Poco C85 Launch : భలే ఉంది భయ్యా ఫోన్.. కొత్త పోకో C85 5G అదుర్స్.. ఫీచర్ల కోసమైన కొనేసుకోవచ్చు.. మీ బడ్జెట్ ధరలోనే..!

Poco C85 Launch : కొత్త పోకో ఫోన్ వచ్చేసింది. షావోమీ సబ్-బ్రాండ్ పోకో C85 ఫోన్ లాంచ్ చేసింది. భారత మార్కెట్లో C సిరీస్‌ను కంపెనీ విస్తరించింది. ఈ కొత్త పోకో C85 5G ఫోన్ ఆకట్టుకునే ఆన్-పేపర్ స్పెసిఫికేషన్‌లతో వస్తుంది. ధర కూడా రూ. 12,499 నుంచి ప్రారంభమవుతుంది.

ఆసక్తిగల వినియోగదారులు ఫ్లిప్‌కార్ట్, పోకో ఇ-స్టోర్, ఇతర రిటైల్ ఛానెల్స్ నుంచి ఈ పోకో ఫోన్ కొనుగోలు చేయొచ్చు. ధర విషయానికి వస్తే.. ఈ ఫోన్ మీడియాటెక్ డైమన్షిటీ 6300 చిప్‌సెట్, డ్యూయల్ కెమెరా HD+ ప్యానెల్‌ అందిస్తుంది. భారత మార్కెట్లో పోకో C85 ధర, స్పెసిఫికేషన్‌లను ఓసారి లుక్కేయండి..

భారత్‌లో పోకో C85 ధర, లభ్యత : పోకో C85 ఫోన్ 4GB ర్యామ్, 128GB స్టోరేజ్ వేరియంట్ ధర రూ. 12,499కు పొందవచ్చు. 6GB ర్యామ్, 128GB వేరియంట్ ధర రూ. 13,499, 8GB ర్యామ్, 128GB స్టోరేజ్ వేరియంట్ ధర రూ. 14,499కు అందిస్తోంది.

అయితే, లాంచ్ ఆఫర్ ప్రకారం.. 4GB, 6GB ర్యామ్ మోడల్స్ వరుసగా రూ. 11,999, రూ. 12,999 ధరలకు లభిస్తాయి. మిస్టిక్ పర్పుల్, స్ప్రింగ్ గ్రీన్ పవర్ బ్లాక్ వంటి 3 కలర్ ఆప్షన్లలో వస్తుంది. ఆసక్తిగల వినియోగదారులు HDFC బ్యాంక్, ICICI బ్యాంక్, SBI నుంచి క్రెడిట్, డెబిట్ కార్డులపై రూ. 1,000 ఇన్‌స్టంట్ బ్యాంక్ డిస్కౌంట్ పొందవచ్చు.

పోకో C85 స్పెసిఫికేషన్లు : పోకో C85 ఫోన్ 120Hz రిఫ్రెష్ రేట్, 810నిట్స్ వరకు పీక్ బ్రైట్‌నెస్‌తో 6.9-అంగుళాల భారీ HD+ ప్యానెల్‌ను అందిస్తుంది. TÜV రైన్‌ల్యాండ్ లో-బ్లూ లైట్ సర్టిఫికేషన్, ఫ్లికర్-ఫ్రీ టెక్నాలజీ, డస్ట్, స్ప్లాష్ నిరోధకత కోసం IP64 రేటింగ్‌ కూడా అందిస్తుంది.

ఈ పోకో ఫోన్ మీడియాటెక్ డైమన్షిటీ 6300 చిప్‌సెట్ ద్వారా పవర్ పొందుతుంది. 8GB వరకు LPDDR4x ర్యామ్, 128GB UFS 2.2 స్టోరేజ్‌తో వస్తుంది. ఆండ్రాయిడ్ 15 ఆధారంగా HyperOS 2.2పై రన్ అవుతుంది. ఈ పోకో ఫోన్ 33W వైర్డు ఫాస్ట్ ఛార్జింగ్, 10W వైర్డు రివర్స్ ఛార్జింగ్‌కు సపోర్టు ఇచ్చే 6,000mAh బ్యాటరీని అందిస్తుంది.

ఫొటోగ్రఫీ విషయానికొస్తే.. ఈ పోకో ఫోన్ 50MP మెయిన్, QVGA సెకండరీ లెన్స్‌తో సహా డ్యూయల్ కెమెరాను అందిస్తుంది. ఫ్రంట్ సైడ్ ఈ పోకో ఫోన్ 8MP ఫ్రంట్ కెమెరా అందిస్తుంది. ఈ పోకో ఫోన్ 5G, 4G LTE, Wi-Fi 5, బ్లూటూత్ 5.4, USB టైప్-C, 3.5mm ఆడియో జాక్‌ను అందిస్తుంది.