Shamshabad Incident: ఇండిగో ఉద్యోగినిపై క్యాబ్ డ్రైవర్ అత్యాచారయత్నం.. శంషాబాద్‌లో దారుణం

ఎయిర్‌లైన్స్‌లో పనిచేస్తున్న ఓ మహిళా ఉద్యోగినిపై ఆమె నిత్యం ప్రయాణించే(Shamshabad Incident) క్యాబ్ డ్రైవరే అత్యంత దారుణంగా అత్యాచారయత్నానికి ఒడిగట్టాడు.

Cab driver attempts to rape on Indigo employee at shamshabad

• శంషాబాద్‌లో దారుణ సంఘటన జరిగింది
• ఇండిగో ఉద్యోగినిపై క్యాబ్ దాడి
• పరారైన నిందితుడి కోసం గాలింపు

Shamshabad Incident: హైదరాబాద్‌లోని శంషాబాద్ రాజీవ్ గాంధీ అంతర్జాతీయ విమానాశ్రయం ప్రాంగణంలో మహిళా భద్రతను ప్రశ్నార్థకం చేస్తూ ఒక షాకింగ్ సంఘటన వెలుగుచూసింది. ఇండిగో ఎయిర్‌లైన్స్‌లో పనిచేస్తున్న ఓ మహిళా ఉద్యోగినిపై ఆమె నిత్యం ప్రయాణించే క్యాబ్ డ్రైవరే అత్యంత దారుణంగా అత్యాచారయత్నానికి ఒడిగట్టాడు. విమానాశ్రయం వంటి అత్యంత భద్రత ఉండే ప్రాంతంలోనే ఎయిర్‌లైన్ సిబ్బందికి ఇలాంటి చేదు అనుభవం ఎదురవడం తీవ్ర దిగ్భ్రాంతిని, ఆందోళనను రేకెత్తిస్తోంది.

Andhra Pradesh: ప్రధానితో చంద్రబాబు భేటీ.. ఏపీ అభివృద్ధి పనులపై చర్చ.. భోగాపురం ఎయిర్‌పోర్ట్ ఓపెనింగ్ కి ప్రత్యేక ఆహ్వానం

విధుల్లో చేరేందుకు ప్రయాణిస్తున్న సమయంలో సదరు డ్రైవర్ వాహనాన్ని ఎయిర్‌పోర్ట్ (Shamshabad Incident)ఆవరణలోని ఒక నిర్మానుష్య ప్రాంతానికి మళ్లించి ఈ అఘాయిత్యానికి తెగబడ్డాడు. బాధితురాలు సమయస్ఫూర్తితో, ధైర్యంతో తీవ్రంగా ప్రతిఘటించడంతో నిందితుడు పట్టుబడతాననే భయంతో వాహనంతో సహా అక్కడి నుండి పరారయ్యాడు. బాధితురాలి ఫిర్యాదు మేరకు పోలీసులు కేసు నమోదు చేసి సీసీటీవీ దృశ్యాల ఆధారంగా గాలింపు చర్యలు వేగవంతం చేశారు. ఈ ఘటనను తీవ్రంగా పరిగణించిన ఎయిర్‌పోర్ట్ అధికారులు, మహిళా ఉద్యోగుల రవాణా భద్రతపై అత్యవసర సమీక్ష నిర్వహించి భద్రతా చర్యలను మరింత కట్టుదిట్టం చేశారు.