Reliance Jio and Disney Plus Hotstar ( Image Source : Google )
Jio Star Website : రిలయన్స్ జియో, వయాకామ్ 18, స్టార్ ఇండియా ప్రైవేట్ లిమిటెడ్ మధ్య విలీనం ఈ వారంలోనే ముగుస్తుంది. ఊహించినదానికన్నా ముందే భారత మార్కెట్లో రెండు పాపులర్ స్ట్రీమింగ్ సర్వీసులైన జియోసినిమా, డిస్నీ ప్లస్ హాట్‌స్టార్ సౌజన్యంతో కొత్త ఓటీటీ సర్వీసు అందుబాటులోకి వస్తోంది.
ఈ కొత్త ఓటీటీ సర్వీసుకు సంబంధించిన హోమ్ పేజీతో కొత్త వెబ్‌సైట్ కనిపించింది. ఏది ఏమైనప్పటికీ, గతంలో దాని కన్నా భిన్నమైన డొమైన్‌తో లైవ్ అయింది. జియోహాట్ స్టార్ డొమైన్ ఒక ఢిల్లీ డెవలపర్ కొనుగోలు చేసిన సంగతి తెలిసిందే. దాంతో ఇటీవలి వారాల్లో సోషల్ మీడియాలో చర్చకు దారితీసింది.
జియో స్టార్ ఓటీటీ ప్లాట్ఫారమ్ :
కొత్త ఓటీటీ ప్లాట్ఫారమ్ జియోస్టార్ పేరుతో వస్తుంది. డొమైన్ (jiostar.com)గా ఉంటుంది. నవంబర్ 14 నుంచి వినియోగదారులకు స్ట్రీమింగ్ సర్వీసులను అందించే అవకాశం ఉంది. విలీనం ప్రకటన తర్వాత వెబ్‌సైట్ ఇప్పటికే లైవ్‌లో ఉన్నప్పటికీ, ఇందులో “జియో స్టార్ కమింగ్ సూన్” అనే టెక్స్ట్ మాత్రమే ఉంది.
రెండు ఓటీటీ ప్లాట్‌ఫారమ్‌ల నుంచి కంటెంట్ లైవ్ అయిన తర్వాత అందుబాటులో ఉండే అవకాశం ఉంది. అయినప్పటికీ, ప్రముఖ ఇండియన్ ప్రీమియర్ లీగ్ (ఐపీఎల్)తో సహా అన్ని లైవ్ స్పోర్ట్స్ క్రీడా ఈవెంట్‌లు డిస్నీ హాట్‌స్టార్ యాప్‌లో మాత్రమే అందుబాటులో ఉంటాయి. మునుపటి నివేదికల ప్రకారం.. జియోసినిమాని డిస్నీ+ హాట్‌స్టార్‌లో విలీనం చేయాలని భావిస్తున్నట్లు సూచించింది.
అంతకుముందు, జియోహాట్‌స్టార్ డొమైన్ కొత్త ఓటీటీ ప్లాట్‌ఫారమ్‌కు హోమ్‌గా ఉంటుందని అంచనా వేశారు. ఈ విలీనాన్ని ముందుగానే ఊహించిన ఢిల్లీకి చెందిన యాప్ డెవలపర్ డొమైన్‌ను కొనుగోలు చేశాడు. కంపెనీలకు ఈ డొమైన్ కావాలంటే తన చదవులకు నిధులు సమకూర్చేందుకు కొంత మొత్తాన్ని చెల్లించాలని అభ్యర్థించారు.
అయితే, తరువాతి రోజుల్లో ఈ డొమైన్ ఇద్దరు దుబాయ్ నివాసితులు కొనుగోలు చేశారు. ప్రస్తుత డొమైన్ యజమానులు రిలయన్స్ జియోకు డొమైన్‌ను ఉచితంగా ఇవ్వాలనే నిర్ణయాన్ని ప్రకటించారు. కానీ, కొత్త జియో స్టార్ వెబ్‌సైట్ స్ట్రీమింగ్ ప్లాట్ఫారమ్ పూర్తిగా మరో డొమైన్‌తో వస్తుందని సూచిస్తుంది.
Read Also : WhatsApp Bug : వాట్సాప్ బీటాలో బగ్.. మీ చాట్ గ్రీన్ స్ర్కీన్ కనిపిస్తుందా? ఇలా ఫిక్స్ చేసుకోండి!
