iPhone 15 Pro Max Sale : భారత్‌లో ఐఫోన్ 15 ప్రో మ్యాక్స్‌కు భారీ డిమాండ్.. అదనంగా రూ. 20వేలు వసూలు చేస్తున్న దుకాణదారులు!

iPhone 15 Pro Max Sale : కొత్త ఐఫోన్ 15 ప్రో మ్యాక్స్ కొనేందుకు చూస్తున్నారా? భారత మార్కెట్లో ఈ మోడల్ ఐఫోన్‌కు భారీ డిమాండ్ పెరిగింది. కొనుగోలుదారుల నుంచి రిటైలర్‌లు అదనంగా రూ.20వేలు వసూలు చేస్తున్నారు.

iPhone 15 Pro Max Sale : ఆపిల్ కొత్త ఐఫోన్ 15 సిరీస్ కొనేందుకు ప్లాన్ చేస్తున్నారా? అయితే, భారత మార్కెట్లో ఐఫోన్ 15 ప్రో మ్యాక్స్ (iPhone 15 Series) మోడల్ కొనడం కష్టమే. ఎందుకంటే.. అసలు ధర కన్నా ఎక్కువగా రిటైలర్లు కొనుగోలుదారుల నుంచి వసూలు చేస్తున్నారు. కనీసం రూ. 1.60 లక్షల ఖరీదైన ధర ఐఫోన్ 15 ప్రో మ్యాక్స్‌ను కొనుగోలు చేయొచ్చు. ఐఫోన్ 15 ప్రో మాక్స్‌ను ఉపయోగించిన మొదటి కొద్దిమందిలో ఉన్న క్రేజ్ కారణంగా ప్రారంభ స్టాక్‌లను దెబ్బతీసింది. ఈ క్రమంలోనే కొత్త ఐఫోన్ మోడల్‌కు ఊహించని డిమాండ్‌ పెరిగింది.

అధిక డిమాండ్‌తో స్టాక్ క్లోజ్ :
మీరు ప్రస్తుతం భారత మార్కెట్లో (iPhone 15 Pro Max)ని కొనుగోలు చేయాలనుకుంటే.. దుకాణదారులు కనీసం రూ. 20వేల వరకు ఎక్కువ వసూలు చేస్తే ఆశ్చర్యపోకండి. ఐఫోన్ 15 ప్రో మోడల్‌లు భారత్‌లో అసలు కన్నా ఎక్కువగా గ్రే మార్కెట్ ప్రీమియంతో విక్రయానికి అందుబాటులో ఉన్నాయి. సెప్టెంబర్ 22న లాంచ్ అయిన ఈ మోడల్‌లకు భారత్ అంతటా అధిక డిమాండ్ ఉంది. ముఖ్యంగా ఐఫోన్ 15 ప్రో మ్యాక్స్ మోడల్ అనేక ఆఫ్‌లైన్ ఆన్‌లైన్ రిటైలర్‌లలో ఇన్‌స్టంట్ డెలివరీకి స్టాక్ అంతా అయిపోయాయి.

Read Also : iPhone 15 Gift Scam : ఇలా చేశారంటే.. రూ. 79వేల విలువైన కొత్త ఐఫోన్ 15 గిఫ్ట్‌గా పొందవచ్చు.. టెంప్ట్ అయ్యారంటే.. అంతే..!

ఐఫోన్ మోడల్ బట్టి అధిక వసూళ్లు :
ఐఫోన్ 15 ప్రో, ఐఫోన్ 15 ప్రో మ్యాక్స్ ఒరిజినల్ ధర కన్నా ఎక్కువగా విక్రయిస్తున్నారు. రిటైలర్లు నేచురల్ టైటానియంలో టాప్-ఎండ్ ఐఫోన్ ప్రో మ్యాక్స్ 256GB వేరియంట్‌ను రూ. 1,59,900 (MRP) కన్నా సుమారు రూ. 20వేలకి విక్రయిస్తున్నారు. ఐఫోన్ 15 ప్రో ప్రీమియం ప్రో మాక్స్ మాదిరిగా అధికం కానప్పటికీ, రిటైలర్లు కావలసిన కలర్, స్టోరేజీ సామర్థ్యాన్ని బట్టి రూ. 5వేల నుంచి రూ. 10వేల వరకు వసూలు చేస్తున్నారు. న్యూఢిల్లీలోని కరోల్ బాగ్‌లోని రిటైలర్, టైటానియం బ్లూలో ఐఫోన్ 15 ప్రో 256GB ధర రూ. 1,51,000 ధరను కోట్ చేశారు. రూ. 1,44,900 లాంచ్ ధర కన్నా సరిగ్గా రూ. 6వేలు ఎక్కువగా ఉంటుంది.

ఎంఐ రోడ్‌లోని గణపతి ప్లాజాలోని రిటైలర్ ఐఫోన్ 15 ప్రో 256GBని బ్లూ టైటానియం అసలు మోడల్ ధర కన్నా రూ. 8వేలకు బహిరంగంగా వసూలు చేస్తున్నారు. ఐఫోన్ 15 ప్రో అంతర్జాతీయ స్టాక్‌లు భారతీయ ధరకు దాదాపు సమానమైన ధరలకు విక్రయిస్తున్నాయి. అంతర్జాతీయంగా ఐఫోన్ మోడల్‌లు భారతీయ స్టాక్ రెండింటినీ ఒరిజనల్ ధర కన్నా రూ. 28వేలకు విక్రయిస్తున్నారు. మహారాష్ట్రలోని థానేలో మరో రిటైలర్ ఐఫోన్ 15 ప్రో మ్యాక్స్ 1TB వేరియంట్‌ను రూ. 2,32,000, రూ. 32వేలు ఎంఆర్‌పీ కన్నా ఎక్కువగా విక్రయిస్తున్నట్లు తెలుస్తోంది.

విదేశాల్లో కన్నా భారత్‌లోనే ధర ఎక్కువ :
అమెరికా, యూఏఈ వంటి దేశాల్లో కన్నా భారత మార్కెట్లో ఐఫోన్ 15 ప్రో మోడల్‌లు చాలా ఖరీదైనవని గమనించాలి. ఉదాహరణకు, ఐఫోన్ 15 ప్రో మ్యాక్స్ ధర అమెరికాలో దాదాపు రూ. లక్ష కాగా, భారత్‌లో ఈ ఐఫోన్ ధర రూ. 1,59,900గా ఉంది. ధర వ్యత్యాసం దాదాపు రూ. 60వేలు వరకు ఉంటుంది.

అయినప్పటికీ, ఆఫ్‌లైన్ రిటైలర్‌లు విదేశాల నుంచి స్టాక్‌లను దిగుమతి చేసుకుంటున్నారు. భారతీయ ప్రత్యర్ధుల మాదిరిగానే దాదాపు అదే ధరకు విక్రయిస్తున్నారు. దాంతో ఐఫోన్ 15 ప్రో మోడల్‌ల కొరత ఏర్పడింది. ముఖ్యంగా ప్రధాన మెట్రోపాలిటన్ ప్రాంతాలలో ఐఫోన్లకు భారీ డిమాండ్ ఎక్కువ పెరిగింది.

Read Also : Elon Musk iPhone 15 : ఆపిల్ ఐఫోన్ 15పై మనసు పడ్డ మస్క్.. ఎలాగైనా ఐఫోన్ కొనేస్తాడట.. అసలు కారణం ఇదే..!