బన్నీ పక్కన హీరోయిన్ ఛాన్స్ అంటూ గీతా ఆర్ట్స్‌ పేరుతో అమ్మాయిలకు వల: నిందితుడ్ని పట్టుకున్న సైబర్ క్రైమ్ పోలీసులు

ప్రముఖ సినీ నిర్మాత అల్లు అరవింత్ బ్యానర్ అయిన గీతా ఆర్ట్స్‌ పేరుతో ఓ యువకుడు అమ్మాయిలకు వల వేశాడు. అల్లు అర్జున్న (బన్నీ)పక్కన సినిమా ఛాన్స్ ఇప్పిస్తానంటు నమ్మిస్తూ ఓ యువకుడు పలువురు ఇద్దరు అమ్మాయిలకు మెజేస్ లు పంపిస్తూ మోసాలవల వేశాడు శ్రవణ్అనే వ్యక్తి. చివరకు పోలీసులకు చిక్కి కటకటాలు లెక్కపెడుతున్నాడు.

గీతా ఆర్ట్స్‌లో తాను డిజైనర్, మేకప్ మేన్‌ అని చెప్పుకుంటూ అమ్మాయిల‌కి అనేక మాట‌లు చెప్పి మోసం చేశాడు. ఈ విష‌యం గీతా ఆర్ట్స్ బేన‌ర్ దృష్టికి రావ‌డంతో వెంట‌నే గీతా ఆర్ట్స్ మేనేజ‌ర్ స‌త్య సైబ‌ర్ క్రైమ్ పోలీసుల‌కు ఫిర్యాదు చేశారు. కేసు న‌మోదు చేసుకున్న పోలీసులు ద‌ర్యాప్తు ప్రారంభించారు. మోసం చేసిన వ్య‌క్తి వాట్సాప్ కాల్ ద్వారా మాట్లాడ‌డంతో అత‌ని లోకేష‌న్ ట్రేసింగ్ చేశారు. ఆ మెసేజ్ లు కేరళ,తిరుచ్చి నుంచి వస్తున్నాయని గుర్తించారు. వెంటనే సదరు ఘరానా మోసగాడు శ్రవణ్ ను అదుపులోకి తీసుకున్నారు. అనంతరం విచారణ చేపట్టారు.

కాగా..ఆర్ఎక్స్ 100 ద‌ర్శ‌కుడు అజ‌య్ భూప‌తి పేరు చెప్పి అమ్మాయిల‌ని మోసం చేసిన విష‌యం వెలుగులోకి వచ్చిన విషయం తెలిసిందే. దీంతో సినిమాల్లో నటించాలనేకోరికతో ఇటువంటి మోసగాళ్ల బారిన పడవద్దంటూ పోలీసులు సూచించారు.

Read Here>>‘రాధే శ్యామ్’లో ప్రభాస్ ఫస్ట్ లుక్ అదిరిపోయిందిగా..