Learn Kannada With Jalebi : రాయల్ ఛాలెంజర్స్ బెంగళూరు (RCB) అభిమానులకు వారి స్థానిక భాష కన్నడను నేర్పించడానికి ఒక ప్రత్యేకమైన చొరవతో ముందుకు వచ్చింది. తీపి వంటకం జిలేబిని ఉపయోగించి కన్నడ నేర్పించేందుకు ప్లాన్ చేసింది. తమ సోషల్ మీడియా ఛానెల్‌ ద్వారా అభిమానులతో ఈ వార్తను పంచుకుంది ఆర్సీబీ. దేశవ్యాప్తంగా ఉన్న ప్రజలు సాధ్యమైనంత మధురమైన రీతిలో భాషను నేర్చుకోవాలని ఆహ్వానించింది.
కన్నడ పదాల ఆకారంలో ప్రత్యేకంగా రూపొందించిన జిలేబిలతో “భాషను రుచి చూడమని” ఆహ్వానిస్తోంది. ఈ పరిమిత ఎడిషన్ కన్నడ జిలేబిలు ఏప్రిల్ 8 నుండి 11 వరకు బెంగళూరులోని RCB బార్ కేఫ్‌లో ప్రత్యేకంగా అందుబాటులో ఉంటాయి.
అభిమానులు జిలేబీ ప్యాక్‌ని స్కాన్ చేసి RCB యూట్యూబ్ ఛానెల్‌లో ప్రారంభకులకు అనుకూలమైన కన్నడ పాఠాల శ్రేణిని అన్‌లాక్ చేయవచ్చు, ఇందులో విరాట్ కోహ్లీ, టిమ్ డేవిడ్, యష్ దయాల్ వంటి RCB స్టార్లు ఉన్నారు. RCB 1000 మంది అభిమానుల కోసం ఉచిత కన్నడ అభ్యాస సెషన్‌లను కూడా స్పాన్సర్ చేస్తోంది. వీటిని వారు తీసుకెళ్లవచ్చు లేదా నాన్ బెంగళూరుకు ఫ్రెండ్స్ కి బహుమతిగా ఇవ్వవచ్చు. RCB స్పాన్సర్ చేసిన కన్నడ పాఠాలను గెలవడానికి అభిమానులు “జిలేబి కోడి” jilebikodi@gmail.com కు ఈమెయిల్ చేయవచ్చు.
Also Read : చెన్నై సూపర్ కింగ్స్ జట్టులోకి పృథ్వీ షా..? ఈ ముగ్గురిలో రుతురాజ్ ప్లేస్‌ను రీప్లేస్ చేసేదెవరు..
ప్రస్తుత సీజన్‌లో ఆర్సీబీ జోరు మీద ఉంది. ఇప్పటివరకు ఆడిన నాలుగు మ్యాచుల్లో మూడింటిలో గెలిచింది. కోల్‌కతా నైట్ రైడర్స్ (కెకెఆర్)పై ఏడు వికెట్ల విజయంతో గెలిచి బోణీ కొట్టారు. ఆ తర్వాత 17 సంవత్సరాల తర్వాత వారి సొంత మైదానం ఎంఏ చిదంబరం స్టేడియంలో చెన్నై సూపర్ కింగ్స్ ను ఓడించారు.
ఈ సీజన్‌లో గుజరాత్ టైటాన్స్ (GT) చేతిలో తొలి ఓటమిని చవిచూశారు. ఇది బెంగళూరులోని చిన్నస్వామి స్టేడియంలో వారి తొలి స్వదేశీ మ్యాచ్ కూడా. ఆ తర్వాత ముంబై ఇండియన్స్‌పై 12 పరుగుల తేడాతో విజయం సాధించి పుంజుకున్నారు. పదేళ్ల తర్వాత ముంబైలోని వాంఖడే స్టేడియంలో ఆర్సీబీకి ఇదే మొదటి విజయం.
కొత్త కెప్టెన్ రజత్ పాటిదార్ నాయకత్వంలో ఒక యూనిట్‌గా ఆర్బీసీ మంచి ప్రదర్శన ఇస్తోంది. ప్రతి ఒక్కరూ విజయంలో తమ పాత్రను పోషించారు. ఇది 18వ సీజన్. ఆర్సీబీ జెర్సీ నెంబర్ 18 విరాట్ కోహ్లీ. దీంతో ఈ సీజన్ ను ఆర్బీసీ లక్కీగా భావిస్తోంది. ఈసారైనా బెంగళూరు జట్టు కప్ కొట్టాలని అభిమానులు కోరుకుంటున్నారు.
