MLA Vallabhaneni Vamsi: గన్నవరం ఎమ్మెల్యే వల్లభనేని వంశీకి తప్పిన ప్రమాదం
గన్నవరం ఎమ్మెల్యే వల్లభనేని వంశీ కాన్వాయ్‌కు ప్రమాదంజరిగింది. కాన్వాయ్‌లోని వాహనాలు ఒకదానికొకటి ఢీకున్నాయి.
- Published By: 10TV Digital Team ,Published On : August 19, 2023 / 01:59 PM IST
MLA Vallabhaneni Vamsi
Vallabhaneni Vamsi: కృష్ణా జిల్లా గన్నవరం నియోజకవర్గం ఎమ్మెల్యే వల్లభనేని వంశీకి తృటిలో ప్రమాదం తప్పింది. వంశీ శనివారం ఉదయం విజయవాడ నుంచి హైదరాబాద్‌కు కాన్వాయిలో వెళ్తుండగా ఈ ప్రమాదం చోటు చేసుకుంది. తెలంగాణలోని సూర్యాపేట జిల్లా చివ్వెంల (మం) ఖాసీంపేట వద్ద కాన్వాయిలోని వాహనాలు ఒకదానికొకటి ఢీకొన్నాయి.
అయితే, వంశీతో సహా మిగిలిన సిబ్బంది సురక్షితంగా బయటపడ్డారు. వంశీ ప్రయాణిస్తున్న కారుకు కూడా స్వల్ప డ్యామేజ్ అయింది. ఈ ప్రమాదంలో ఎవరికీ ఎటువంటి గాయాలు కాకపోవటంతో అంతా ఊపిరిపీల్చుకున్నారు. కాన్వాయ్‌లోని రెండు వాహనాలు దెబ్బతిన్నాయి. ఎక్కువగా దెబ్బతిన్న వాహనాన్ని అక్కడే వదిలి.. మిగిలిన వాహనాలతో ఎమ్మెల్యే వంశీ హైదరాబాద్‌కు వెళ్లారు.
