Oppo Find X8 Series set for India debut
Oppo Find X8 Series Launch : కొత్త స్మార్ట్‌ఫోన్ కోసం చూస్తున్నారా? భారత మార్కెట్లోకి ఒప్పో సరికొత్త ఫ్లాగ్‌షిప్ ఫైండ్ ఎక్స్8, ఫైండ్ ఎక్స్8ప్రో లాంచ్ చేసేందుకు రెడీ అవుతోంది. ఫైండ్ ఎక్స్8 సిరీస్ ఇప్పటికే చైనాలో లాంచ్ అయింది. రాబోయే వారాల్లో ప్రపంచవ్యాప్తంగా ఫ్లాగ్‌షిప్ సిరీస్ రెండు ఫోన్‌లు మీడియాటెక్ సరికొత్త డైమెన్సిటీ 9400 చిప్‌సెట్, హాసెల్‌బ్లాడ్ ట్యూన్ చేసిన క్వాడ్-కెమెరా సెటప్‌తో వస్తాయి.
చైనా లాంచ్ తర్వాత ఒప్పో ఫ్లాగ్‌షిప్ ఫోన్‌లను గ్లోబల్ మార్కెట్లలో లాంచ్ చేయనుందో బ్రాండ్ రివీల్ చేయలేదు. రాబోయే వారాల్లో ఫైండ్ ఎక్స్8, ఒప్పో ఫైండ్ ఎక్స్8 ప్రోతో వచ్చే అవకాశం ఉంది. ఒప్పో చైనా వేరియంట్ల మాదిరిగానే ఒప్పో ఫైండ్ ఎక్స్8, ఒప్పో ఫైండ్ ఎక్స్8 ప్రో గ్లోబల్ వెర్షన్‌లు ప్రీమియం, కెమెరా-ఫోకస్డ్ ఫోన్‌లు క్వాడ్ కెమెరా సెటప్‌తో హ్యాసెల్‌బ్లాడ్‌తో ట్యూన్ అవుతాయని కంపెనీ ధృవీకరించింది.
అందులో హాసెల్‌బ్లాడ్ పోర్ట్రెయిట్ మోడ్ మాస్టర్ మోడ్ ఉంటాయి. ఏఐ సపోర్టుతో టెలిస్కోప్ జూమ్, అడ్వాన్స్డ్ హైపర్‌టోన్ ఇమేజ్ ఇంజిన్, డాల్బీ విజన్ వీడియో రికార్డింగ్ సామర్థ్యాలు వంటి జనరేషన్ ఏఐ శక్తితో కూడిన సామర్థ్యాలతో సహా ఒప్పో ఫైండ్ ఎక్స్8 ఫోన్‌లు అనేక అడ్వాన్స్డ్ కెమెరా ఫీచర్‌లతో వస్తున్నాయని ఒప్పో ధృవీకరించింది.
ఒప్పో ఫైండ్ ఎక్స్ 8 సిరీస్ కెమెరాలు :
ఒప్పో ఫైండ్ ఎక్స్ సిరీస్ ఫోన్లలో కెమెరా పర్ఫార్మెన్స్ ఫోకస్ ఏరియాతో వస్తుంది. ముందుగా రెండు ఒప్పో ఎక్స్8 ఫోన్‌లు ఫైండ్ X8 ప్రోలో 4 బ్యాక్ కెమెరాలు ఉన్నాయి. ఇందులో 6ఎక్స్ కెమెరాతో పాటు స్టోరేజీని లాంగ్ ఆప్టికల్ జూమ్‌ని ఎనేబుల్ చేసేందుకు ట్రిపుల్ ప్రిజం ఫోల్డెడ్ లెన్స్‌ని ఉపయోగిస్తుంది. నాలుగు కెమెరాలు 50ఎంపీ సెన్సార్లను ఉపయోగిస్తాయి. రెండు కెమెరాలు పెరిస్కోప్ లెన్స్‌లను కలిగి ఉన్నాయి. 6ఎక్స్, 3ఎక్స్ మూడు కెమెరాల్లో అల్ట్రా-వైడ్ కెమెరాను మినహాయించి ఆప్టికల్ ఇమేజ్ స్టెబిలైజేషన్‌ను కలిగి ఉన్నాయి.
ఒప్పో ఫైండ్ ఎక్స్8లో బ్యాక్ కెమెరా సెటప్ ఉంటుంది. కానీ, ఇందులో 3 కెమెరాలను కలిగి ఉంది. ఒప్పో ప్రో ఫోన్‌లో ఉన్న 6ఎక్స్ టెలిఫోటో కెమెరా ఇందులో లేదు. హార్డ్‌వేర్‌తో పాటు కెమెరా సాఫ్ట్‌వేర్‌ను కూడా అప్‌గ్రేడ్ చేసినట్టు ఒప్పో తెలిపింది. ఒప్పో ఫైండ్ ఎక్స్8 కెమెరా సిస్టమ్ ఏఐ పవర్డ్ టెలిస్కోప్ జూమ్‌ను వినియోగించనున్నట్టు కంపెనీ తెలిపింది. సాఫ్ట్‌వేర్ ఫీచర్ యూజర్లను షార్ప్ జూమ్ చేసిన ఫొటోలను క్లిక్ చేసేందుకు వీలు కల్పిస్తుంది.
ఒప్పో ఫైండ్ ఎక్స్8 సిరీస్ 10ఎక్స్ నుంచి 120ఎక్స్ వరకు జూమ్‌ను అందించగలదని ఒప్పో పేర్కొంది. వినియోగదారులను ఫొటో క్వాలిటీని కోల్పోకుండా అనుమతిస్తుంది. వీడియోల విషయానికి వస్తే.. ఒప్పో ఫైండ్ ఎక్స్8 సిరీస్ డాల్బీ విజన్ రికార్డింగ్‌కు సపోర్టు ఇస్తుంది. అదనంగా ఒప్పో షార్ట్‌కట్ బటన్‌ను కూడా ప్రవేశపెడుతోంది. ఐఫోన్ కెమెరా కంట్రోల్ మాదిరిగానే ఉంటుంది. యూజర్లను ఒకే ట్యాప్‌తో కెమెరాను యాక్టివ్ చేసేందుకు అనుమతిస్తుంది.
ఒప్పో ఫైండ్ ఎక్స్8 హార్డ్‌వేర్, స్పెషిఫికేషన్లు :
ఒప్పో చైనా వేరియంట్ల మాదిరిగానే గ్లోబల్ వెర్షన్ స్పెసిఫికేషన్‌లను కలిగి ఉంటుందని అంచనా. ఒప్పో ఫైండ్ ఎక్స్8, ఒప్పో ఫైండ్ ఎక్స్8 ప్రోలు ఎల్‌టీపీఓ ఓఎల్ఈడీ డిస్‌ప్లేలతో చైనాలో లాంచ్ అయ్యాయి. 120Hz వరకు సపోర్టు రిఫ్రెష్ రేట్‌ ఉన్నాయి. ఫైండ్ ఎక్స్8 ఫోన్ 6.59-అంగుళాల స్క్రీన్‌ను కలిగి ఉంది. అయితే, ఒప్పో ప్రో వెర్షన్ మైక్రో-క్వాడ్ కర్వేచర్‌తో పెద్ద 6.78-అంగుళాల డిస్‌ప్లేను అందిస్తుంది. రెండు డిస్‌ప్లేలలో హెచ్‌డీఆర్ మోడ్‌లో గరిష్ట ప్రకాశం 4,500 నిట్‌లకు చేరుకుంటుంది.
హుడ్ కింద ఫైండ్ ఎక్స్8 సిరీస్ మీడియాటెక్ డైమెన్సిటీ 9400 చిప్‌సెట్ ద్వారా పవర్ పొందుతుంది. ప్రారంభ నివేదికలను పరిశీలిస్తే.. క్వాల్‌కామ్ స్నాప్‌డ్రాగన్ 8 ఎలైట్ కన్నా ఈ ఏడాదిలో ఆండ్రాయిడ్ ఫోన్లలో వేగవంతమైన చిప్‌సెట్‌గా చెప్పవచ్చు. ఫైండ్ ఎక్స్8 లోపల ఒప్పో అడ్వాన్స్డ్ కూలింగ్ సిస్టమ్ కూడా కలిగి ఉంది. ఇందులో గ్రాఫైట్ లేయర్, స్టీమ్ చాంబర్, థర్మల్లీ కండక్టివ్ జెల్ ఉన్నాయి. గేమర్‌లు లాంగ్ సెషన్‌లలో గేమ్‌లు ఆడేటప్పుడు సౌకర్యవంతంగా ఉంటుంది.
ఈ రెండు ఫైండ్ ఎక్స్8 ఫోన్‌లు కలర్ఓఎస్ 15 రన్ చేస్తాయి. ఏఐ అప్‌గ్రేడ్‌తో యూజర్ ఇంటర్‌ఫేస్‌ను అందిస్తాయి. బ్యాటరీ సామర్థ్యం ఆకట్టుకునేలా ఉంది. ఫైండ్ ఎక్స్8 5630mAh బ్యాటరీని కలిగి ఉంది. ఒప్పో ప్రో వెర్షన్ 5910mAh సెల్‌ను కలిగి ఉంది. ఈ 2 డివైజ్‌లు వేగవంతమైన 80డబ్ల్యూ వైర్డు, 50డబ్ల్యూ వైర్‌లెస్ ఛార్జింగ్‌కు సపోర్టు ఇస్తాయి. దుమ్ము, నీటి నిరోధకతకు ఐపీ69 రేటింగ్‌ను కలిగి ఉన్నాయి.
భారత్‌లో ధర ఎంతంటే? :
ధరల విషయానికొస్తే.. చైనాలో ఒప్పో స్టార్‌ఫీల్డ్ బ్లాక్, ఫ్లోటింగ్ లైట్ వైట్, చేజింగ్ విండ్ బ్లూ, బబుల్ పింక్ వంటి కొత్త కలర్ ఆప్షన్లలో ఫ్లాగ్‌షిప్‌ను ప్రవేశపెట్టింది. ఈ ఫోన్ ప్రారంభ ధర సీఎన్‌వై 4,199 (సుమారు రూ. 49,551)కు అందిస్తోంది. హై వేరియంట్ ఫైండ్ ఎక్స్8ప్రో హోషినో బ్లాక్, క్లౌడ్ వైట్, స్కై బ్లూలో లాంచ్ చేసింది. సీఎన్‌వై 5,299 (సుమారు రూ. 62,536) వద్ద ప్రారంభమవుతుంది. భారత మార్కెట్ విషయానికొస్తే.. ఫైండ్ ఎక్స్ 8 ధర సుమారు రూ. 50వేలు ఉంటుందని భావిస్తున్నాం. ఒప్పో ఫైండ్ ఎక్స్8 ప్రో ధర రూ. 65వేలకి దగ్గరగా ఉండవచ్చు.
Read Also : Apple iPhone 15 : ప్రపంచంలో అత్యధికంగా అమ్ముడైన స్మార్ట్‌ఫోన్‌గా ఐఫోన్ 15 సిరీస్.. టాప్ 10 జాబితా ఇదిగో..!
