‘నిర్లక్ష్యపు డ్రైవింగ్కు ఓ ప్రాణం బలైంది’ అంటూ.. వీడియో పోస్ట్ చేసిన సజ్జనార్
రోడ్లపైకి వాహనాలతో వచ్చి ఇష్టారీతిన నడుపుతూ అమాయకుల ప్రాణాలు తీయడం..
![‘నిర్లక్ష్యపు డ్రైవింగ్కు ఓ ప్రాణం బలైంది’ అంటూ.. వీడియో పోస్ట్ చేసిన సజ్జనార్ ‘నిర్లక్ష్యపు డ్రైవింగ్కు ఓ ప్రాణం బలైంది’ అంటూ.. వీడియో పోస్ట్ చేసిన సజ్జనార్](https://10tv.in/wp-content/uploads/2024/07/New-Project-1-1.jpg)
రోడ్డు పక్క నుంచి ఎంతో జాగ్రత్తగా నడుచుకుంటూ వెళ్తున్నప్పటికీ ఓ వృద్ధుడిని ఢీ కొట్టింది ఓ కారు. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది. ఈ వీడియోను టీజీఆర్టీసీ ఎండీ సజ్జనార్ తన ఎక్స్ ఖాతాలో పోస్ట్ చేశారు. ఎంతో నిర్లక్ష్యంగా డ్రైవింగ్ చేసి ఆ వృద్ధుడి ప్రాణం తీసిన ఆ కారు డ్రైవర్పై నెటిజన్లు మండిపడుతున్నారు.
‘నిర్లక్ష్యపు డ్రైవింగ్కు ఓ ప్రాణం బలైంది. కారుతో పాదచారుడిని ఢీకొట్టి కనీసం మానవత్వం లేకుండా తనకేం పట్టనట్టుగా వెళ్లిపోయారు. మహారాష్ట్రలోని బుల్దానా జిల్లాలో ఇవాళ జరిగిన ఈ ప్రమాదంలో ఒక వృద్ధుడు మృతి చెందారు. రోడ్లపైకి వాహనాలతో వచ్చి ఇష్టారీతిన నడుపుతూ అమాయకుల ప్రాణాలు తీయడం ఎంత వరకు సమంజసం?’ అని సజ్జనార్ ప్రశ్నించారు.
Also Read: CM Revanth Reddy : సినిమా రంగంపై సీఎం రేవంత్రెడ్డి కీలక వ్యాఖ్యలు
వాహనాలు నడిపే సమయంలో ఎంతో జాగ్రత్తగా ఉండాలి. ఎటో ఆలోచిస్తూ, మొబైల్ ఫోన్ చూస్తూ డ్రైవింగ్ చేస్తుంటారు కొందరు. వారి ప్రాణాల మీదకు తెచ్చుకోవడమే కాకుండా అమాయకుల ప్రాణాలకూ ముప్పు తెచ్చిపెడుతుంటారు.
నిర్లక్ష్యపు డ్రైవింగ్ కు ఓ ప్రాణం బలైంది. కారుతో పాదచారుడిని ఢీకొట్టి కనీసం మానవత్వం లేకుండా తనకేం పట్టనట్టుగా వెళ్లిపోయారు. మహారాష్ట్రలోని బుల్దానా జిల్లాలో ఇవాళ జరిగిన ఈ ప్రమాదంలో ఒక వృద్ధుడు మృతి చెందారు. రోడ్లపైకి వాహనాలతో వచ్చి ఇష్టారీతిన నడుపుతూ అమాయకపు ప్రాణాలను తీయడం… pic.twitter.com/oeUlyugbZ8
— V.C. Sajjanar, IPS (@SajjanarVC) July 2, 2024