IND vs WI 2nd Test Shai Hope scores Test century after 2967 days
Shai Hope : ఢిల్లీ వేదిక‌గా భార‌త్‌తో జ‌రుగుతున్న రెండో టెస్టు మ్యాచ్‌లో రెండో ఇన్నింగ్స్‌లో వెస్టిండీస్ స్టార్ ఆట‌గాడు షై హోప్ సెంచ‌రీ చేశాడు. 204 బంతుల్లో ఈ విండీస్ వీరుడు మూడు అంకెల స్కోరు సాధించాడు. మొత్తంగా 214 బంతులు ఎదుర్కొని 12 ఫోర్లు, 2 సిక్స‌ర్లు బాది 103 ప‌రుగులు చేసి సిరాజ్ బౌలింగ్‌లో క్లీన్ బౌల్డ్ అయ్యాడు.
కాగా.. టెస్టుల్లో అత‌డికి ఇది మూడో సెంచ‌రీ కావ‌డం విశేషం. దాదాపు 8 ఏళ్ల త‌రువాత అత‌డు సుదీర్ఘ ఫార్మాట్‌లో మూడు అంకెల స్కోరు అందుకున్నాడు. చివ‌రి సారిగా అత‌డు 2017లో ఇంగ్లాండ్ పై శ‌త‌కాన్ని బాదాడు. ఈ క్ర‌మంలో షై హోప్ ఓ అరుదైన ఘ‌న‌త సాధించాడు.
Smriti Mandhana : భార‌త్ మ్యాచ్ ఓడిపోయినా.. స్మృతి మంధాన ప్ర‌పంచ రికార్డులు..
రెండు టెస్టు సెంచరీల మధ్య అత్యధిక ఇన్నింగ్స్‌లు ఆడిన విండీస్ ఆట‌గాళ్ల జాబితాలో అగ్ర‌స్థానంలో నిలిచాడు. గ‌తంలో జెర్మైన్ బ్లాక్‌వుడ్ పేరిట ఈ రికార్డు ఉండేది. జెర్మైన్ బ్లాక్‌వుడ్ రెండు టెస్టు సెంచ‌రీ మధ్య 47 ఇన్నింగ్స్‌లు ఆడాడు. ఇక షై హోప్ విష‌యానికి వ‌స్తే.. అత‌డు 58 ఇన్నింగ్స్‌లు తీసుకున్నాడు. ఈ జాబితాలో క్రిస్‌గేల్‌, డ్వేన్ బ్రావో, శివనారాయణ్ చంద్రపాల్ సైతం ఉన్నారు.
వెస్టిండీస్ తరపున రెండు టెస్ట్ సెంచరీల మధ్య అత్యధిక ఇన్నింగ్స్‌లు
* షై హోప్ – 58 ఇన్నింగ్స్‌లు (2017-25)
* జెర్మైన్ బ్లాక్‌వుడ్ – 47 ఇన్నింగ్స్‌లు (2015-20)
* క్రిస్ గేల్ – 46 ఇన్నింగ్స్‌లు (2005-08)
* డ్వేన్ బ్రావో – 44 ఇన్నింగ్స్‌లు (2005-09)
* శివనారాయణ్ చంద్రపాల్ – 41 ఇన్నింగ్స్ (1998-2002)
రిచర్డ్సన్ను అధిగమించిన షైహోప్‌..
అంత‌ర్జాతీయ క్రికెట్‌లో వెస్టిండీస్ త‌రుపున అన్ని ఫార్మాట్ల‌లో క‌లిసి అత్యధిక సెంచ‌రీలు చేసిన ఆట‌గాళ్ల జాబితాలో రిచర్డ్సన్ను షై హోప్ అధిగ‌మించాడు. రిచ‌ర్డ్ స‌న్ 21 సెంచ‌రీలు చేయ‌గా.. తాజా శ‌త‌కం హోప్‌కు 22వ కావ‌డం విశేషం. ఈ జాబితాలో హోప్ 7వ స్థానంలో ఉన్నాడు. 53 శ‌త‌కాల‌తో తొలి స్థానంలో బ్రియాన్ లారా ఉన్నాడు.
విండీస్ త‌రుపున అంత‌ర్జాతీయ క్రికెట్‌లో అత్యధిక సెంచ‌రీలు చేసిన ఆట‌గాళ్లు వీరే..
* బ్రియన్ లారా – 53 సెంచ‌రీలు
* క్రిస్ గేల్ – 42 సెంచ‌రీలు
* శివనారాయణ్ చంద్రపాల్ – 41 సెంచ‌రీలు
* వివ్ రిచర్డ్స్ – 35 సెంచ‌రీలు
* డెస్మండ్ హేన్స్ – 35 సెంచ‌రీలు
* గోర్డాన్ గ్రీనిడ్జ్ – 30 సెంచ‌రీలు
* షై హోప్ – 22 సెంచ‌రీలు
* రిచీ రిచర్డ్‌సన్ – 21 సెంచ‌రీలు
