Kamran Ghulam : పాకిస్థాన్ న‌యా బ్యాటింగ్ సంచ‌ల‌నం క‌మ్రాన్ గులామ్‌ను చెంప దెబ్బ కొట్టిన బౌల‌ర్ హ‌రీస్ రవూఫ్.. పాత వీడియో వైరల్
అరంగ్రేట టెస్టు మ్యాచ్‌లోనే అద్భుత సెంచ‌రీతో ఆక‌ట్టుకున్నాడు పాకిస్థాన్ బ్యాట‌ర్ క‌మ్రాన్ గులామ్.
- Published By: 10TV Digital Team ,Published On : October 16, 2024 / 12:28 PM IST
Kamran Ghulam Was Slapped By Haris Rauf On Field Old Video Viral
అరంగ్రేట టెస్టు మ్యాచ్‌లోనే అద్భుత సెంచ‌రీతో ఆక‌ట్టుకున్నాడు పాకిస్థాన్ బ్యాట‌ర్ క‌మ్రాన్ గులామ్. 29 ఏళ్ల ఈ ఆట‌గాడు మంగ‌ళ‌వారం ఇంగ్లాండ్‌తో ప్రారంభ‌మైన రెండో టెస్టు మ్యాచ్‌లో సుదీర్ఘ‌ఫార్మాట్‌లోకి ఎంట్రీ ఇచ్చాడు. 224 బంతులు ఎదుర్కొన్న అత‌డు 11 ఫోర్లు, 1 సిక్స్ సాయంతో 118 ప‌రుగులు చేశాడు. దీంతో అత‌డిపై ప్ర‌శంస‌ల వ‌ర్షం కురుస్తోంది. అయితే.. క‌మ్రాన్ గులామ్ కు సంబంధించిన ఓ పాత వీడియో ప్ర‌స్తుతం సోష‌ల్ మీడియాలో వైరల్ అవుతోంది. ఆ వీడియోలో క‌మ్రాన్‌ను హ‌రీస్ రవూఫ్ చెంప దెబ్బ కొట్టాడు.
2022లో పాకిస్థాన్ సూప‌ర్ లీగ్‌లో ఈ ఘ‌ట‌న జ‌రిగింది. లాహోర్ క్వాలండర్స్ త‌రుపున హ‌రీస్ రవూఫ్, క‌మ్రాన్ గులామ్ లు క‌లిసి ఆడారు. ఓ మ్యాచ్‌లో రవూఫ్ బౌలింగ్ క‌మ్రాన్ ఓ క్యాచ్‌ను జార‌విడిచాడు. దీంతో రవూఫ్ అస‌హ‌నం వ్య‌క్తం చేశాడు.
PAK vs ENG : శ‌త‌కంతో చెల‌రేగిన క‌మ్రాన్ గులామ్.. బాబ‌ర్ ఆజం ఏమ‌న్నాడంటే..?
ఆ త‌రువాత హ‌రిస్ ఓ వికెట్ తీశాడు. వికెట్ తీసిన ఆనందంలో సెల‌బ్రేష‌న్స్ చేసుకున్నాడు. అత‌డిని అభినందించ‌డానికి వ‌చ్చిన క‌మ్రాన్ చెంప పై అప్ప‌టికే అత‌డిపై అస‌హ‌నంతో ఉన్న హ‌రీస్ రవూఫ్ గట్టిగా కొట్టాడు. ఈ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.
2020 దేశీయ సీజన్‌లో క‌మ్రాన్ గులామ్ 1249 ప‌రుగుల‌తో జాతీయ రికార్డును బ‌ద్ధ‌లు కొట్టాడు. చాన్నాళ్ల నిరీక్ష‌ణ త‌రుపున అత‌డికి జాతీయ జ‌ట్టులో చోటు ద‌క్కింది. పాక్ జ‌ట్టు 19 ప‌రుగుల‌కే 2 వికెట్లు కోల్పోయి క‌ష్టాల్లో ఉన్న స‌మ‌యంలో క్రీజులోకి అడుగుపెట్టిన అత‌డు అద్భుత సెంచ‌రీతో జ‌ట్టును ఆదుకున్నాడు.
SL vs WI : 5, 7, 4, 0, 14, 4, 20, 1, 7, 16, 5.. వెస్టిండీస్ ఫోన్ నంబ‌ర్ ఇదా!
సాయిమ్ అయూబ్ (77)తో క‌లిసి మూడో వికెట్ 149 ప‌రుగుల భారీ భాగ‌స్వామ్యాన్ని నెల‌కొల్పాడు. ఆ త‌రువాత రిజ్వాన్‌తో క‌లిసి ఐదో వికెట్‌కు 65 ప‌రుగులు జోడించాడు. కాగా.. అరంగ్రేటం టెస్టులో శ‌త‌కం సాధించిన 13వ పాకిస్థాన్ బ్యాట‌ర్‌గా రికార్డుల్లోకి ఎక్కాడు క‌మ్రాన్ గులామ్.
Time when Harris Rauf Slapped Kamran Ghulam in PSL pic.twitter.com/U3Y9N7rKT9
— Shah (@ipagshah00) October 15, 2024
