New rule : విద్యార్థుల‌కు అల‌ర్ట్‌.. ఆగ‌స్టు 15 నుంచి పాఠ‌శాల్లో కొత్త రూల్‌.. ‘గుడ్ మార్నింగ్ చెప్పొద్దు..’
ఇక నుంచి విద్యార్థులు.. టీచ‌ర్ల‌కు, తోటీ స్నేహితుల‌కు ప‌ల‌క‌రింపుగా గుడ్ మార్నింగ్ అని చెప్ప‌కూడ‌దు.
- Published By: 10TV Digital Team ,Published On : August 9, 2024 / 01:31 PM IST
Jai Hind to replace good morning in Haryana schools from Aug 15
ఇక నుంచి విద్యార్థులు.. టీచ‌ర్ల‌కు, తోటీ స్నేహితుల‌కు ప‌ల‌క‌రింపుగా గుడ్ మార్నింగ్ అని చెప్ప‌కూడ‌దు. జై హింద్ అని చెప్పాలి. ఈ విధానం ఆగ‌స్టు 15 నుంచి అన్నిప్ర‌భుత్వ, ప్రైవేటు పాఠ‌శాల‌ల విద్యార్థులు త‌ప్ప‌క పాఠించాల్సి ఉంటుంది. అయితే.. ఇది మ‌న తెలుగు రాష్ట్రాల్లో కాదులెండి. హ‌రియాణా రాష్ట్రంలో. ఈ మేర‌కు అక్క‌డి పాఠ‌శాల విద్యా డైరెక్ట‌రేట్ ఓ స‌ర్య్కూల‌ర్ జారీ చేసింది.
అన్ని విద్యాసంస్థ‌ల‌కు, విద్యాశాఖ ఉన్న‌తాధికారులు ఈ ఆదేశాలు జారీ చేశారు. చిన్న‌ప్ప‌టి నుంచే విద్యార్థుల్లో దేశ భ‌క్తి, గౌర‌వం, ఐక్య‌తా భావాల‌ను పెంపొందించాల‌నే ఆలోచ‌న‌తోనే ఈ నిర్ణ‌యం తీసుకున్న‌ట్లుగా తెలియ‌జేశారు. ఆగ‌స్టు 15 స్వాతంత్ర్య దినోత్స‌వం రోజున జాతీయ జెండాను ఎగుర‌వేసే ముందు నుంచి దీన్ని అమ‌లు చేయ‌నున్న‌ట్లు వెల్ల‌డించింది.
Manish Sisodia : ఢిల్లీ లిక్కర్ పాలసీ కేసులో మనీశ్ సిసోడియాకు బిగ్ రిలీఫ్..
స్వాతంత్ర్య పోరాటంలో భాగంగా దేశంలో నేతాజీ సుభాష్ చంద్ర‌బోస్ ఆజాద్ హింద్ ఫౌజ్‌ను ఏర్పాటు చేశారు. జైహింద్ నినాదంతో ప్ర‌జ‌ల‌ను ఒక్క‌టి చేసిన‌ట్లుగా అందులో పేర్కొన్నారు. ఆ స‌మ‌యంలో నాయ‌కులు ఒక‌రికి ఒక‌రు జైహింద్ అని చెప్పుకుంటూ ప‌ల‌క‌రించుకునేవారు.
స్వాత్రంత్య అనంత‌రం దేశ సాయుధ ద‌ళాలు ఈ నినాదాన్ని గ్రీటింగ్‌గా స్వీక‌రించాయి. దేశ సార్వభౌమాధికారం, భద్రత పట్ల వారి నిరంత‌ర నిబద్ధతను ఇది ప్ర‌తీక.
