Shoaib Malik : షోయబ్ మాలిక్ పై మ్యాచ్ ఫిక్సింగ్ ఆరోపణలు.. కాంట్రాక్ట్ రద్దు..!
పాకిస్తాన్ సీనియర్ ఆటగాడు షోయబ్ మాలిక్కు గట్టి ఎదురుదెబ్బ తగిలింది.
![Shoaib Malik : షోయబ్ మాలిక్ పై మ్యాచ్ ఫిక్సింగ్ ఆరోపణలు.. కాంట్రాక్ట్ రద్దు..! Shoaib Malik : షోయబ్ మాలిక్ పై మ్యాచ్ ఫిక్సింగ్ ఆరోపణలు.. కాంట్రాక్ట్ రద్దు..!](https://10tv.in/wp-content/uploads/2024/01/New-Project-28-5.jpg)
Shoaib Malik BPL Contract Terminated Over Match-Fixing Claims
Shoaib Malik match fixing : పాకిస్తాన్ సీనియర్ ఆటగాడు షోయబ్ మాలిక్కు గట్టి ఎదురుదెబ్బ తగిలింది. బంగ్లాదేశ్ ప్రీమియర్ లీగ్(బీపీఎల్)లో ఆడుతున్న షోయబ్ పై ఫిక్సింగ్ ఆరోపణలు వచ్చాయి. దీంతో అతడు ప్రాతినిధ్యం వహిస్తున్న ఫ్రాంచైజీ అతడి కాంట్రాక్టును రద్దు చేసింది. కాగా.. ఇప్పటికే మాలిక్ వ్యక్తిగత కారణంలో స్వదేశానికి రాగా ఇప్పుడు అతడికి ఊహించని షాక్ తగిలింది.
ఏం జరిగిందంటే..?
బంగ్లాదేశ్ ప్రీమియర్ లీగ్ 2024 సీజన్లో షోయబ్ మాలిక్ ఫార్చ్యూన్ బరిషాల్ కు ప్రాతినిధ్యం వహిస్తున్నాడు. జనవరి 22న సోమవారం ఫార్చూన్ బరిషల్, ఖుల్నా టైగర్స్ మధ్య మ్యాచ్ జరిగింది. ఈ మ్యాచ్లో ఖుల్నా టైగర్స్ లక్ష్యాన్ని ఛేదిస్తున్న క్రమంలో ఇన్నింగ్స్ నాలుగో ఓవర్ను షోయబ్ వేశాడు. ఈ ఓవర్లో అతడు వరుసగా మూడు నోబాల్స్ వేశాడు. దీంతో ఈ ఓవర్లో 18 పరుగులు వచ్చాయి.
Sania Mirza : విడాకుల తరువాత సానియా మీర్జా మొదటి పోస్ట్.. ఏమన్నదంటే..?
సాధారణంగా స్పిన్నర్లు నోబాల్స్ అనేవి చాలా అరుదుగా వేస్తుంటారు. అలాందిటి షోయబ్ ఒకే ఓవర్లో మూడు నోబాల్స్ వేయడం అనేది అనేక అనుమానాలకు తావు ఇచ్చింది. దీంతో అతడిపై అభిమానులు నెట్టింట మండిపడుతున్నారు. బంగ్లాదేశ్ స్పోర్ట్స్ జర్నలిస్ట్ సయ్యద్ సమీ, ఫార్చ్యూన్ బరిషల్ జట్టు యజమాని మిజానూర్ రెహ్మాన్ను ఉటంకిస్తూ.. “ఫిక్సింగ్” అనుమానంతో ఫ్రాంచైజీ షోయబ్ మాలిక్ ఒప్పందాన్ని రద్దు చేసిందని పేర్కొన్నారు.
కాగా.. ఈ మ్యాచ్ అనంతరం ఇక పై బంగ్లాదేశ్ ప్రీమియర్ లీగ్లో ఆడకూడదని పాకిస్థాన్ మాజీ కెప్టెన్ నిర్ణయించుకున్నాడు. ఈ విషయాన్ని ఫ్రాంఛైజీ గురువారం ధృవీకరించింది. వ్యక్తిగత కారణాల వల్ల మాలిక్ దుబాయ్ వెళ్లాడని మిగిలిన మ్యాచులకు అందుబాటులో ఉండడని ఫార్చ్యూన్ బరిషల్ అధికారిక ప్రకటనలో తెలిపింది. అనంతరం అతడిపై వేటు వేసింది. అతని స్థానంలో అహ్మద్ షెహజాద్ని ఫ్రాంచైజీ తీసుకుంది.
🚨 BREAKING: Fortune Barisal has terminated the contract of Shoaib Malik on the suspicion of “fixing”. During a recent match, Malik, who is a spinner, bowled three no balls in one over. Mizanur Rahman, the team owner of Fortune Barishal, has confirmed the news. #BPL2024 pic.twitter.com/wOh6yE6hoT
— Syed Sami (@MrSyedSami) January 26, 2024