Deepak Chahar : కొత్త తరహా మోసం బారిన పడ్డ టీమిండియా పేసర్.. క్షమాపణలు చెప్పిన జొమాటో
టీమ్ఇండియా పేసర్ దీపర్ చాహర్ కు చేదు అనుభవం ఎదురైంది.
![Deepak Chahar : కొత్త తరహా మోసం బారిన పడ్డ టీమిండియా పేసర్.. క్షమాపణలు చెప్పిన జొమాటో Deepak Chahar : కొత్త తరహా మోసం బారిన పడ్డ టీమిండియా పేసర్.. క్షమాపణలు చెప్పిన జొమాటో](https://10tv.in/wp-content/uploads/2024/02/New-Project-3-30.jpg)
Deepak Chahar
Deepak Chahar : టీమ్ఇండియా పేసర్ దీపర్ చాహర్ కు చేదు అనుభవం ఎదురైంది. ఆన్లైన్లో అతడు ఆర్డర్ చేసిన ఫుడ్ రాలేదు సరికదా డెలివరీ అయినట్లు మెసెజ్ వచ్చింది. అదే విషయమై అతడు సదరు సంస్థ కస్టమర్ కేర్ ను సంప్రదించగా ఫుడ్ డెలివరీ అయినట్లు చెప్పింది. దీంతో తాను అబద్దాలు ఆడుతున్నట్లుగా వారు మాట్లాడినట్లు దీపక్ ఆరోపించాడు. ఇండియాలో కొత్త మోసం జరిగిందంటూ తన అనుభవాన్ని సోషల్ మీడియాలో పోస్ట్ చేశాడు.
దీపక్ చాహర్ శనివారం ప్రముఖ ఆన్లైన్ ఫుడ్ డెలివరీ అయిన జొమాటోలో ఫుడ్ను ఆర్డర్ చేశాడు. ఎంత సేపటికి ఆర్డర్ చేసిన ఆహారం రాలేదు. అంతేకాదు.. డెలివరీ అయినట్లు మెసేజ్ వచ్చింది. ఈ విషయమై కస్టమర్ కేర్కు కాల్ చేస్తే.. వారు అదే విషయం చెప్పారు. తాను అబద్దాలు ఆడుతున్నట్లుగా అన్నారు. తనలాగే ఎంతో మంది ఇలాంటి అనుభవాన్ని ఎదుర్కొని ఉంటారు. మీ స్టోరీలను జొమాటోకు ట్యాగ్ చేయండి అంటూ దీపక్ చాహర్ ఎక్స్ (గతంలో ట్విట్టర్)లో పోస్ట్ చేశాడు.
new fraud in India 😂 . Ordered food from @zomato and app shows delivered but didn’t receive anything. After calling the customer service they also said that it’s been delivered and m lying 🤥 . M sure lot of people must be facing same issues. Tag @zomato and tell your story . pic.twitter.com/PwvNTcRTTj
— Deepak chahar 🇮🇳 (@deepak_chahar9) February 24, 2024
దీనిపై జొమాటో స్పందించింది. ‘క్షమాపణలు కోరింది. హాయ్ దీపక్. మీకు ఎదురైన అనుభవానికి మేము తీవ్రంగా చిందిస్తున్నాము. కలిగిన అసౌకర్యానికి క్షమాపణలు కోరుతున్నాము. ఇలాంటి సమస్యలను మేము తీవ్రంగా పరిగణిస్తున్నాము. ఈ విషయాన్ని అత్యవసరంగా పరిశీలిస్తున్నాము.’ అని జొమాటో తెలిపింది.
Hi Deepak, We’re deeply concerned about your experience and apologize for any inconvenience. Rest assured, we take such issues seriously and are urgently looking into the matter to ensure a swift resolution.
— Zomato Care (@zomatocare) February 24, 2024
దీనిపై చాహర్ మాట్లాడుతూ.. ‘చాలా మంది ఈ సమస్యను ఎదుర్కొంటున్నారు. ఆర్డర్ చేసిన డబ్బును వాపస్ చేయడం అనేది సమస్యకు పరిష్కారం కాదు. డబ్బుతో ఆకలిని భర్తీ చేయలేము.’ అని అన్నాడు.
We truly understand the seriousness of this situation, Deepak, and are committed to resolving the underlying issue. Your satisfaction is paramount to us. Kindly share a convenient time for our team to connect with you and discuss this. Your cooperation is highly appreciated. https://t.co/jcTFuGT2Se
— Zomato Care (@zomatocare) February 24, 2024
చాహర్ వ్యాఖ్యకు ప్రతిస్పందిస్తూ జొమాటో మరోసారి ఇలా సమాధానమిచ్చింది.. ‘దీపక్.. మేము మీ పరిస్థితిని పూర్తిగా అర్థం చేసుకున్నాము. సమస్యను పరిష్కరించడానికి కట్టుబడి ఉన్నాము. మీ సంతృప్తి మాకు చాలా ముఖ్యం. దయచేసి మా బృందం కనెక్ట్ కావడానికి కొంత సమయం ఇవ్వండి. దీని గురించి చర్చించండి’ అని అనింది.