OnePlus 13 Price Cut : అమెజాన్ ఫెస్టివల్ సేల్ ఆఫర్లు.. వన్‌ప్లస్ 13పై ఏకంగా రూ. 10వేలు డిస్కౌంట్.. ఇలాంటి డీల్ అసలు వదులుకోవద్దు..!

OnePlus 13 Price cut : కొత్త వన్‌ప్లస్ ఫోన్ కోసం చూస్తున్నారా? అమెజాన్ గ్రేట్ ఇండియన్ ఫెస్టివల్ 2025 అధికారికంగా ప్రారంభమైంది. ముందుగా ప్రైమ్ సభ్యులకు ఈ సేల్ అందుబాటులోకి వచ్చింది. ఇతర వినియోగదారులు సెప్టెంబర్ 23 నుంచి షాపింగ్ చేయొచ్చు.

ఈ ఏడాదిలో సేల్ స్మార్ట్‌టీవీలు, ల్యాప్‌టాప్‌ల నుంచి టాబ్లెట్‌లు, గేమింగ్, హెడ్‌ఫోన్‌ల వరకు అన్ని గాడ్జెట్లపై భారీ తగ్గింపులను అందిస్తోంది. వన్‌ప్లస్ 13 కూడా భారీ తగ్గింపు ధరతో లభ్యమవుతుంది. లాంచ్ ధర నుంచి అతి తక్కువ ధరకే కొనుగోలు చేయొచ్చు. ఇంతకీ ఈ డీల్ ఎలా పొందాలో ఇప్పుడు చూద్దాం..

వన్‌ప్లస్ 13 ధర తగ్గింపు : గత జనవరిలో వన్‌ప్లస్ 13 లాంచ్ అయింది. అయితే, ఇప్పుడు ఈ సేల్ సమయంలో వన్‌ప్లస్ 13 ఫోన్ భారీ ధర తగ్గింపుతో లభిస్తోంది. 12GB ర్యామ్ + 256GB స్టోరేజ్ వేరియంట్ అసలు ధర రూ.69,999గా ఉంటే.. ఇప్పుడు కేవలం రూ.61,999కే అందుబాటులో ఉంది.

అంతేకాకుండా, అమెజాన్ ఐసీఐసీఐ క్రెడిట్ కార్డ్‌తో కొనుగోలుదారులు రూ.2,792 అదనపు డిస్కౌంట్ పొందవచ్చు. ప్రస్తుత ధర రూ.59,207కి తగ్గుతుంది. అంటే మొత్తం రూ.10,792 ఆదా చేయొచ్చు. మీ పాత స్మార్ట్‌ఫోన్‌ ఎక్స్ఛేంజ్ చేసుకుంటే ధరపై మరింత తగ్గింపు పొందవచ్చు.

వన్‌ప్లస్ 13 స్పెసిఫికేషన్లు, ఫీచర్లు : వన్‌ప్లస్ 13 ఫోన్ 6.82-అంగుళాల LTPO 4.1 అమోల్డ్ డిస్‌ప్లే, 120Hz రిఫ్రెష్ రేట్, 4500 నిట్స్ పీక్ బ్రైట్‌నెస్‌తో అందిస్తుంది. హుడ్ కింద, అడ్రినో 830 జీపీయూతో క్వాల్‌కామ్ స్నాప్‌డ్రాగన్ 8 ఎలైట్ ప్రాసెసర్‌పై రన్ అవుతుంది. మీరు గేమింగ్ చేస్తున్నా లేదా మల్టీ టాస్కింగ్ చేస్తున్నా అద్భుతమైన పర్ఫార్మెన్స్ అందిస్తుంది.

కెమెరాల విషయానికొస్తే.. ఈ వన్‌ప్లస్ ట్రిపుల్ రియర్ సెటప్‌ కలిగి ఉంది. OISతో 50MP ప్రైమరీ కెమెరా, 50MP పెరిస్కోప్ టెలిఫోటో లెన్స్, 120-డిగ్రీల ఫీల్డ్ ఆఫ్ వ్యూతో 50MP అల్ట్రా-వైడ్ లెన్స్ కలిగి ఉంది. సెల్ఫీలు, వీడియో కాల్స్ కోసం 32MP ఫ్రంట్ కెమెరా ఉంది. 100W వైర్డు ఫాస్ట్ ఛార్జింగ్‌కు సపోర్టుతో 6000mAh బ్యాటరీ కలిగి ఉంది.