Best Gaming Mobile Phones : ఈ నెలలో రూ. 20వేల లోపు ధరలో బెస్ట్ గేమింగ్ మొబైల్ ఫోన్లు.. ఇప్పుడే కొనేసుకోండి!
డిసెంబర్ 2024లో రూ. 20వేల లోపు కొనుగోలు చేసేందుకు బెస్ట్ గేమింగ్ మొబైల్ ఫోన్లు అందుబాటులో ఉన్నాయి. బెస్ట్ గేమింగ్-సెంట్రిక్ స్మార్ట్‌ఫోన్‌ల జాబితాను ఓసారి లుక్కేయండి.
- Published By: 10TV Digital Team ,Published On : December 8, 2024 / 07:01 PM IST
Best Gaming Mobile Phones
Best Gaming Mobile Phones 2024 : కొత్త స్మార్ట్‌ఫోన్ కొంటున్నారా? ఈ డిసెంబర్ 2024లో రూ. 20వేల లోపు కొనుగోలు చేసేందుకు బెస్ట్ గేమింగ్ మొబైల్ ఫోన్లు అందుబాటులో ఉన్నాయి. చాలా మంది స్మార్ట్‌ఫోన్ తయారీదారులు తమ ఫోన్లలో అసమానమైన గేమింగ్ పర్ఫార్మెన్స్ ఫీచర్లను అందిస్తున్నాయి.
ఈ ఫోన్లలో వినియోగదారులు తమ అవసరాలకు సరిపోయే ఫోన్‌ను ఎంచుకోవడం కష్టంగా ఉంటుంది. ఈ గందరగోళాన్ని తగ్గించేందుకు రూ. 20వేల కన్నా తక్కువ బడ్జెట్‌లో కొనుగోలు చేయొచ్చు. బెస్ట్ గేమింగ్-సెంట్రిక్ స్మార్ట్‌ఫోన్‌ల జాబితాను ఓసారి లుక్కేయండి.
రూ. 20వేల లోపు బెస్ట్ గేమింగ్ ఫోన్లు :
1) పోకో X6 ప్రో ఫోన్ :
ఫ్లిప్‌కార్ట్‌లో పోకో ఎక్స్6 ప్రో ధర రూ. 21,499 అయితే, బ్యాంక్ డిస్కౌంట్‌లతో ఫోన్‌ను రూ. 20వేల లోపు కొనుగోలు చేయవచ్చు. పోకో X6 ప్రో 120Hz రిఫ్రెష్ రేట్, 1800 నిట్స్ గరిష్ట ప్రకాశంతో 6.67-అంగుళాల అమోల్డ్ డిస్‌ప్లేను కలిగి ఉంది. డిమాండ్ గ్రాఫిక్స్ టాస్క్‌లకు మీడియాటెక్ డైమెన్సిటీ 8300 అల్ట్రా ఎస్ఓసీతో పాటు మాలి-జీ615 జీపీయూతో రన్ అవుతుంది.
ఫోటోగ్రఫీ విషయానికి వస్తే.. పోకో X6 ప్రో 64ఎంపీ ప్రైమరీ కెమెరాతో ఆప్టికల్ ఇమేజ్ స్టెబిలైజేషన్ (OIS)ని కలిగి ఉంది. 8ఎంపీ అల్ట్రా-వైడ్ లెన్స్, 2ఎంపీ మాక్రో లెన్స్‌తో ఇంటిగ్రేట్ అయింది. సెల్ఫీలు, వీడియో కాల్స్ కోసం 16ఎంపీ ఫ్రంట్ కెమెరాను కూడా కలిగి ఉంది.
ఈ ఫోన్ 67W ఫాస్ట్ ఛార్జింగ్‌కు సపోర్టుతో 5,000mAh బ్యాటరీతో పవర్ పొందుతుంది. షావోమీ హైపర్ఓఎస్ ఓవర్‌లేతో సరికొత్త ఆండ్రాయిడ్ 14 ఓఎస్‌లో రన్ అవుతుంది. ఐపీ54 రేటింగ్, ఇన్-డిస్ప్లే ఫింగర్‌ప్రింట్ సెన్సార్, ఐఆర్ బ్లాస్టర్‌తో వస్తుంది.
2) ఐక్యూ Z9 ఫోన్ :
ఐక్యూ Z9 ఫోన్ మీడియాటెక్ డైమెన్సిటీ 7200 ఆక్టా-కోర్ ప్రాసెసర్‌తో ఆధారితమైనది. 120Hz రిఫ్రెష్ రేట్‌తో 6.67-అంగుళాల అమోల్డ్ డిస్‌ప్లేను కలిగి ఉంది. పవర్‌ఫుల్ కలర్స్, ఫ్లూయిడ్ విజువల్స్‌ను అందిస్తుంది. బ్యాక్ కెమెరా సెటప్‌లో 2ఎంపీ సెకండరీ సెన్సార్‌తో 50ఎంపీ ప్రైమరీ సెన్సార్ ఉంటుంది.
అయితే, ఫ్రంట్ సైడ్ షార్ప్ సెల్ఫీలకు 16ఎంపీ కెమెరా ఉంది. 8జీబీ ర్యామ్, 128జీబీ ఇంటర్నల్ స్టోరేజీతో యాప్‌లు, మీడియా కోసం తగినంత స్టోరేజీని అందిస్తుంది. 5000mAh బ్యాటరీ 44డబ్ల్యూ ఫాస్ట్ ఛార్జింగ్‌కు సపోర్టు ఇస్తుంది. ఈ ఫోన్ ఆండ్రాయిడ్ వి14లో రన్ అవుతుంది. డ్యూయల్ 5జీ సిమ్ కార్డ్‌లను కూడా సపోర్ట్ చేస్తుంది.
3) రియల్‌మి నార్జో 70 టర్బో :
రియల్‌మి నార్జో 70 టర్భో 6.67-అంగుళాల ఫుల్ హెచ్‌డీ+ అమోల్డ్ డిస్‌ప్లేను 120Hz రిఫ్రెష్ రేట్, 2,000 నిట్స్ గరిష్ట ప్రకాశంతో కలిగి ఉంది. మీడియాటెక్ డైమెన్సిటీ 7300 ప్రాసెసర్‌తో పనిచేస్తుంది. మాలి జీ615 ఎంసీ2 జీపీయూతో వస్తుంది. ఎల్‌పీడీడీఆర్4ఎక్స్ ర్యామ్ యూఎఫ్ఎస్ 3.1 స్టోరేజ్‌తో వస్తుంది.
ఆప్టిక్స్ విషయానికి వస్తే.. 50ఎంపీ ప్రైమరీ సెన్సార్, 2ఎంపీ పోర్ట్రెయిట్ లెన్స్‌తో బ్యాక్ సైడ్ డ్యూయల్ కెమెరా సెటప్ ఉంది. ఫ్రంట్ సైడ్ 16ఎంపీ సెల్ఫీ షూటర్ ఉంది. ఈ ఫోన్ 5,000ఎంఎహెచ్ బ్యాటరీతో 45డబ్ల్యూ ఫాస్ట్ ఛార్జింగ్‌కు సపోర్టు ఇస్తుంది.
4) వన్‌ప్లస్ నార్డ్ సీఈ 4 లైట్ :
వన్‌ప్లస్ నార్డ్ సీఈ 4 లైట్ 5జీ ఫోన్ 1,080 x 2,400 పిక్సెల్ రిజల్యూషన్‌తో 6.67-అంగుళాల ఫుల్-హెచ్‌డీ+ అమోల్డ్ స్క్రీన్, 120Hz వరకు రిఫ్రెష్ రేట్, 2,100నిట్స్ గరిష్ట ప్రకాశం, 20:9 నిష్పత్తిని కలిగి ఉంది. క్వాల్‌కామ్ స్నాప్‌డ్రాగన్ 695 చిప్‌సెట్‌తో ఆధారితమైనది. అడ్రినో 619 జీపీయూ, 8జీబీ ఎల్‌పీడీడీఆర్4ఎక్స్ ర్యామ్, 256జీబీ వరకు యూఎఫ్ఎస్ 2.2 ఇంటర్నల్ స్టోరేజీతో వస్తుంది. ఈ స్మార్ట్‌ఫోన్ ఆండ్రాయిడ్ 14 ఆధారంగా ఆక్సిజన్‌ఓఎస్ 14పై పనిచేస్తుంది.
కెమెరా సామర్థ్యాల పరంగా, ఫోన్ 50ఎంపీ సోనీ ఎల్‌వైటీ-600 ప్రైమరీ సెన్సార్‌తో ఆప్టికల్ ఇమేజ్ స్టెబిలైజేషన్ (OIS), 2ఎంపీ డెప్త్ సెన్సార్‌తో కూడిన డ్యూయల్ రియర్ కెమెరా సెటప్‌ను కలిగి ఉంది. ఫ్రంట్ కెమెరా ఎలక్ట్రానిక్ ఇమేజ్ స్టెబిలైజేషన్ (EIS) సపోర్టుతో 16ఎంపీ సెన్సార్‌తో వస్తుంది.
నార్డ్ సీఈ 4 లైట్ 5జీ 5,500mAh బ్యాటరీ 80డబ్ల్యూ వైర్డ్ సూపర్‌వూక్ ఫాస్ట్ ఛార్జింగ్, 5డబ్ల్యూ రివర్స్ ఛార్జింగ్‌కు సపోర్టు ఇస్తుంది. కనెక్టివిటీ ఆప్షన్లలో 5జీ, వై-ఫై 5, జీపీఎస్, బ్లూటూత్ 5.1, యూఎస్‌బీ టైప్-సి ఉన్నాయి. అదనంగా, ఫోన్ డస్ట్, స్ప్లాష్ రెసిస్టెన్స్ కోసం ఐపీ54-రేట్ అయింది. ఇన్-డిస్ప్లే ఫింగర్ ప్రింట్ స్కానర్, 3.5ఎమ్ఎమ్ ఆడియో జాక్‌ను కలిగి ఉంటుంది.
