MeeSeva Certificates: మీసేవ సర్టిఫికెట్లలో కీలక మార్పులు.. 15 భద్రతా ఫీచర్లతో కొత్త సెక్యూరిటీ పేపర్.. మంత్రి శ్రీధర్‌బాబు ఆవిష్కరణ!

తెలంగాణ ప్రభుత్వం మీసేవ(MeeSeva Certificates) కేంద్రాల ద్వారా 15 భద్రతా ఫీచర్లు, వాటర్‌ప్రూఫ్ మన్నికతో కూడిన కొత్త సెక్యూరిటీ పేపర్ సర్టిఫికెట్లను ప్రారంభించింది.

Telangana meeseva launches new security paper with 15 features minister sridhar babu

MeeSeva Certificates: పౌర సేవలను మరింత వేగవంతం, సురక్షితం చేసే దిశగా తెలంగాణ ప్రభుత్వం కీలక మైలురాయిని అధిగమించింది. మీసేవ కేంద్రాల ద్వారా ప్రజలకు అందజేసే వివిధ రకాల ప్రభుత్వ ధ్రువపత్రాల (సర్టిఫికెట్లు) రక్షణ, మన్నికను పెంపొందించడానికి వీలుగా అత్యాధునిక సాంకేతికతతో కూడిన నూతన సెక్యూరిటీ పేపర్‌ను ప్రభుత్వం అందుబాటులోకి తెచ్చింది. హైదరాబాద్‌లోని ప్రజాభవన్‌లో నిర్వహించిన ప్రత్యేక కార్యక్రమంలో రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు ఈ భద్రతా కాగితాన్ని లాంఛనంగా ప్రారంభించారు. 2011 నుంచి ఉపయోగిస్తున్న పాత కాగితం స్థానంలో ప్రవేశపెట్టిన ఈ కొత్త విధానం పౌరుల ముఖ్యమైన ధ్రువపత్రాలకు శాశ్వత భద్రతను ఇస్తుందని మంత్రి పేర్కొన్నారు.

Droupadi Murmu: రేపు ఇంద్రకీలాద్రికి రాష్ట్రపతి ద్రౌపది ముర్ము.. దుర్గమ్మ దర్శనానికి ప్రత్యేక ఏర్పాట్లు.. విజయవాడలో భారీ భద్రత!

నకిలీలకు చెక్.. ఇకపై లామినేషన్ చేయించాల్సిన అవసరమే లేదు:

నకిలీ సర్టిఫికెట్లు(MeeSeva Certificates), ఫోర్జరీ యత్నాలను పూర్తిగా నిరోధించేందుకు ఈ కొత్త పేపర్‌లో సుమారు 15 రకాల అత్యున్నత భద్రతా ఫీచర్లను అంతర్నిర్మితంగా పొందుపరిచారు. ప్రత్యేక సాంకేతిక పరిజ్ఞానంతో రూపొందించిన ఈ కాగితం సులభంగా చిరిగిపోకుండా, ఒకవేళ నీటిలో తడిసినా లేదా మడతలు పడినా ఎలాంటి చెరుపుకు గురికాకుండా చెక్కుచెదరకుండా ఉంటుంది. సాధారణంగా ప్రజలు జనన, మరణ, ఆదాయ, కుల ధ్రువీకరణ పత్రాలను పదిలంగా ఉంచుకోవడానికి లామినేషన్ చేయిస్తుంటారు; అయితే ఈ కాగితం సహజంగానే అత్యధిక మన్నికను కలిగి ఉండటం వల్ల ఇకపై ఎలాంటి లామినేషన్ చేయించాల్సిన అవసరం లేదని అధికారులు వెల్లడించారు.