Huawei Nova Y71 Launch : ట్రిపుల్ కెమెరాలు, భారీ బ్యాటరీతో హువావే నోవా Y71 ఫోన్.. ఫీచర్ల కోసమైన ఈ ఫోన్ కొనొచ్చు..!
Huawei Nova Y71 Launch : కొత్త ఫోన్ కోసం చూస్తున్నారా? హువావే నుంచి కొత్త మోడల్ నోవా Y71 ఫోన్ లాంచ్ అయింది. అద్భుతమైన ఫీచర్లతో వినియోగదారులను ఆకట్టుకునేలా ఉంది. ధర, ఫీచర్ల పూర్తి వివరాలను తెలుసుకుందాం..
- Published By: 10TV Digital Team ,Published On : July 6, 2023 / 05:38 PM IST
Huawei Nova Y71 With 6.75-Inch Display, 6,000mAh Battery Launched
Huawei Nova Y71 Launch : ప్రముఖ చైనా టెక్నాలజీ కంపెనీ హువావే (Huawei) సొంత బ్రాండ్ Nova Y71 ఫోన్ గ్లోబల్ మార్కెట్లలో లాంచ్ అయింది. ఈ స్మార్ట్‌ఫోన్ కంపెనీ నుంచి మిడ్-రేంజ్ మోడల్ 6.75-అంగుళాల HD+ డిస్‌ప్లేతో వచ్చింది. ఈ ఫోన్ 6,000mAh బ్యాటరీను కలిగి ఉంది. కంపెనీ EMUI 12 ఆండ్రాయిడ్ స్కిన్ అవుట్-ఆఫ్-ది-బాక్స్‌తో రన్ అవుతుంది. 8GB RAM, 128GB ఇంటర్నల్ స్టోరేజీతో హ్యాండ్‌సెట్‌లోని ప్రాసెసర్ పేరును హువావే వెల్లడించలేదు. హువావే Nova Y71 ఫోన్ ఫీచర్లు 48MP ప్రైమరీ సెన్సార్, 5MP, అల్ట్రా-వైడ్ కెమెరా, 2MP డెప్త్ కెమెరాతో కూడిన ట్రిపుల్ రియర్ కెమెరా సెటప్‌తో వస్తాయి.
హువావే నోవా Y71 ధర ఎంతంటే? :
హువావే నోవా ఏకైక 8GB + 128GB RAM, స్టోరేజ్ కాన్ఫిగరేషన్ కలిగి ఉంది. ఈ నోవా Y71 మోడల్ ధర ZAR 4,999 (దాదాపు రూ. 21,900)గా ఉంటుంది. ఈ హ్యాండ్‌సెట్ గోల్డ్, బ్లాక్ కలర్ ఆప్షన్లలో లభిస్తుంది. ఈ స్మార్ట్‌ఫోన్ ప్రస్తుతం దక్షిణాఫ్రికాలో అమ్మకానికి అందుబాటులో ఉంది. త్వరలో భారత్ సహా ఇతర ప్రాంతాలలో అందుబాటులోకి వస్తుందని భావిస్తున్నారు.
Huawei Nova Y71 With 6.75-Inch Display, 6,000mAh Battery Launched
హువావే Nova Y71 స్పెసిఫికేషన్లు, ఫీచర్లు :
హువావే గ్లోబల్ సైట్‌లో కంపెనీ షేర్ చేసిన వివరాల ప్రకారం.. ఈ కొత్త హువావే Nova Y71 ఫోన్ 6.75-అంగుళాల HD+ (720 x 1,600 పిక్సెల్‌లు) TFT LCD స్క్రీన్‌ను కలిగి ఉంది. హ్యాండ్‌సెట్ EMUI 12 అవుట్-ఆఫ్-ది-బాక్స్‌తో ముందే ఇన్‌స్టాల్ అయింది. ఈ ఫోన్ ప్రాసెసర్ ఇంకా రివీల్ కాలేదు. కానీ, 8GB RAM, 128GB ఇంటర్నల్ స్టోరేజీని కలిగి ఉంది. ఆప్టిక్స్ విషయానికి వస్తే.. Huawei Nova Y71 48MP ప్రైమరీ సెన్సార్, 5MP అల్ట్రా-వైడ్ కెమెరా, 2MP డెప్త్ కెమెరాతో కూడిన ట్రిపుల్ రియర్ కెమెరా సెటప్‌ను కలిగి ఉంది.
సెల్ఫీలు, వీడియో కాల్‌తో ఫ్రంట్ సైడ్ 8MP కెమెరాను కూడా కలిగి ఉంది. ఈ ఫోన్ బయోమెట్రిక్ అథెంటికేషన్ కోసం సైడ్-మౌంటెడ్ ఫింగర్ ప్రింట్ స్కానర్‌ను కలిగి ఉంది. హువావే నోవా Y71లోని కనెక్టివిటీ ఆప్షన్లలో డ్యూయల్ సిమ్ 4G, Wi-Fi, బ్లూటూత్ 5.1, 3.5mm ఆడియో జాక్, USB టైప్-C, GPSకి సపోర్ట్ ఉంటుంది. స్మార్ట్‌ఫోన్‌లో గ్రావిటీ సెన్సార్, కంపాస్ కూడా ఉన్నాయి. 6,000mAh బ్యాటరీని కలిగి ఉంది. USB టైప్-C పోర్ట్ ద్వారా 22.5W వైర్డ్ ఛార్జింగ్‌కు సపోర్టు ఇస్తుంది.
