Redmi Watch 5 Active : కొత్త రెడ్‌మి స్మార్ట్‌వాచ్ చూశారా? ఫీచర్లు అదుర్స్.. సింగిల్ ఛార్జ్‌తో 18 రోజుల బ్యాటరీ లైఫ్..!
Redmi Watch 5 Active : షియోమి ఇండియా వెబ్‌సైట్, ఫ్లిప్‌కార్ట్, అమెజాన్, ఆఫ్‌లైన్ షియోమి రిటైల్ స్టోర్‌ల ద్వారా సెప్టెంబర్ 3న మధ్యాహ్నం 12 గంటలకు (మధ్యాహ్నం) దేశంలో కొనుగోలుకు స్మార్ట్‌వాచ్ అందుబాటులో ఉంటుంది.
- Published By: 10TV Digital Team ,Published On : August 27, 2024 / 04:06 PM IST
Redmi Watch 5 Active With 2-Inch LCD Screen, 18 Days Battery Life Launched
Redmi Watch 5 Active : కొత్త స్మార్ట్‌వాచ్ కొంటున్నారా? భారత మార్కెట్లో షావోమీ ఎక్స్ ప్రో క్యూఎల్ఈడీ 2024 స్మార్ట్ టీవీ సిరీస్, షావోమీ పవర్ బ్యాంక్ 4ఐ 20,000mAhతో పాటుగా లాంచ్ అయింది. ఈ స్మార్ట్‌వాచ్‌లో జింక్-అల్లాయ్ మెటల్ బాడీ, నీటి నిరోధకతకు ఐపీఎక్స్8-రేటెడ్ బిల్డ్ ఉంది. 2-అంగుళాల రెక్టాంగులర్ డిస్‌ప్లేను కలిగి ఉంది 18 రోజుల వరకు బ్యాటరీ లైఫ్ అందిస్తుందని కంపెనీ పేర్కొంది. ఈ స్మార్ట్ వాచ్ బ్లూటూత్ కాలింగ్‌కు సపోర్టు ఇస్తుంది. అంతేకాదు.. ఈఎన్‌సీ-సపోర్టు గల మూడు-మైక్ సిస్టమ్, స్పీకర్‌తో అమర్చి ఉంటుంది.
Read Also : iPhone 15 Price : ఫ్లిప్‌కార్ట్‌లో ఐఫోన్ 15పై దిమ్మతిరిగే డిస్కౌంట్.. బ్యాంక్ ఆఫర్‌లతో ఈ డీల్ ఎలా పొందాలంటే?
భారత్‌లో రెడ్‌మి వాచ్ 5 యాక్టివ్ ధర ఎంతంటే? :
భారత మార్కెట్లో రెడ్‌మి వాచ్ 5 యాక్టివ్ ధర రూ. 2,799కు అందిస్తోంది. షియోమి ఇండియా వెబ్‌సైట్, ఫ్లిప్‌కార్ట్, అమెజాన్, ఆఫ్‌లైన్ షియోమి రిటైల్ స్టోర్‌ల ద్వారా సెప్టెంబర్ 3న మధ్యాహ్నం 12 గంటలకు (మధ్యాహ్నం) దేశంలో కొనుగోలుకు స్మార్ట్‌వాచ్ అందుబాటులో ఉంటుంది. మాట్ సిల్వర్, మిడ్నైట్ బ్లాక్ అనే రెండు కలర్ ఆప్షన్లలో వస్తుంది.
రెడ్‌మి వాచ్ 5 యాక్టివ్ స్పెసిఫికేషన్‌లు, ఫీచర్లు :
రెడ్‌మి వాచ్ 5 యాక్టివ్ 2-అంగుళాల (320 x 385 పిక్సెల్‌లు) దీర్ఘచతురస్రాకార ఎల్‌సీడీ స్క్రీన్‌ను గరిష్టంగా 500నిట్స్ వరకు బ్రైట్‌నెస్‌తో కలిగి ఉంది. ఈ ఫోన్ యూజర్లు డిస్‌ప్లేపై ఆఫ్ చేసేందుకు అనుమతిస్తుంది. ఫీచర్‌లను ఎనేబుల్ చేసేందుకు రెండుసార్లు ట్యాప్ చేయండి. స్మార్ట్‌వాచ్‌లో 140 కన్నా ఎక్కువ ప్రీ-ఇన్‌స్టాల్ స్పోర్ట్స్ మోడ్‌లు, 200 కన్నా ఎక్కువ వాచ్ ఫేస్‌లు ఉన్నాయి. షావోమీ హైపర్ఓఎస్ అవుట్-ఆఫ్-ది-బాక్స్‌లో రన్ అవుతుంది. ఆండ్రాయిడ్, ఐఓఎస్ స్మార్ట్‌ఫోన్‌లు రెండింటికీ సపోర్టుతో పాటు హిందీ లాంగ్వేజీకి కూడా సపోర్టును అందిస్తుంది.
కొత్తగా లాంచ్ అయిన రెడ్‌మి వాచ్ 5 యాక్టివ్ ఇన్‌బిల్ట్ వాయిస్-యాక్టివేటెడ్ అసిస్టెంట్ అలెక్సాతో వస్తుంది. హార్ట్ రేట్ బ్లడ్ ఆక్సిజన్ లేదా ఎస్పీఓ2 లెవల్స్ వంటి హెల్త్ మానిటరింగ్ యూజర్లకు సాయపడుతుంది. ఈ స్మార్ట్ వాచ్ స్లీప్, ప్రెజర్ లెవల్స్‌తో పాటు ఋతు చక్రాలను కూడా ట్రాక్ చేస్తుంది. ఈ ట్రాకర్‌ల నుంచి డేటాను ఎంఐ ఫిట్‌నెస్ (షావోమీ వేర్) యాప్‌తో పాటు స్ట్రావా, ఆపిల్ హెల్త్ అప్లికేషన్‌లతో సింకరైజ్ చేయొచ్చు.
స్మార్ట్‌వాచ్ బ్లూటూత్ 5.3 కనెక్టివిటీకి సపోర్టు ఇస్తుంది. కనెక్ట్ చేసిన స్మార్ట్‌ఫోన్ ద్వారా కాల్స్ చేసేందుకు సపోర్టు ఇస్తుంది. మూడు మైక్రోఫోన్‌ల ద్వారా ఈఎన్‌సీ (నాయిస్ క్యాన్సిలేషన్) ద్వారా కాలింగ్ ఫీచర్ అప్‌గ్రేడ్, వాటర్ రెసిస్టెన్స్ కోసం వాచ్ ఐపీఎక్స్8-రేటెడ్ బిల్డ్‌తో వస్తుంది. కంపెనీ ప్రకారం.. రెడ్‌మి వాచ్ 5 యాక్టివ్‌లో 70mAh బ్యాటరీ అమర్చి ఉంది. సాధారణ వినియోగంతో 18 రోజుల వరకు లేదా ఒక ఛార్జ్‌పై భారీ వినియోగంతో 12 రోజుల వరకు బ్యాటరీ లైఫ్ అందిస్తుందని పేర్కొంది.
సాధారణ వినియోగంలో ప్రతి 10 నిమిషాలకు హార్ట్ బీట్ మానిటరింగ్, హై-ప్రెసిషన్ స్లీప్ మానిటరింగ్ ఆఫ్, 15 నిమిషాల బ్లూటూత్ కాల్స్, ఇతర సెట్టింగ్‌లలో వారానికి 90 నిమిషాల వ్యాయామం ఉంటాయి. రెడ్‌మి వాచ్ 5 యాక్టివ్ భారీ వినియోగంతో ప్రతి నిమిషానికి హార్ట్ బీట్ మానిటరింగ్, హై-ప్రెసిషన్ స్లీప్ మానిటరింగ్ ఆన్ అవుతుంది. 30 నిమిషాల బ్లూటూత్ కాల్స్ వారానికి 150 నిమిషాల వ్యాయామం వంటి పారామీటర్‌లను కలిగి ఉంటుంది. స్మార్ట్ వాచ్ మాగ్నెటిక్ పిన్స్ ద్వారా ఛార్జింగ్‌కు సపోర్టు ఇస్తుంది. వాచ్ బాడీ సైజులో 49.1x 40.4x 11.4 మిమీ, బెల్ట్‌లతో కలిపి 42.2 గ్రాముల బరువు ఉంటుంది.
