Vivo X200 Series Launch : భారత్‌కు వివో X200 సిరీస్ వచ్చేస్తోంది.. ఈ నెల 12నే లాంచ్.. పూర్తి వివరాలివే!
Vivo X200 Series Launch : చైనీస్ స్మార్ట్‌ఫోన్ బ్రాండ్ వివో ఎక్స్200, వివో ఎక్స్200 ప్రోలను డిసెంబర్ 12 మధ్యాహ్నం 12 గంటలకు భారత మార్కెట్లో లాంచ్ చేయనున్నట్లు ధృవీకరించింది.
- Published By: 10TV Digital Team ,Published On : December 3, 2024 / 10:40 PM IST
Vivo X200 Series Launch
Vivo X200 And Pro Launch : కొత్త స్మార్ట్‌ఫోన్ కోసం చూస్తున్నారా? అయితే, ఇది మీకోసమే.. ప్రముఖ స్మార్ట్‌ఫోన్ మేకర్ వివో ఇండియా నుంచి సరికొత్త వివో X200 సిరీస్ ఫోన్లు రానున్నాయి. వివో X200, వివో X200 ప్రో లాంచ్ తేదీని కంపెనీ ప్రకటించింది.
మీడియాటెక్ డైమన్షిటీ 9400 ఎస్ఓసీలు, Zeiss-బ్రాండెడ్ కెమెరాలతో కొత్త ఎక్స్ సిరీస్ హ్యాండ్‌సెట్‌లు దేశంలో అమెజాన్ ద్వారా విక్రయించనుంది. వివో ఎక్స్200 సిరీస్ ఈ సంవత్సరం అక్టోబర్‌లో కంపెనీ స్వదేశమైన చైనాలో విడుదలైంది. ఫీచర్లు, స్పెసిఫికేషన్ల పరంగా భారతీయ వేరియంట్‌లు చైనీస్ కౌంటర్‌పార్ట్‌లతో సమానంగా ఉంటాయని భావిస్తున్నారు.
ఈ ఫోన్లు ఆండ్రాయిడ్ 15 ఆధారిత ఫన్‌టచ్ ఓఎస్ 15తో వస్తాయి. చైనీస్ స్మార్ట్‌ఫోన్ బ్రాండ్ వివో ఎక్స్200, వివో ఎక్స్200 ప్రోలను డిసెంబర్ 12 మధ్యాహ్నం 12 గంటలకు భారత మార్కెట్లో లాంచ్ చేయనున్నట్లు ధృవీకరించింది. వివో మార్కెటింగ్ మెటీరియల్‌లో ఫోన్‌ల కెమెరా పర్ఫార్మెన్స్ హైలైట్ చేసింది. వివో ఎక్స్200 ప్రో భారత మొట్టమొదటి 200ఎంపీ ఏపీఓ టెలిఫోటో కెమెరాను కలిగి ఉంటుందని కంపెనీ పేర్కొంది.
వివో X200 సిరీస్ స్పెసిఫికేషన్స్ :
వివో ఇండియా, అమెజాన్ తమ వెబ్‌సైట్‌లలో ప్రత్యేక ల్యాండింగ్ పేజీ ద్వారా వివో ఎక్స్200, వివో ఎక్స్200ప్రో రాకను సూచిస్తున్నాయి. ఈ ఫోన్లు మీడియాటెక్ డైమన్షిటీ 9400 ఎస్ఓసీ, Zeiss-బ్రాండెడ్ కెమెరాలతో వస్తుందని అంచనా. ఆండ్రాయిడ్ 15-ఆధారిత ఫన్‌టచ్ ఓఎస్ 15ని కలిగి ఉంటాయి.
వివో ప్రో మోడల్ కాస్మోస్ బ్లాక్, టైటానియం గ్రే కలర్‌వేస్‌లో లాంచ్ కానుంది. వెనిలా మోడల్ కాస్మోస్ బ్లాక్, నేచురల్ గ్రీన్ షేడ్స్‌లో రానుంది. వివో ఎక్స్200, వివో ఎక్స్200 ప్రో వరుసగా 5,800mAh, 6,000mAh బ్యాటరీలను ప్యాక్ చేస్తాయి. రెండోది వి3 ప్లస్ ఇమేజింగ్ చిప్, 200ఎంపీ Zeiss ఏపీఓ టెలిఫోటో కెమెరాను కలిగి ఉంటుంది.
వివో ఎక్స్200, వివో ఎక్స్200 ప్రో అక్టోబర్‌లో వివో X200 మినీతో పాటు చైనాలో లాంచ్ అయ్యాయి. మినీ మోడల్ చైనీస్ మార్కెట్‌కు ప్రత్యేకంగా ఉంటుందని భావిస్తున్నారు. వనిల్లా మోడల్ బేస్ 12జీబీ ర్యామ్+ 256జీబీ స్టోరేజ్ కాన్ఫిగరేషన్ సీఎన్‌వై 4,300 (దాదాపు రూ. 51వేలు) ప్రారంభ ధర ట్యాగ్‌తో వచ్చింది.
వివో ఎక్స్200 ప్రో అదే ర్యామ్, స్టోరేజ్ ట్రిమ్ సీఎన్‌వై 5,999 (సుమారు రూ. 63వేలు ) వద్ద ప్రారంభమవుతుంది. 90డబ్ల్యూ వైర్డు ఛార్జింగ్, సపోర్టును పొందవచ్చు. 32ఎంపీ ఫ్రంట్ కెమెరాలతో పాటు ఆండ్రాయిడ్ 15-ఆధారిత ఆరిజిన్ OS5పై రన్ అవుతాయి.
Read Also : Moto G35 5G Launch : భారత్‌లో మోటో జీ35 5జీ ఫోన్ వచ్చేస్తోంది.. ఈ నెల 10నే లాంచ్.. కీలక ఫీచర్లు ఇవే..!
