iPhone 14 Series Price Cut : ఐఫోన్ 15 సిరీస్ రాగానే.. భారీగా తగ్గిన ఐఫోన్ 14, ఐఫోన్ 14 ప్లస్, ఐఫోన్ 13 ధరలు.. ఏ ఫోన్ ధర ఎంతంటే?
iPhone 14 Series Price Cut : కొత్త ఐఫోన్ కొంటున్నారా? ఆపిల్ వండర్‌లస్ట్ మెగా ఈవెంట్ సందర్భంగా ఐఫోన్ 15 సిరీస్ అనేక మోడళ్లను లాంచ్ చేసింది. ఇప్పుడు, ఐఫోన్ 14, ఐఫోన్ 14 ప్లస్, ఐఫోన్ 13 ధరలు భారీగా తగ్గాయి.
- Published By: 10TV Digital Team ,Published On : September 14, 2023 / 08:03 PM IST
iPhone 14, iPhone 14 Plus, and iPhone 13 Price in India Dropped After iPhone 15 Series Launch
iPhone 14 Series Price Cut : కొత్త ఐఫోన్ కొనేందుకు చూస్తున్నారా? ఆపిల్ వండర్‌లస్ట్ (Apple Wanderlust Event 2023) మెగా ఈవెంట్ సందర్భంగా కంపెనీ అనేక ప్రొడక్టులను లాంచ్ చేసింది. ప్రధానంగా ఐఫోన్ 15 సిరీస్ అనేక మోడళ్లను ప్రవేశపెట్టింది. ఇప్పుడు, ఐఫోన్ పాత మోడల్స్ ధరలు భారీగా తగ్గాయి. భారత మార్కెట్లో iPhone 14, iPhone 14 Plus, iPhone 13 ధరలు భారీగా తగ్గాయి. ప్రతి ఏడాదిలో ఆపిల్ లేటెస్ట్ మోడళ్లకు అనుగుణంగా పాత స్మార్ట్‌ఫోన్ మోడళ్ల ధరలను తగ్గిస్తుంది.
ఐఫోన్ 14 ప్రో మోడ్‌లతో పాటు ఐఫోన్ 12, ఐఫోన్ 13 మినీల విక్రయాన్ని కూడా కంపెనీ నిలిపివేసింది. రెండోది డిస్ప్లే నాచ్‌తో ఆపిల్ లాంచ్ చేసిన చివరి ‘కాంపాక్ట్’ ఐఫోన్ మోడల్‌గా చెప్పవచ్చు. భారత్‌లో ఐఫోన్ 14, ఐఫోన్ 14 ప్లస్, ఐఫోన్ 13 ధరలు ప్రస్తుతం ఆపిల్ ఆన్‌లైన్ స్టోర్‌లో తగ్గింపు ధరకు అందుబాటులో ఉన్నాయి. అయితే, కస్టమర్లు తమ రిటైల్ ధరను మరింత తగ్గించే డిస్కౌంట్లు, ఆఫర్‌ల కోసం అమెజాన్, ఫ్లిప్‌కార్ట్ వంటి ఇ-కామర్స్ వెబ్‌సైట్‌లలో ఈ హ్యాండ్‌సెట్‌ల లేటెస్ట్ ధరలను కూడా చెక్ చేసుకోవాలి.
భారత్‌లో ఐఫోన్ 14, ఐఫోన్ 14 ప్లస్, ఐఫోన్ 13 ధర ఎంతంటే? :
భారత మార్కెట్లో ఐఫోన్ 14 బేస్ 128GB స్టోరేజ్ మోడల్ ధర ఇప్పుడు రూ. 69,900గా ఉంది. అసలు ధర రూ. 79,900 నుంచి తగ్గింది. దేశంలో లాంచ్ చేసిన ఐఫోన్ 14 ప్లస్ ఇప్పుడు ఆపిల్ వెబ్‌సైట్ ద్వారా రూ. 89,900 నుంచి తగ్గి రూ. 79,900కి అందుబాటులో ఉన్నాయి. ఈ హ్యాండ్‌సెట్‌లు బ్లూ, మిడ్‌నైట్, పర్పుల్, స్టార్‌లైట్ (ప్రొడక్టు) రెడ్ కలర్ ఆప్షన్లలో అందుబాటులో ఉన్నాయి. ఆపిల్ కూడా ఐఫోన్ 14 సిరీస్ పాత స్మార్ట్‌ఫోన్‌లో ట్రేడింగ్‌పై రూ. 67,800 తగ్గింపు అందిస్తోంది.
iPhone 14 Series Price Cut : iPhone 14, iPhone 14 Plus, and iPhone 13 Price in India Dropped After iPhone 15 Series Launch
ఆపిల్ భారత మార్కెట్లో ఐఫోన్ 13 ధరను అసలు ధర రూ. 79,900 నుంచి రూ. 59,900కు తగ్గించింది. కంపెనీ గతేడాది హ్యాండ్‌సెట్ ధరను రూ. 69,900కు తగ్గించింది. ఈ ఐఫోన్ మోడల్ పింక్, బ్లూ, మిడ్‌నైట్, స్టార్‌లైట్ (ప్రొడక్టు) రెడ్ కలర్ ఆప్షన్లలో విక్రయించింది. కంపెనీ ప్రకారం.. వినియోగదారులు రెండేళ్ల ఐఫోన్ మోడల్‌పై అదే ట్రేడ్-ఇన్ డిస్కౌంట్‌లను పొందవచ్చు.
ఐఫోన్ 14, ఐఫోన్ 14 ప్లస్, ఐఫోన్ 13 స్పెసిఫికేషన్‌లు :
ఐఫోన్ 14, ఐఫోన్ రెండూ డాల్బీ విజన్‌తో 6.1-అంగుళాల సూపర్ రెటినా XDR OLED డిస్ప్లే, మెరుగైన ప్రొటెక్షన్ కోసం ఆపిల్ సిరామిక్ షీల్డ్ మెటీరియల్‌కు సపోర్టు అందిస్తాయి. రెండు ఫోన్‌లు IP68 డస్ట్, వాటర్ రెసిస్టెన్స్ రేటింగ్‌ను కలిగి ఉన్నాయి. ఐఫోన్ 14 ప్లస్ పెద్ద 6.7-అంగుళాల OLED డిస్‌ప్లేతో వచ్చాయి. ఐఫోన్ 14, ఐఫోన్ 13 మోడళ్లను 12MP డ్యూయల్ రియర్ కెమెరా సెటప్‌తో వైడ్ యాంగిల్ కెమెరా, అల్ట్రా-వైడ్ యాంగిల్ కెమెరాతో అమర్చింది. ఇందులో 3 హ్యాండ్‌సెట్‌లు సెల్ఫీలు, వీడియో చాట్‌లకు డిస్ప్లే నాచ్‌లో భాగమైన 12MP ట్రూడెప్త్ కెమెరాను కలిగి ఉన్నాయి.
ఇందులో ఐఫోన్ 3 స్మార్ట్‌ఫోన్‌లు ఆపిల్ A15 బయోనిక్ చిప్‌సెట్ ద్వారా ఆధారితమైనవి. అయితే, ఐఫోన్ 14, iPhone 14 ప్లస్‌లు 4-కోర్ GPUని కలిగిన గత వెర్షన మాదిరిగా కాకుండా 5-కోర్ GPUని కలిగి ఉన్నాయి. 3 మోడల్‌లు డిస్ప్లే నాచ్‌లో ఉన్న సెన్సార్‌ల రేంజ్ ఉపయోగించి బయోమెట్రిక్ అథెంటికేషన్ కోసం ఫేస్ ID సపోర్టును అందిస్తాయి.
