Airtel IPL Offer : ఎయిర్టెల్ బంపర్ ఆఫర్.. క్రికెట్ ప్రియుల కోసం అద్భుతమైన ప్లాన్.. IPL మ్యాచ్‌లను లైవ్‌లోనే చూడొచ్చు!
Airtel IPL Offer : క్రికెట్ ఫ్యాన్స్ కోసం ఎయిర్టెల్ సరికొత్త ప్లాన్ అందిస్తోంది. ఈ రీఛార్జ్ ప్లాన్ ద్వారా హాట్‌స్టార్ సబ్‌స్ర్కిప్షన్ ఉచితంగా పొందవచ్చు. సరసమైన ధరలో మరెన్నో డేటా, OTT బెనిఫిట్స్ కూడా ఉన్నాయి.
- Published By: 10TV Digital Team ,Published On : March 23, 2025 / 11:23 AM IST
Airtel IPL Offer
Airtel IPL Offer : ఐపీఎల్ ప్రియుల కోసం దేశీయ రెండో అతిపెద్ద టెలికాం ప్రొవైడర్ ఎయిర్టెల్ అద్భుతమైన రీఛార్జ్ ప్లాన్ తీసుకొచ్చింది. IPL 2025 కన్నా ముందే రూ.301 రీఛార్జ్ ప్లాన్‌ను ప్రవేశపెట్టింది.
ఎయిర్టెల్ తమ కస్టమర్ల అవసరాలను తీర్చడానికి ఎప్పటికప్పుడూ సరికొత్త రీఛార్జ్ ప్లాన్‌లను ప్రవేశపెడుతుంది. ఈ లేటెస్ట్ రూ. 301 ప్లాన్ ద్వారా అన్‌లిమిటెడ్ కాల్స్, డేటా, SMS, ఫ్రీగా OTT సబ్‌స్క్రిప్షన్‌ను పొందవచ్చు. క్రికెట్ ప్రియులకు అద్భుతమైన ప్లాన్ అని చెప్పవచ్చు.
ఎయిర్టెల్ రూ.301 ప్లాన్ :
ఐపీఎల్ అభిమానుల కోసం ఎయిర్టెల్ సరికొత్త రూ. 301 ప్రీపెయిడ్ ప్లాన్ ప్రత్యేకంగా అందిస్తోంది. డేటా, కాలింగ్, ఎంటర్‌టైన్మెంట్ బెనిఫిట్స్ అందిస్తుంది.
అన్‌లిమిటెడ్ కాలింగ్ : భారత్ అంతటా ఏ నెట్‌వర్క్‌కైనా ఫ్రీ కాల్స్ చేయండి.
వ్యాలిడిటీ : రోజువారీ ఫ్రీ SMS బెనిఫిట్స్
రోజుకు 1GB డేటా : 28 రోజుల పాటు మొత్తం 28GB డేటా.
డిస్నీ+ హాట్‌స్టార్ సబ్‌స్క్రిప్షన్ : IPL 2025, ఇతర ఎంటర్‌టైన్మెంట్ కంటెంట్‌ 3 నెలల పాటు ఫ్రీ యాక్సెస్‌
ఫ్రీ హాట్‌స్టార్ సబ్‌స్క్రిప్షన్‌తో ఐపీఎల్ మ్యాచ్‌లను లైవ్‌లోనే చూడొచ్చు.
ఐపీఎల్ అభిమానులను దృష్టిలో ఉంచుకుని ఎయిర్టెల్ ఈ ప్లాన్‌ను రూపొందించింది. ఈ ప్లాన్‌లో డిస్నీ ప్లస్ హాట్‌స్టార్ సబ్‌స్క్రిప్షన్ ఉచితంగా అందిస్తోంది. దీని కోసం ఎయిర్టెల్ యూజర్లు ఎలాంటి అదనపు ఛార్జీలు చెల్లించాల్సిన పనిలేదు. అన్ని IPL మ్యాచ్‌లను లైవ్‌లోనే చూడొచ్చు. ఈ రీఛార్జ్ ప్లాన్ వ్యాలిడిటీ 28 రోజులు ఉండగా, హాట్‌స్టార్ సబ్‌స్క్రిప్షన్ 3 నెలల పాటు యాక్సస్ చేయొచ్చు.
ఎయిర్టెల్ ఇతర ప్లాన్లు ఇవే :
ఇటీవలే ఎయిర్టెల్ బడ్జెట్ ఫ్రెండ్లీ డేటా, కాలింగ్ బెనిఫిట్స్‌తో రూ.100, రూ.195 ప్రీపెయిడ్ ప్లాన్‌లను ప్రవేశపెట్టింది. అయితే, రూ.301 ప్లాన్ రోజువారీ డేటా, అన్‌లిమిటెడ్ కాలింగ్‌తో పాటు OTT సబ్‌స్క్రిప్షన్‌ను కూడా అందిస్తుంది.
ఎయిర్టెల్ రూ. 301 ప్లాన్ బెనిఫిట్స్ ఏంటి? :
నెలవారీ ప్రీపెయిడ్ ప్లాన్ కోరుకునే యూజర్లకు ఈ ప్లాన్ బెటర్.. OTT బెనిఫిట్స్ కూడా ఉన్నాయి. ఈ ప్లాన్ రోజువారీ డేటాను అందిస్తుంది. క్రికెట్ ప్రియులు IPL 2025 లైవ్ స్ట్రీమింగ్‌ను మిస్ కాకుండా చూడవచ్చు.
