Ayushman Card : ఆయుష్మాన్ కార్డ్ కావాలా? ఏయే డాక్యుమెంట్లు అవసరం? ఇంట్లో నుంచే ఇలా అప్లయ్ చేయొచ్చు.. స్టెప్ బై స్టెప్ ప్రాసెస్..!
Ayushman Card : ఆయుష్మాన్ కార్డ్ కోసం దరఖాస్తు చేస్తున్నారా? ఇంట్లో నుంచే సులభంగా అప్లయ్ చేసుకోవచ్చు. ఏయే డాక్యుమెంట్లు అవసరం? ప్రాసెస్ ఏంటి పూర్తి వివరాలను ఇప్పుడు వివరంగా తెలుసుకుందాం.
- Published By: 10TV Digital Team ,Published On : April 3, 2025 / 10:33 PM IST
Ayushman Card
Ayushman Card : ఆయుష్మాన్ కార్డ్ కోసం అప్లయ్ చేసుకున్నారా? లేదంటే.. ఇప్పుడే అప్లయ్ చేసుకోండి. ఆర్థికంగా బలహీనంగా ఉన్న పౌరుల కోసం కేంద్ర ప్రభుత్వం ఆయుష్మాన్ కార్డ్ పథకాన్ని ప్రారంభించింది. ఈ పథకం కింద అర్హులైన వారికి లక్షల రూపాయల విలువైన ఉచిత ఆరోగ్య ప్రయోజనాలను అందిస్తోంది.
ఇప్పటివరకు, 30 కోట్లకు పైగా పౌరులు ఆయుష్మాన్ కార్డులను పొందారు. మీరు కూడా ఈ పథకం నుంచి ప్రయోజనం పొందాలనుకుంటే.. ఇదే సరైన సమయం. మీరు ఆయుష్మాన్ కార్డు కోసం ఆన్‌లైన్‌లో దరఖాస్తు చేసుకోవాలి. మీరు ఎక్కడికీ వెళ్లకుండా మీ మొబైల్ లేదా ల్యాప్‌టాప్ ఉపయోగించి ఇంటి నుంచి సులభంగా అప్లయ్ చేసుకోవచ్చు.
ఆయుష్మాన్ కార్డు ప్రయోజనాలివే :
కేంద్ర ప్రభుత్వం 2018లో పేదల కోసం ఆయుష్మాన్ భారత్ పథకాన్ని ప్రారంభించింది. ఈ పథకం కింద రూ.5లక్షల వరకు ఉచిత ఆరోగ్య బీమాను అందిస్తుంది. లబ్ధిదారులు ప్రతి సంవత్సరం రూ. 5 లక్షల విలువైన ఉచిత వైద్య చికిత్సను పొందుతారు. ఈ కార్డు ప్రతి ఏటా అప్‌డేట్ అవుతుంది.
మీరు ప్రతి సంవత్సరం ఈ పథకం ప్రయోజనాలను పొందవచ్చు. ఆయుష్మాన్ కార్డుతో మీరు పథకంలో భాగమైన అనేక ప్రైవేట్, ప్రభుత్వ ఆసుపత్రులలో ఉచితంగా చికిత్స పొందవచ్చు. అవసరమైన వారికి ఆరోగ్య సేవలను అందించడమే ఈ పథకం లక్ష్యం. మీరు ఈ ప్రయోజనాలను పొందాలనుకుంటే.. మీరు ఆయుష్మాన్ కార్డు కోసం ఆన్‌లైన్‌లో దరఖాస్తు చేసుకోవచ్చు.
ఆయుష్మాన్ కార్డుకు అర్హతలివే :
- మీకు ఈ అర్హతలు ఉంటే ఆయుష్మాన్ కార్డు కోసం దరఖాస్తు చేసుకోవచ్చు.
- మీరు భారత్‌లో శాశ్వత నివాసి అయి ఉండాలి.
- ఈ పథకం ప్రయోజనాలు BPL (దారిద్య్రరేఖకు దిగువన) లేదా ఆర్థికంగా బలహీన వర్గాల పౌరులకు వర్తిస్తాయి.
- సామాజిక-ఆర్థిక, కుల గణనలో చేర్చిన కుటుంబాలు అర్హులు.
- మీరు జాతీయ ఆహార భద్రతా చట్టం కింద అర్హులైతే దరఖాస్తు చేసుకోవచ్చు.
అవసరమైన డాక్యుమెంట్లు :
- ఆధార్ కార్డు
- రేషన్ కార్డు
- మొబైల్ నంబర్
- బ్యాంక్ పాస్‌బుక్
- పాస్‌పోర్ట్ సైజు ఫోటోగ్రాఫ్
మొబైల్ ద్వారా ఆయుష్మాన్ కార్డు కోసం ఎలా అప్లయ్ చేయాలంటే? :
- అధికారిక వెబ్‌సైట్‌ను విజిట్ చేయండి.
- అధికారిక ఆయుష్మాన్ భారత్ వెబ్‌సైట్‌కి వెళ్లి ‘Beneficiary Login’ ట్యాబ్‌పై క్లిక్ చేయండి.
- మొబైల్ వెరిఫికేషన్ చేయండి.
- మీ ఆధార్ కార్డుకు లింక్ చేసిన మీ మొబైల్ నంబర్‌ను ఎంటర్ చేయండి.
- మీకు పంపిన OTPని ఎంటర్ చేయడం ద్వారా వెరిఫై చేయండి.
- E-KYC పూర్తి చేయండి
- E-KYC ఆప్షన్ క్లిక్ చేసి, అథెంటికేషన్ ప్రక్రియను పూర్తి చేయండి.
- ఆ సభ్యుడిని ఎంచుకోండి
- ఆయుష్మాన్ కార్డ్ ఎవరి కోసం జనరేట్ చేయాలో ఎంచుకోండి.
- E-KYC ఐకాన్ మళ్ళీ క్లిక్ చేయండి. ఆపై లైవ్ ఫోటో లేదా అప్‌లోడ్ చేసేందుకు కెమెరా ఐకాన్ క్లిక్ చేయండి.
- దరఖాస్తు ఫారమ్ నింపండి
- దరఖాస్తు ఫారంలో అవసరమైన అన్ని వివరాలను జాగ్రత్తగా ఎంటర్ చేయండి.
- దరఖాస్తును సమర్పించండి.
- మీ దరఖాస్తు పూర్తి చేసేందుకు (Submit) బటన్‌పై క్లిక్ చేయండి.
అన్నీ సరిగ్గా ఉంటే.. మీ ఆయుష్మాన్ కార్డ్ 24 గంటల్లోపు అప్రూవల్ వస్తుంది. ఆ తర్వాత మీరు మీ మొబైల్ ఫోన్‌లో కార్డును డౌన్‌లోడ్ చేసుకోవచ్చు.
