Anand Mahindra: భారత ఆర్మీ కోసం.. మహీంద్ర వాహనాలు.. మొట్టమొదటిసారి డెలివరీ
డెలివరీకి సంబంధించిన వీడియో, ఫొటోలను ఆనంద్ మహీంద్ర తన ట్విటర్ ఖాతాలో పోస్ట్ చేశారు.
![Anand Mahindra: భారత ఆర్మీ కోసం.. మహీంద్ర వాహనాలు.. మొట్టమొదటిసారి డెలివరీ Anand Mahindra: భారత ఆర్మీ కోసం.. మహీంద్ర వాహనాలు.. మొట్టమొదటిసారి డెలివరీ](https://10tv.in/wp-content/uploads/2023/06/New-Project-13-4.jpg)
Armado
Anand Mahindra – Army: భారత ఆర్మీ కోసం తయారు చేసిన ఆర్మొర్డ్ లైట్ స్పెషలిస్ట్ వెహికల్ (ALSV)ను తొలి డెలివరీ ఇవాళ చేశామని మహేంద్ర గ్రూప్ (Mahindra Group) ఛైర్మన్ ఆనందర్ మహీంద్ర తెలిపారు. ఇవి భారత మొట్టమొదటి ఏఎల్ఎస్ వాహనాలని వివరించారు.
![Armado for Indian armed forces](https://diey8xpfs90ha.cloudfront.net/wp-content/uploads/2023/06/FyzfySgaMAARU24.jpg)
Armado for Indian armed forces
మహీంద్రా డిఫెన్స్ సిస్టమ్స్ (MDS) వీటిని తయారు చేసింది. డెలివరీకి సంబంధించిన వీడియో, ఫొటోలను ఆనంద్ మహీంద్ర తన ట్విటర్ ఖాతాలో పోస్ట్ చేశారు. భారత సాయుధ దళాల కోసం ఈ వాహనాలను సగర్వంగా డిజైన్ చేసి, అభివృద్ధి చేశామని తెలిపారు. ఈ ప్రాజెక్టులో పాల్గొన్న మహీంద్ర డిఫెన్స్ ఛైర్మన్ ఎస్పీ శుక్లా, టీమ్ కు ఆయన థ్యాంక్స్ చెప్పారు.
కాగా, ఈ Armado వాహనాలను పూర్తిగా స్వదేశీ పరిజ్ఞానంతో అభివృద్ధి చేశారు. ఐదుగురు ప్రయాణికులతో దీన్ని నడిపించవచ్చు. ఉగ్రవాద వ్యతిరేక ఆపరేషన్లలో ఈ వాహనాలు బాగా ఉపయోగపడతాయి. ఎడారి భూభాగాల్లోనూ దూసుకుపోతాయి. క్విక్ రియాక్షన్ టీమ్స్ కూడా వీటిని వాడుకోవచ్చు. ఆయుధాలను తీసుకెళ్లడం, సరిహద్దుల వద్ద సురక్షితంగా సాయుధ బలగాలు గస్తీ నిర్వహించడం వంటివాటికి ఈ వాహనాలను సమర్థంగా ఉపయోగించుకోవచ్చు.
At #MahindraDefence we have just begun deliveries of the Armado—India’s 1st Armoured Light Specialist Vehicle. Designed, developed & built with pride in India for our armed forces. Jai Hind. 🇮🇳
I salute @Prakashukla who has led our Defence Sector with enormous commitment. pic.twitter.com/TtyB0L8MrT— anand mahindra (@anandmahindra) June 17, 2023