Infosys Employees : వర్క్ ఫ్రమ్ ట్రెండ్ ముగిసింది.. ఇన్ఫోసిస్ ఉద్యోగులు వారానికి 3 రోజులు ఆఫీసుకు రావాల్సిందే..!

Infosys Employees : వర్క్ ఫ్రమ్ ట్రెండ్ ముగిసింది.. టెక్ కంపెనీలన్నీ ఆఫీసు మంత్రం జపిస్తున్నాయి. ఉద్యోగులందరూ తప్పనిసరిగా ఆఫీసుకు రావడాన్ని తప్పనిసరి చేస్తున్నాయి. ఇన్ఫోసిస్ కూడా తమ ఉద్యోగులను వారంలో 3 రోజులు ఆఫీసుకు రావాల్సిందేనని తెగేసి చెప్పేసింది.

Infosys employees will now be required to be in the office 3 days a week

Infosys Employees : ఐటీ కంపెనీలు వర్క్ ఫ్రమ్ హోం ఒక్కొక్కటిగా ఎత్తివేస్తున్నాయి. ఇప్పటికే చాలా కంపెనీలు తమ ఉద్యోగులను ఆఫీసుకు రావాల్సిందిగా తెగేసి చెప్పేశాయి. ఉద్యోగులను ఆఫీసుకు తిరిగి రప్పించేందుకు మరో టెక్ దిగ్గజం ఇన్ఫోసిస్ కూడా రెడీ అయింది. ఇన్ఫో ఉద్యోగులు వారంలో కనీసం 3 రోజులు ఆఫీసులో పనిచేయడాన్ని తప్పనిసరి చేయనుంది.

ఈ కొత్త విధానం అమలుకు సంబంధించి కంపెనీ తమ ఉద్యోగులకు ఇమెయిల్ పంపినట్టు తెలిసింది. అయితే, ఆఫీసుకు తిరిగి రావాల్సిన ఉద్యోగుల్లో వైద్య పరమైన సమస్యలు ఉన్న ఉద్యోగులకు మాత్రం మినహాయింపు ఇవ్వనున్నట్టు తెలిసింది. కోవిడ్ తర్వాత చాలా వరకు ఐటీ కంపెనీలు వర్క్ ఫ్రమ్ ట్రెండ్‌కు గుడ్‌బై చెప్పేశాయి.

జనవరి నుంచి ఆఫీసుకు రావడం తప్పనిసరి :
అప్పటినుంచి అనేక దిగ్గజ కంపెనీలు తమ ఉద్యోగులను తిరిగి ఆఫీసుకు రప్పించే ప్రయత్నాలు చేపట్టాయి. కానీ, కొన్ని కంపెనీల ఉద్యోగులు మాత్రం తిరిగి ఆఫీసుకు వచ్చేందుకు సమ్మతంగా లేరు. ఈ విషయంలో కంపెనీలు చేసిన ప్రయత్నాలు ఆశించిన స్థాయిలో ఫలించలేదు. హైబ్రిడ్ విధానాన్ని ఉల్లంఘించిన ఉద్యోగులను విప్రో కంపెనీ గట్టిగానే హెచ్చరించింది. అలాగే, ఇన్ఫోసిస్ కంపెనీ కూడా తమ ఉద్యోగులను జనవరి నుంచి వారానికి మూడు రోజులు ఆఫీసుకు రావాల్సిందిగా స్పష్టం చేసింది.

Read Also : 2023 Year-End Discounts : హోండా కార్లపై రూ. 1 లక్ష వరకు డిస్కౌంట్.. ఏ మోడల్ కారు ధర ఎంత తగ్గిందంటే?

ఎకనామిక్ టైమ్స్ నివేదిక ప్రకారం.. ఇన్ఫోసిస్ ఉద్యోగులు ఇప్పుడు వారానికి కనీసం మూడు రోజులు ఆఫీసు నుంచి పని చేయాల్సి ఉంటుంది. త్వరలో ఈ విధానం తప్పనిసరి కానుందని బెంగళూరుకు చెందిన కంపెనీ టాప్ మేనేజ్‌మెంట్ నుంచి వచ్చిన ఇమెయిల్ పేర్కొంది. మేనేజ్‌మెంట్ నుంచి పదేపదే కాల్స్ వచ్చిన తర్వాత ఈ విధానం తప్పనిసరి చేయాలని కంపెనీ నిర్ణయం తీసుకున్నట్టుగా తెలుస్తోంది.

ప్రతి నెల 9 రోజులు ఇంటి నుంచి పని చేయవచ్చు  :
కంపెనీ డెలివరీ యూనిట్లు (డియులు) తక్కువగా ఉపయోగించబడటం పట్ల యాజమాన్యం అసంతృప్తి వ్యక్తం చేసింది. క్లయింట్‌ల కోసం క్యాంపస్‌ల హౌసింగ్ ఆఫ్‌షోర్ డెవలప్‌మెంట్ సెంటర్‌లకు (ఒడిసిలు) వెంటనే హాజరు కావాలని పిలుపునిచ్చిందని నివేదిక తెలిపింది. అయితే, ఉద్యోగుల నుంచి ఆరోగ్య సంబంధిత అభ్యర్థనలను కేసుల వారీగా పరిగణలోకి తీసుకోనుంది. తప్పనిసరి హాజరుతో పాటు ఇన్పోసిస్ మరో ఇమెయిల్‌లో బస్సు సర్వీసులకు రుసుములను పునరుద్ధరించినట్లు ప్రకటించింది. నెలవారీ పరిమితి రూ. 1,500తో రోజుకు రూ.150గా నిర్ణయించింది.

Infosys employees office 3 days week

వచ్చే ఏడాది జనవరి 3 నుంచి అమలులోకి వస్తుంది. అదేవిధంగా, జనవరి 1, 2024 నుంచి హెల్త్ క్లబ్ సౌకర్యాలకు రోజువారీ ఛార్జీ రూ.100, నెలకు రూ. 700 వరకు ఉంటుంది. కోవిడ్-19 మహమ్మారికి ముందు.. అర్హత ఉన్న ఇన్ఫోసిస్ ఉద్యోగులు ప్రతి నెల 9 రోజులు ఇంటి నుంచి పని చేయవచ్చు. ఈ కొత్త ఆదేశం అమల్లోకి వస్తే.. 2020 ప్రారంభంలో కొవిడ్ లాక్‌డౌన్‌కు ముందు మాదిరిగా హాజరు విధానాన్ని అమల్లోకి తీసుకురానుంది.

పని వేళలపై నారాయణ మూర్తి ఏమన్నారంటే? :
అక్టోబర్‌లో, ఇన్ఫోసిస్ వ్యవస్థాపకుడు ఎన్ఆర్ నారాయణ మూర్తి భారత పని ఉత్పాదకతపై ఆందోళన వ్యక్తం చేశారు. ప్రపంచంలోనే ఇది చాలా అత్యల్పంగా ఉందన్నారు. దేశం అభివృద్ధి చెందుతున్న ఆర్థిక వ్యవస్థలతో పోటీ పడాలంటే యువకులు వారానికి కనీసం 70 గంటలు పని చేయాలని ఆయన అన్నారు.

ఏదో ఒకవిధంగా మన యువతకు పాశ్చాత్య దేశాల నుంచి అవాంఛనీయమైన అలవాట్లను తీసుకోవడం అలవాటు ఉందని, అది దేశానికి సాయపడదని అభిప్రాయపడ్డారు. భారతదేశం పని ఉత్పాదకత ప్రపంచంలోనే అత్యల్పంగా ఉందన్నారు. మూర్తి వ్యాఖ్యలు సోషల్ మీడియాలో విస్తృత చర్చకు దారితీసింది. కొన్ని రోజుల తరువాత, మైక్రోసాఫ్ట్ వ్యవస్థాపకుడు బిల్ గేట్స్ కూడా వారానికి 3 రోజుల పనిని సమర్ధించారు.

Read Also : Redmi 13C Sale Today : రెడ్‌మి 13సి ఫోన్ సేల్ మొదలైంది.. ఎక్కడ కొనాలి? లాంచ్ ఆఫర్ల వివరాలివే..!