట్ సిరీస్ (2025 అక్టోబర్)

ఈ సిరీస్‌తో హోమ్ సీజన్ ప్రారంభం కానుంది.

ఫార్మాట్: 2 టెస్టులు

వేదికలు (అంచనా): అహ్మదాబాద్, ఢిల్లీ

(ఈ సిరీస్‌కు ముందు, భారత్ ఆస్ట్రేలియాలో 3 వన్డేలు, 5 టీ20లు ఆడుతుంది)

Also Read: ఏంది భయ్యా ఈ అమ్మకాలు? ఈ మారుతి కారును ఇంతలా ఎందుకు కొంటున్నారు? ఈ లెక్కలు చూస్తే మీరే షాక్ అవుతారు!

దక్షిణాఫ్రికాతో భారీ సిరీస్ (2025 నవంబర్ – డిసెంబర్)

భారత్ మూడు ఫార్మాట్లలోనూ తలపడనుంది.

2 టెస్టులు: కోల్‌కతా, గువాహటిలో

3 వన్డేలు: రాంచీ, రాయ్‌పూర్, విశాఖపట్నంలో

4 టీ20లు: కటక్, న్యూ చండీగఢ్, ధర్మశాల, లక్నోలో

న్యూజిలాండ్‌తో వైట్-బాల్ సిరీస్ (2026 జనవరిలో)

ఈ సిరీస్‌తో హోమ్ సీజన్ ముగుస్తుంది. కివీస్‌తో వన్డేలు, టీ20ల పోరు జరగనుంది.

ఫార్మాట్: 3 వన్డేలు, 5 టీ20లు

పరిశీలనలో ఉన్న వేదికలు: హైదరాబాద్, జైపూర్, మొహాలీ, ఇండోర్, రాజ్‌కోట్, గువాహటి, తిరువనంతపురం, నాగ్‌పూర్. వీటిని షార్ట్‌లిస్ట్‌ చేశారు.

అసలైన సవాల్: T20 వరల్డ్ కప్ 2026

ఈ హోమ్ సిరీస్‌లన్నీ ముగిసిన వెంటనే, అసలైన సమరానికి తెరలేవనుంది.

టోర్నమెంట్: T20 వరల్డ్ కప్ 2026

ఎప్పుడు?:  2026 ఫిబ్రవరి – మార్చి

ఆతిథ్య దేశాలు: భారత్, శ్రీలంక

భారత్ లక్ష్యం: డిఫెండింగ్ ఛాంపియన్‌గా బరిలోకి దిగుతున్న భారత్, టైటిల్‌ను నిలబెట్టుకోవాలని చూస్తోంది. ఆ తర్వాతే, అభిమానులను ఉర్రూతలూగించే IPL 2026 సీజన్ ప్రారంభం కానుంది.

కాగా, ఈ ప్రతిపాదిత షెడ్యూల్‌పై BCCI అపెక్స్ కౌన్సిల్ సమావేశంలో తుది నిర్ణయం తీసుకోనున్నారు. ఇదే సమావేశంలో మరిన్ని అంశాలకు సంబంధించిన కీలక ప్రకటనలు చేయనున్నారు.