టెస్ట్ క్రికెట్‌లో చెత్త బౌలింగ్ రికార్డు అతనిదే.. 35 ఏళ్లు చెక్కు చదరలేదు
- Published By: vamsi ,Published On : July 16, 2020 / 01:24 PM IST
క్రికెట్‌లో రికార్డ్‌లు క్రియేట్ చెయ్యాలని ప్రతి ఆటగాడికి ఒక కోరిక.. అయితే చెత్త రికార్డ్‌లకు మాత్రం దూరంగా ఉండాలని ప్రతి ఒక్కరు భావిస్తారు. కానీ, ఎంత గొప్ప ఆటగాడు అయినా టైమ్ బాగోలేకపోతే అసాధారణ రికార్డును కైవసం చేసుకోక తప్పదు. అటువంటి రికార్డును మోశాడు ఓ ఇంగ్లాండ్ బౌలర్. బౌలింగ్‌లో చెత్త రికార్డు అంటూ ఎగతాళి పాలయ్యాడు. అవును! అతనే జాన్ వార్. 1950/51 లో ఇంగ్లాండ్ తరఫున రెండు టెస్ట్ మ్యాచ్‌లు ఆడిన ఈ ఫాస్ట్ బౌలర్ ఈ రోజు (జూలై 16)నే 1927లో జన్మించాడు.
వాస్తవానికి, టెస్ట్ క్రికెట్‌లో చెత్త బౌలింగ్ సగటు రికార్డు 35 సంవత్సరాలు జాన్ వార్ పేరిట ఉంది. అతను మొత్తం 584 బంతులను బౌలింగ్ చేసి తన చిన్న టెస్ట్ కెరీర్లో 281 పరుగులు ఇచ్చాడు. అతనికి ఒక వికెట్ మాత్రమే లభించింది. అంటే, అతని బౌలింగ్ సగటు 281. ఇది క్రికెట్ చరిత్రలో చెత్త బౌలింగ్ సగటుగా రికార్డు అయ్యింది.
1985లో జాన్ వార్ చివరకు ఈ రికార్డ్ నుంచి నుండి బయటపడ్డారు. దాదాపు 35 ఏళ్లు ఈ రికార్డు చెక్కు చదరలేదు. 1985లో చెత్త బౌలింగ్ సగటు రికార్డును శ్రీలంక లెఫ్ట్ ఆర్మ్ స్పిన్నర్ రోజర్ విజయసూర్య చేరారు. విజయశూర్య 586 బంతుల్లో 294 పరుగులు చేసి ఒకే వికెట్ పొందాడు. అంటే, అతని బౌలింగ్ సగటు 294.
574 బంతుల్లో 303 పరుగులు చేసిన బంగ్లాదేశ్ ఆఫ్ స్పిన్నర్ నాసిమ్ ఇస్లాం (2008-2012) పేరిట ఇప్పుడు చెత్త బౌలింగ్ సగటు రికార్డు ఉంది. ఒక వికెట్ మాత్రమే తీసుకోగా.. అతని బౌలింగ్ సగటు 303. (బౌలింగ్ సగటు = ఇచ్చిన మొత్తం పరుగులు / తీసుకున్న మొత్తం వికెట్లు)
జాన్ వార్ అందుకున్న వికెట్ ‘వన్ వికెట్’ గురించి, ప్రత్యర్థి బ్యాట్స్‌మన్ అతనిపై జాలిపడి పెవిలియన్‌కు తిరిగి వచ్చాడని చెబుతారు. సిడ్నీ టెస్ట్‌లో ఆస్ట్రేలియాపై 142పరుగులు ఆడినప్పటికీ వికెట్లు రాలేదు. తదుపరి అడిలైడ్ టెస్ట్ తొలి ఇన్నింగ్స్‌లో అతనికి వికెట్లు రాలేదు. 63 పరుగులు ఇచ్చాడు. రెండవ ఇన్నింగ్స్‌లో దాదాపు అదే పరిస్థితి.
చివరగా, ఆస్ట్రేలియా బ్యాట్స్ మాన్ ఇయాన్ జాన్సన్‌కి జాలి వేసి అతనికి వికెట్ ఇచ్చాడని అంటారు. వాస్తవానికి, అతని బంతుల్లో, వికెట్ కీపర్ గాడ్ఫ్రే ఎవాన్స్ ‘క్యాట్ బిహైండ్’ కోసం బలమైన విజ్ఞప్తి చేశాడు. కానీ అది అంపైర్‌ను ప్రభావితం చేయలేదు. కానీ బ్యాట్స్ మాన్ వచ్చేశాడు.
ఆ ఒక్క వికెట్‌కు జాన్ వార్ మొత్తం 551 బంతులు వేయాల్సి వచ్చింది. దీని తరువాత అతను మరింత 33 బంతులను బౌలింగ్ చేశాడు. అంటే, జాన్ వార్ 584 బంతుల్లో మొత్తం 281 పరుగులు చేసిన తరువాత, తన ఖాతాలో ఒక వికెట్ తీయగలిగాడు. పేలవమైన బౌలింగ్ సగటుకు ఇది అతిపెద్ద రికార్డుగా నిలిచింది. ఇది అతని పేరు మీద 35ఏళ్లు కొనసాగింది.
జాన్ వార్ 1987–88లో క్రికెట్ నియమాలను రూపొందించే మెరిల్‌బోన్ క్రికెట్ క్లబ్ (ఎంసిసి) అధ్యక్షుడయ్యాడు. టెస్ట్ క్రికెట్‌లో దురదృష్టవంతుడైన జాన్ వార్ తన ఫస్ట్ క్లాస్ క్రికెట్ కెరీర్లో (344 మ్యాచ్‌లు) 22.79 సగటుతో 956 వికెట్లు పడగొట్టాడు. అతని ఉత్తమ బౌలింగ్ 9/65. 2016లో జాన్ వార్ తన 88ఏళ్ల వయస్సులో చనిపోయాడు.
