నిద్రపోతున్న యువకుడి ప్యాంటులో దూరిన పాము..! రాత్రంతా నరకం..

ఉత్తరప్రదేశ్‌లోని మీర్జాపూర్ జిల్లాలో నిద్రపోతున్న ఓ యువకుడి ప్యాంటులో పాము దూరింది. దీంతో అతని పాట్లు పగవాడికి కూడా వద్దురా బాబూ అన్నట్లుగా అయిపోయింది పాపం ఆ యువకుడి పరిస్థితి. కదిలితే లోపల దూరిని పాము ఎక్కడ కాటేస్తుందోననే భయంతో పాపం అతను రాత్రంతా ప్రాణాలు అరచేతిలో పెట్టుకుని బిక్కు బిక్కుంటూ అలాగే కదలకుండా నిలబడి ఉన్నాడు.పాములు పట్టే వ్యక్తి వచ్చి చాకచక్యంగా బయటకు తీయడంతో ప్రమాదం తప్పింది. ఆ తరువాత అతను తాను గడిపిన రాత్రిని గుర్తు చేసుకొని ఆ యువకుడు కన్నీరు పెట్టుకున్నాడు. ఇప్పటికీ నా గుండె నా స్వాధీనంలో లేదు..దడ దడలాడిపోతోందంటూ వాపోయాడు పాపం..



మీర్జాపూర్ జిల్లాలోని అహ్రౌరా పోలీస్ స్టేషన్ పరిధిలోని జమాల్పూర్ గ్రామంలో విద్యుత్ స్తంభాలు, వైర్లు మరమ్మత్తులు చేపట్టారు విద్యుత్ సిబ్బంది. ఆ గ్రామంలోని లవ్లేష్ అనే యువకుడు కూడా విద్యుత్ పనులు చేస్తూ తోటి కార్మికులతో అంగన్‌వాడీ కేంద్రంలో నిద్రపోయాడు. పగలంతా పని చేసిన అతను ఆదమరచి నిద్రపోయాడు. ఇంతలో ఓ పాము అతడి ఫ్యాంటులో దూరింది. వెంటనే అతడు ఏదో దూరిందని గమనించి పైకిలేచి చూశాడు. ప్యాంటు చివర పాము కనిపించడంతో భయంతో ఎటూ కదలకుండా ఓ స్థంబాన్ని ఆసరాగా చేసుకొని రాత్రంతా నిలబడే ఉన్నాడు.



ఈ విషయం తెలిసి ఉద‌యం‌ స్థానికులు పాములు పట్టే వ్యక్తిని పిలిచారు. ఎందుకైనా మంచిదని గ్రామస్తులు తోటి సిబ్బంది ముంద‌స్తు జాగ్ర‌త్త‌గా అంబులెన్స్‌ను కూడా ఫోన్ చేసిన అప్రమత్తంగా ఉన్నారు. పాములు పట్టేవాళ్లు వచ్చిన తరువాత చాకచక్యంగా పామును బయటకు తీశారు. ఆ పాము అతన్ని కాటు వేయకపోవడంతో ప్రాణాపాయం తప్పింది. అది విషపూరితమైన పాము అని ఆ యువకుడు అదృష్టమే అతని ప్రాణాలు కాపాడిందని పాములు పట్టేవారు చెప్పారు.