Yamaha FZ-X Chrome Edition : యమహా ఎఫ్‌జెడ్-ఎక్స్ క్రోమ్ ఎడిషన్ బైక్ వచ్చేసిందోచ్.. కొత్త కలర్ స్కీమ్ అదిరింది.. ధర ఎంతంటే?
Yamaha FZ-X Chrome edition Launch : యమహా FZ-Xని క్యాప్టివేటింగ్ క్రోమ్ కలర్ స్కీమ్ కొత్త బైక్ రూ. 1.40 లక్షల ఎక్స్-షోరూమ్ ధరతో వచ్చేసింది. ఈ క్రోమ్ వేరియంట్‌ను బుక్ చేసుకునే తొలి కస్టమర్‌లు క్యాసియో జి-షాక్ వాచ్‌ సొంతం చేసుకోవచ్చు.
- Published By: 10TV Digital Team ,Published On : February 7, 2024 / 05:37 PM IST
Yamaha FZ-X Chrome edition Bike launched
Yamaha FZ-X Chrome edition : యమహా ఎఫ్‌జెడ్-X ఆకర్షణీయమైన క్రోమ్ కలర్ స్కీమ్‌లో లాంచ్ చేసింది. ఈ బైక్ ధర రూ. 1.40 లక్షలు (ఎక్స్-షోరూమ్). ఈ మోడల్ ఇటీవల ముగిసిన భారత్ మొబిలిటీ షో 2024లో ప్రదర్శించింది. జపనీస్ తయారీదారు కూడా ప్రారంభ కొనుగోలుదారులకు ప్రత్యేక ప్రోత్సాహకాన్ని అందిస్తోంది.
క్రోమ్ వేరియంట్ కోసం మొదటి 100 ఆన్‌లైన్ బుకింగ్‌లు చేసుకున్నవారు బైక్డెలివరీ అయిన తర్వాత (Casio G-Schock) వాచ్‌ను అందుకుంటారు. కొత్త కలర్ స్కీమ్‌తో పాటు, మోటార్‌సైకిల్ డిజైన్, ఫీచర్లు, డైమెన్షన్‌ల పరంగా ఎలాంటి మార్పులు లేవని గమనించాలి.
పవర్‌ఫుల్ ఇంజిన్, ప్రత్యేకమైన ఫీచర్లు :
ఈ మోడల్‌కు పవర్ అందించేది 149సిసి సింగిల్-సిలిండర్ ఇంజన్. 12.4హెచ్‌పీ, 13.3ఎన్ఎమ్ గరిష్ట టార్క్‌ను ఉత్పత్తి చేస్తుంది. ఈ మోటార్ ఐదు-స్పీడ్ గేర్‌బాక్స్‌తో వస్తుంది. ఇంకా, ఎఫ్‌జెడ్-X ట్రాక్షన్ కంట్రోల్ సిస్టమ్ (TCS), సింగిల్-ఛానల్ ఏబీఎస్, బ్యాక్ డిస్క్ బ్రేక్, మల్టీ-ఫంక్షన్ ఫుల్లీ డిజిటల్ ఇన్‌స్ట్రుమెంట్ క్లస్టర్, రౌండ్ ఎల్ఈడీ హెడ్‌లైట్, బ్యాక్ మడ్‌గార్డ్‌తో సహా ప్రత్యేకమైన ఫీచర్లను కలిగి ఉంది. లో-ఇంజన్ గార్డ్, బ్లూటూత్-ఎనేబుల్ వై-కనెక్ట్ యాప్ ఇతర ఫీచర్లతో పాటు అందిస్తుంది.
Yamaha FZ-X Chrome edition
సస్పెన్షన్ డ్యూటీల కోసం మోటార్‌సైకిల్ టెలిస్కోపిక్ ఫ్రంట్ ఫోర్క్స్, వెనుక వైపున 7-దశల సర్దుబాటు మోనోక్రాస్ యూనిట్‌ను కలిగి ఉంటుంది. బ్రేకింగ్ కోసం ఏబీఎస్‌‌తో 282ఎమ్ఎమ్ ఫ్రంట్ డిస్క్, బ్యాక్ ఫ్రేమ్‌లో 220ఎమ్ఎమ్ డిస్క్‌ను ఉపయోగిస్తుంది. ఈ మోడల్ ఇ20 ఇంధనంతో కూడా అనుకూలంగా ఉంటుంది. ఇతర సైజులలో కంపెనీ ఇటీవల న్యూఢిల్లీలో జరిగిన భారత్ మొబిలిటీ గ్లోబల్ ఎక్స్‌పోలో ఫ్లాగ్‌షిప్ ఆర్1ఎమ్‌తో సహా అనేక ప్రొడక్టులను ప్రదర్శించింది.
