Xiaomi 14 Flagship Smartphone : భారత్కు త్వరలో షావోమీ 14 కొత్త ఫ్లాగ్షిప్ స్మార్ట్ఫోన్.. ఏయే ఫీచర్లు ఉండొచ్చుంటే?
Xiaomi 14 Flagship Smartphone : షావోమీ నుంచి సరికొత్త ఫ్లాగ్షిప్ స్మార్ట్ఫోన్ రాబోతోంది. భారత మార్కెట్లో అతి త్వరలో షావోమీ 14 స్మార్ట్ఫోన్ లాంచ్ కానుంది. ఫీచర్లు, ఇతర వివరాలు ఇలా ఉన్నాయి. అవేంటో ఓసారి చూద్దాం..
- Sreehari A
- Published On : January 24, 2024 / 04:44 PM IST
Xiaomi 14 Flagship Smartphone Likely to Launch in India Soon
Xiaomi 14 Flagship Smartphone : ప్రముఖ చైనా స్మార్ట్ఫోన్ తయారీదారు షావోమీ నుంచి కొత్త ఫ్లాగ్షిప్ స్మార్ట్ఫోన్ రాబోతోంది. షావోమీ 14 ప్రోతో పాటు ఈ హ్యాండ్సెట్ను చైనాలో ఆవిష్కరించిన కొన్ని నెలల తర్వాత రాబోయే వారాల్లో భారత్, గ్లోబల్ మార్కెట్లలో (Xiaomi 14) లాంచ్ అయ్యే అవకాశం ఉంది. రాబోయే వారాల్లో కంపెనీ స్నాప్డ్రాగన్ 8 Gen 3 శక్తితో కూడిన హ్యాండ్సెట్ను లాంచ్ చేయవచ్చని ఇటీవలి నివేదికలు సూచిస్తున్నాయి. దేశంలో ఇతర ప్రాంతాలలో మాత్రమే స్టాండర్డ్ మోడల్ను లాంచ్ చేసే అవకాశం ఉంది.
టాప్ స్మార్ట్ఫోన్ విక్రేతగా షావోమీ :
భారత్, గ్లోబల్ మార్కెట్లలో షావోమీ 14 ఫోన్ లాంచ్ తేదీని అధికారికంగా ప్రకటించనప్పటికీ, ఈ హ్యాండ్సెట్ ఈ వారం ప్రారంభంలో (NTBC) సర్టిఫికేషన్ వెబ్సైట్లో 2023 చివరిలో బ్యూరో ఆఫ్ ఇండియన్ స్టాండర్డ్స్ (BIS) వెబ్సైట్లో కనిపించింది. ఈ వెబ్సైట్లలో ఫోన్ ప్రత్యక్షం కావడంతో ఇదే దేశాలలో త్వరలో షావోమీ 14 లాంచ్ కానుందని నివేదిక సూచిస్తోంది. చైనా నివేదికల ప్రకారం.. షావోమీ 14 ఫోన్కు మంచి డిమాండ్ ఉంది. గతేడాది డిసెంబర్లో ఆపిల్ను అధిగమించి టాప్ స్మార్ట్ఫోన్ విక్రేతగా అవతరించింది. తదుపరి షావోమీ ఫ్లాగ్షిప్ రాబోయే నెలల్లో భారతీయ మార్కెట్లోకి వస్తుందని విశ్లేషకులు భావిస్తున్నారు.
భారత మార్కెట్లోకి ఎప్పుడంటే? :
ఈ ఏడాది మొబైల్ వరల్డ్ కాంగ్రెస్ (MWC 2024)లో గ్లోబల్ మార్కెట్లలో ప్రామాణిక (షావోమీ 14) ఫోన్ను కంపెనీ లాంచ్ చేస్తుందని ఇటీవలి నివేదిక సూచించింది. వార్షిక ఈవెంట్ ఈ సంవత్సరం ఫిబ్రవరి 26 నుంచి ఫిబ్రవరి 29 మధ్య జరుగనుంది. అయితే దీనికి సంబంధించి కంపెనీ ఎలాంటి ప్రణాళికలను ప్రకటించలేదు. గ్లోబల్ లాంచ్ అయిన అదే తేదీన ఈ ఫోన్ భారత మార్కెట్లోకి కూడా వస్తుందని ఊహాగానాలు వినిపిస్తున్నాయి.
Xiaomi 14 Flagship Smartphone
షావోమీ 14 ఫోన్ స్పెషిఫికేషన్లు, ఫీచర్లు :
అక్టోబర్ 2023లో చైనాలో లాంచ్ అయిన షావోమీ 14 ఫోన్ 6.36-అంగుళాల 1.5కె (1,200×2,600 పిక్సెల్లు) ఎల్టీపీఓ అమోల్డ్ స్క్రీన్ను 1హెచ్జెడ్ నుంచి 120హెచ్జెడ్ అడాప్టివ్ రిఫ్రెష్ రేట్తో గరిష్టంగా 3,000 నిట్ల వరకు బ్రైట్నెస్ని కలిగి ఉంది. క్వాల్కామ్ స్నాప్డ్రాగన్ 8 జనరేషన్ 3 చిప్తో నడుస్తుంది. 12జీబీ వరకు ర్యామ్, 1టీబీ వరకు ఇంటర్నల్ స్టోరేజీని కలిగి ఉంది.
రివర్స్ వైర్లెస్ ఛార్జింగ్ సపోర్టు :
ఫోటోల విషయానికి వస్తే.. షావోమీ 14 ఫోన్ సెల్ఫీలు, వీడియో చాట్ల కోసం 32ఎంపీ ఫ్రంట్ ఫేసింగ్ కెమెరాతో పాటు 50ఎంపీ ట్రిపుల్ రియర్ కెమెరా సెటప్తో వస్తుంది. ఈ ఫ్లాగ్షిప్ ఫోన్ దుమ్ము, నీటి నిరోధకతకు ఐపీ68 రేటింగ్ను కలిగి ఉంది. 90డబ్ల్యూ వైర్డ్ ఛార్జింగ్, 50డబ్ల్యూ వైర్లెస్ ఛార్జింగ్, 10డబ్ల్యూ రివర్స్ వైర్లెస్ ఛార్జింగ్కు సపోర్టుతో 4,610ఎంఎహెచ్ బ్యాటరీని ప్యాక్ చేస్తుంది.
భారత్ సహా గ్లోబల్ మార్కెట్లో లాంచ్ :
కంపెనీ సిరీస్లోని మూడో మోడల్పై కూడా పని చేస్తుందని పుకార్లు వినిపిస్తున్నాయి. షావోమీ 14 అల్ట్రా మోడల్ మార్చి నాటికి చైనాలో లాంచ్ కానుందని అంచనా. వచ్చే నెలలో ఎండబ్ల్యూసీ 2024 లాంచ్ ఈవెంట్ జరుగనుంది. రాబోయే వారాల్లో భారత్ సహా గ్లోబల్ మార్కెట్లలో షావోమీ 14ని లాంచ్ చేసేందుకు కంపెనీ ప్రణాళికలు రూపొందిస్తోంది.